Texts

pravṛtaḥ pravṛtaḥ pravṛtahomau juhoti juṣṭo vāco bhūyāsam / (1.1) Par.?

ṛcā stomaṃ samardhayety etābhyām // (1.2) Par.?

pravṛtaḥ pravṛto juhuyād ity ekam / (2.1) Par.?

adhvaryur eva juhuyād ity aparam // (2.2) Par.?

samānam ā vapāyā homāt // (3) Par.?

hutāyāṃ vapāyām āhvayati subrahmaṇyaḥ subrahmaṇyāṃ pitāputrīyām // (4) Par.?

aparāhṇe vasatīvarīr gṛhṇāti vahantīnāṃ pratīpaṃ tiṣṭhan // (5) Par.?

kumbham upamārayati haviṣmatīr imā āpa iti // (6) Par.?

nāntamā vahantīr atīyāt // (7) Par.?

chāyāyai cātapataś ca sandhau gṛhṇāti / (8.1) Par.?

vṛkṣasya vātmano vā chāyāyām // (8.2) Par.?

yasyāgṛhītā abhinimrocej jyotiṣā vā gṛhṇīyāddhiraṇyaṃ vāvadhāya // (9) Par.?

yo vā brāhmaṇo bahuyājī tasya kumbhyānāṃ gṛhṇīyāt // (10) Par.?

varaṃ dattvā gṛhṇīyād ity ekeṣām // (11) Par.?

athainā apareṇa gārhapatyam upasādayaty agner vo 'pannagṛhasya sadasi sādayāmīti // (12) Par.?

samānam eḍāyāḥ // (13) Par.?

dakṣiṇena havirdhāne samavattaṃ haraty uttareṇa vā // (14) Par.?

tataḥ saṃpreṣyaty agnīd aupayajān aṅgārān āhareti // (15) Par.?

śāmitrād āgnīdhrād vāṅgārān āhṛtyāgnīdhro hotrīye nivapati // (16) Par.?

pratiprasthātopayajati // (17) Par.?

nātrānūyājānte svaruṃ juhoti / (18.1) Par.?

na savanīye / (18.2) Par.?

anūbandhyāyām eva juhoti // (18.3) Par.?

taṃ divopākṛtya naktaṃ saṃsthāpayati // (19) Par.?

patnīsaṃyājāntaḥ saṃtiṣṭhate // (20) Par.?

hṛdayaśūlena caritvā na yūpam upatiṣṭhate // (21) Par.?

nāgnīṣomīye na savanīye hṛdayaśūlena caranti / (22.1) Par.?

anūbandhyāyām eva carantīty ekeṣām // (22.2) Par.?