Texts

sapta padāny anunikrāmati / (1.1) Par.?

vṛṅkta evainām etat / (1.2) Par.?

tasmāt sapta padāny anunikrāmati / (1.3) Par.?

yatra vai vācaḥ prajātāni chandāṃsi saptapadā vai teṣām parārdhyā śakvarī / (1.4) Par.?

tām evaitat parastād arvācīṃ vṛṅkte / (1.5) Par.?

tasmāt sapta padāny anunikrāmati // (1.6) Par.?

sa vai vāca eva rūpeṇānunikrāmati vasvy asy aditir asy ādityāsi rudrāsi candrāsīti / (2.1) Par.?

vasvī hy eṣāditir hy eṣādityā hy eṣā rudrā hy eṣā candrā hy eṣā / (2.2) Par.?

bṛhaspatiṣṭvā sumne ramṇātv iti / (2.3) Par.?

brahma vai bṛhaspatiḥ / (2.4) Par.?

bṛhaspatiṣṭvā sādhunāvartayatv ity evaitad āha / (2.5) Par.?

rudro vasubhir ācaka ity apraṇāśāyaitad āha / (2.6) Par.?

rudraṃ hi nāti paśavaḥ // (2.7) Par.?

atha saptamam padam paryupaviśanti / (3.1) Par.?

sa hiraṇyam pade nidhāya juhoti / (3.2) Par.?

na vā anagnāv āhutir hūyate / (3.3) Par.?

agniretasaṃ vai hiraṇyam / (3.4) Par.?

tatho hāsyaiṣāgnim aty evāhutir hutā bhavati / (3.5) Par.?

vajro vā ājyam / (3.6) Par.?

vajreṇaivaitad ājyena spṛṇute / (3.7) Par.?

tāṃ spṛtvā svīkurute // (3.8) Par.?

sa juhoty adityās tvā mūrdhann ājigharmīti / (4.1) Par.?

iyaṃ vai pṛthivy aditiḥ / (4.2) Par.?

asyai hi mūrdhan juhoti / (4.3) Par.?

devayajane pṛthivyā iti / (4.4) Par.?

devayajane hi pṛthivyai juhoti / (4.5) Par.?

iḍāyās padam asi ghṛtavat svāheti / (4.6) Par.?

gaur vā iḍā / (4.7) Par.?

gor hi pade juhoti / (4.8) Par.?

ghṛtavat svāheti / (4.9) Par.?

ghṛtavaddhy etad abhihutam bhavati // (4.10) Par.?

atha sphyam ādāya parilikhati / (5.1) Par.?

vajro vai sphyaḥ / (5.2) Par.?

vajreṇaivaitat parilikhati / (5.3) Par.?

triṣkṛtvaḥ parilikhati / (5.4) Par.?

trivṛtaivaitad vajreṇa samantam parigṛhṇāty anatikramāya // (5.5) Par.?

sa parilikhaty asme ramasveti / (6.1) Par.?

yajamāne ramasvety evaitad āha / (6.2) Par.?

atha samullikhya padaṃ sthālyāṃ saṃvapaty asme te bandhur iti / (6.3) Par.?

yajamāne te bandhur ity evaitad āha // (6.4) Par.?

athāpa upaninayati / (7.1) Par.?

yatra vā asyai khanantaḥ krūrīkurvanty apaghnanti śāntir āpas tad adbhiḥ śāntyā śamayati tad adbhiḥ saṃdadhāti / (7.2) Par.?

tasmād apa upaninayati // (7.3) Par.?

atha yajamānāya padaṃ prayacchati tve rāya iti / (8.1) Par.?

paśavo vai rāyaḥ / (8.2) Par.?

tvayi paśava ity evaitad āha / (8.3) Par.?

tad yajamānaḥ pratigṛhṇāti me rāya iti / (8.4) Par.?

paśavo vai rāyaḥ / (8.5) Par.?

mayi paśava ity evaitad āha // (8.6) Par.?

athādhvaryur ātmānam upaspṛśati mā vayaṃ rāyaspoṣeṇa viyauṣmeti / (9.1) Par.?

tatho hādhvaryuḥ paśubhya ātmānaṃ nāntareti // (9.2) Par.?

atha patnyai padam pratiparāharanti / (10.1) Par.?

gṛhā vai patnyai pratiṣṭhā / (10.2) Par.?

tad gṛheṣv evainām etat pratiṣṭhāyām pratiṣṭhāpayati / (10.3) Par.?

tasmāt patnyai padam pratiparāharanti // (10.4) Par.?

tāṃ neṣṭā vācayati toto rāya iti / (11.1) Par.?

athaināṃ somakrayaṇyā saṃkhyāpayati / (11.2) Par.?

vṛṣā vai somaḥ / (11.3) Par.?

yoṣā patnī / (11.4) Par.?

eṣa vā atra somo bhavati yat somakrayaṇī / (11.5) Par.?

mithunam evaitat prajananaṃ kriyate / (11.6) Par.?

tasmād enāṃ somakrayaṇyā saṃkhyāpayati // (11.7) Par.?

sa saṃkhyāpayati samakhye devyā dhiyā saṃ dakṣiṇayorucakṣasā mā ma āyuḥ pramoṣīr mo ahaṃ tava vīraṃ videya tava devi saṃdṛśīty āśiṣam evaitad āśāste / (12.1) Par.?

putro vai vīraḥ / (12.2) Par.?

putraṃ videya tava saṃdṛśīty evaitad āha // (12.3) Par.?

sā yā babhruḥ piṅgākṣī sā somakrayaṇī / (13.1) Par.?

yatra vā indrāviṣṇū tredhā sahasraṃ vyairayetāṃ tad ekātyaricyata / (13.2) Par.?

tāṃ tredhā prājanayatām / (13.3) Par.?

tasmād yo 'py etarhi tredhā sahasraṃ vyākuryād ekaivātiricyeta // (13.4) Par.?

sā yā babhruḥ piṅgākṣī sā somakrayaṇī / (14.1) Par.?

atha yā rohiṇī sā vārtraghnī yām idaṃ rājā saṃgrāmaṃ jitvodākurute / (14.2) Par.?

atha yā rohiṇī śyetākṣī sā pitṛdevatyā yām idam pitṛbhyo ghnanti // (14.3) Par.?

sā yā babhruḥ piṅgākṣī sā somakrayaṇī syāt / (15.1) Par.?

yadi babhrum piṅgākṣīṃ na vinded aruṇā syāt / (15.2) Par.?

yady aruṇāṃ na vinded rohiṇī vārtraghnī syāt / (15.3) Par.?

rohiṇyai ha tv eva śyetākṣyā āśāṃ neyāt // (15.4) Par.?

sā syād apravītā / (16.1) Par.?

vāg vā eṣā nidānena yat somakrayaṇī / (16.2) Par.?

ayātayāmnī vā iyaṃ vāk / (16.3) Par.?

ayātayāmny apravītā / (16.4) Par.?

tasmād apravītā syāt / (16.5) Par.?

sā syād avaṇḍākūṭākāṇākarṇālakṣitāsaptaśaphā / (16.6) Par.?

sā hy ekarūpā / (16.7) Par.?

ekarūpā hīyaṃ vāk // (16.8) Par.?