Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice, piṇḍapitṛyajña

Show parallels  Show headlines
Use dependency labeler
Chapter id: 16991
  • Click on a sentence to show its analysis
  • Keep the mouse pointer over a lemma to show its meanings.
etāni vaḥ pitaro vāsāṃsy ato no 'nyat pitaro mā yoṣṭeti vāsaso daśāṃ chittvā nidadhāty ūrṇāstukāṃ vā pūrve vayasi / (1.1) Par.?
uttara āyuṣi svaṃ loma // (1.2) Par.?
vītoṣmasu piṇḍeṣu namo vaḥ pitaro rasāyeti namaskārāñ japati // (2) Par.?
gṛhān naḥ pitaro datta sado vaḥ pitaro deṣmeti pitṝn upatiṣṭhate // (3) Par.?
ūrjaṃ vahantīr amṛtaṃ ghṛtaṃ payaḥ kīlālaṃ parisrutam / (4.1) Par.?
svadhā stha tarpayata me pitṝn ity udakaṃ ninayati // (4.2) Par.?
mano nv āhuvāmaha iti manasvatībhir upatiṣṭhate // (5) Par.?
uttiṣṭhata pitaraḥ preta śūrā yamasya panthām anuvetā purāṇam / (6.1) Par.?
dhattād asmāsu draviṇaṃ yac ca bhadraṃ pra ṇo brūtād bhāgadhāṃ devatāsv iti pitṝn utthāpayati // (6.2) Par.?
pareta pitaraḥ somyā iti pravāhaṇyā pitṝn pravāhayati // (7) Par.?
prajāpate na tvad etānīti yajñopavītī gārhapatyadeśaṃ gacchati // (8) Par.?
yad antarikṣam iti paṅktyā gārhapatyam upatiṣṭhate // (9) Par.?
apāṃ tvauṣadhīnāṃ rasaṃ prāśayāmi bhūtakṛtaṃ garbhaṃ dhatsveti madhyamaṃ piṇḍaṃ patnyai prayacchati // (10) Par.?
ādhatta pitaro garbhaṃ kumāraṃ puṣkarasrajam / (11.1) Par.?
yatheha puruṣo 'sad iti taṃ patnī prāśnāti / (11.2) Par.?
pumāṃsaṃ ha jānukā bhavatīti vijñāyate // (11.3) Par.?
ye sajātāḥ samanaso jīvā jīveṣu māmakāḥ / (12.1) Par.?
teṣāṃ śrīr mayi kalpatām asmiṃl loke śataṃ samā ity avaśiṣṭānām ekaṃ yajamānaḥ prāśnāti / (12.2) Par.?
na vā // (12.3) Par.?
sthālyāṃ piṇḍān samavadhāya ye samānā iti sakṛdācchinnam agnau praharati // (13) Par.?
abhūn no dūto haviṣo jātavedā avāḍḍhavyāni surabhīṇi kṛtvā / (14.1) Par.?
prādāḥ pitṛbhyaḥ svadhayā te akṣan prajānann agne punar apyehi devān ity ekolmukaṃ pratyapisṛjya prokṣya pātrāṇi dvandvam abhyudāharati // (14.2) Par.?
saṃtiṣṭhate piṇḍapitṛyajñaḥ // (15) Par.?
apaḥ piṇḍān abhyavahared brāhmaṇaṃ vā prāśayet // (16) Par.?
so 'yam evaṃ vihita evānāhitāgneḥ // (17) Par.?
aupāsane śrapaṇadharmā homaś ca // (18) Par.?
atipraṇīte vā juhuyāt // (19) Par.?
yasmiñ juhuyāt tam upatiṣṭheta // (20) Par.?
tatra gārhapatyaśabdo lupyeta saṃskārapratiṣedhāt // (21) Par.?
Duration=0.083952188491821 secs.