Texts

atraitam avabhṛthaṃ saṃsādayanty agreṇāgnīdhram ucchrāyyāṃ vā carmaṇi vā // (1) Par.?

patnīśālād ādadate vāruṇam upastīrṇābhighāritam ājyasthālīṃ sasruvāṃ srucaṃ barhiḥ prativasanīye vāsasī audumbarīṃ rājāsandīm // (2) Par.?

sadasa audumbarīṃ sthūṇāṃ maitrāvaruṇadaṇḍam // (3) Par.?

havirdhānābhyāṃ pūtabhṛdādhavanīyau camasān adhiṣavaṇaṃ carmādhiṣavaṇe phalake ṣaṭ chaṅkūn grāvṇo vāyavyāni sthālīr droṇakalaśaṃ daśāpavitre ṛjīṣam ity etat saha kṛṣṇājinena yat kiṃcit somaliptaṃ bhavati // (4) Par.?

atha vai bhavati // (5) Par.?

parā sthālīr asyanty ud vāyavyāni harantīti // (6) Par.?

etat samādāya prastotāram āha prastotaḥ sāma gāyeti // (7) Par.?

sāmnā prastotānvavaiti // (8) Par.?

trir nidhanam upaiti // (9) Par.?

puruṣaḥ puruṣo nidhanam upaitīti brāhmaṇam // (10) Par.?

athāntareṇa cātvālotkarāv udaṅṅ upaniṣkrāmanty uruṃ hi rājā varuṇaś cakāra sūryāya panthām anvetavā u / (11.1) Par.?

apade pādā pratidhātave 'kar utāpavaktā hṛdayāvidhaś cid iti // (11.2) Par.?

viṣuvati dvitīyaṃ nidhanam upayanti // (12) Par.?

apaḥ parākhyāya vācayati śataṃ te rājan bhiṣajaḥ sahasram urvī gambhīrā sumatiṣ ṭe astu / (13.1) Par.?

bādhasva dveṣo nirṛtiṃ parācaiḥ kṛtaṃ cid enaḥ pramumugdhy asmad iti // (13.2) Par.?

udakānte tṛtīyaṃ nidhanam upayanti // (14) Par.?

athāpām antam abhitiṣṭhanty abhiṣṭhito varuṇasya pāśa iti // (15) Par.?

athāpsu barhiḥ prāsyaty agner anīkam apa āviveśa / (16.1) Par.?

apāṃ napāt pratirakṣann asuryaṃ dame dame samidhaṃ yakṣy agna iti // (16.2) Par.?

athainat sruvāhutyābhijuhoti prati te jihvā ghṛtam uccaraṇyet svāheti // (17) Par.?

atha sruci caturgṛhītaṃ gṛhītvāpabarhiṣaś caturaḥ prayājān yajati // (18) Par.?

athāgnaye somāyety ājyabhāgābhyāṃ carati // (19) Par.?

athopastīrya pūrvārdhāt puroḍāśasyāvadyann āha // (20) Par.?