Texts

idhmam abhyādadhati / (1.1) Par.?

upayamanīr upakalpayanti / (1.2) Par.?

ājyam adhiśrayati / (1.3) Par.?

sruvaṃ ca srucaṃ saṃmārṣṭi / (1.4) Par.?

athotpūyājyam pañcagṛhītaṃ gṛhṇīte yadā pradīpta idhmo bhavati // (1.5) Par.?

athodyacchantīdhmam / (2.1) Par.?

upayacchanty upayamanīḥ / (2.2) Par.?

athāhāgnaye prahriyamāṇāyānubrūhy ekasphyayānūdehīti / (2.3) Par.?

anūdaiti pratiprasthātaikasphyayaitasmān madhyamācchaṅkor ya eṣa veder jaghanārdhe bhavati / (2.4) Par.?

tad yad evātrāntaḥpātena gārhapatyasya veder vyavacchinnam bhavati tad evaitad anusaṃtanoti // (2.5) Par.?

taddhaika ottaraveder anūdāyanti / (3.1) Par.?

tad u tathā na kuryāt / (3.2) Par.?

aivaitasmān madhyamācchaṅkor anūdeyāt / (3.3) Par.?

ta āyanty āgacchanty uttaravedim // (3.4) Par.?

prokṣaṇīr adhvaryur ādatte / (4.1) Par.?

sa purastād evāgre prokṣaty udaṅ tiṣṭhann indraghoṣas tvā vasubhiḥ purastāt pātv iti / (4.2) Par.?

indraghoṣas tvā vasubhiḥ purastād gopāyatv ity evaitad āha // (4.3) Par.?

atha paścāt prokṣati pracetās tvā rudraiḥ paścāt pātv iti / (5.1) Par.?

pracetās tvā rudraiḥ paścād gopāyatv ity evaitad āha // (5.2) Par.?

atha dakṣiṇataḥ prokṣati manojavās tvā pitṛbhir dakṣiṇataḥ pātv iti / (6.1) Par.?

manojavās tvā pitṛbhir dakṣiṇato gopāyatv ity evaitad āha // (6.2) Par.?

athottarataḥ prokṣati viśvakarmā tvādityair uttarataḥ pātv iti / (7.1) Par.?

viśvakarmā tvādityair uttarato gopāyatv ity evaitad āha // (7.2) Par.?

atha yāḥ prokṣaṇyaḥ pariśiṣyante tad ye ete pūrve sraktī tayor yā dakṣiṇā tā nyantena bahirvedi ninayatīdam ahaṃ taptaṃ vār bahirdhā yajñān niḥsṛjāmīti / (8.1) Par.?

sā yad evādaḥ siṃhī bhūtvāśāntevācarat tām evāsyā etacchucaṃ bahirdhā yajñān niḥsṛjati yadi nābhicaret / (8.2) Par.?

yady u abhicared ādiśed idam ahaṃ taptaṃ vār amum abhi niḥsṛjāmīti / (8.3) Par.?

tam etayā śucā vidhyati / (8.4) Par.?

sa śocann evāmuṃ lokam eti // (8.5) Par.?

sa yad dhāryamāṇe 'gnau uttaravediṃ vyāghārayati / (9.1) Par.?

yad evainām ado devā abruvan pūrvāṃ tvāgner āhutiḥ prāpsyatīti tad evainām etat pūrvām agner āhutiḥ prāpnoti / (9.2) Par.?

yad v eṣā devān abravīd yāṃ mayā kāṃ cāśiṣam āśāsiṣyadhve sā vaḥ sarvā samardhiṣyata iti tām enayātrartvijo yajamānāyāśiṣam āśāsate / (9.3) Par.?

sāsmai sarvā samṛdhyate // (9.4) Par.?

tad vā etad ekaṃ kurvan dvayaṃ karoti yad uttaravediṃ vyāghārayati / (10.1) Par.?

atha yaiṣām madhye nābhikeva bhavati tasyai ye pūrve sraktī tayor yā dakṣiṇā // (10.2) Par.?

tasyām āghārayati siṃhy asi svāheti / (11.1) Par.?

athāparayor uttarasyāṃ siṃhy asy ādityavaniḥ svāheti / (11.2) Par.?

athāparayor dakṣiṇasyāṃ siṃhy asi brahmavaniḥ kṣatravaniḥ svāheti / (11.3) Par.?

bahvī vai yajuḥṣv āśīḥ / (11.4) Par.?

tad brahma ca kṣatraṃ cāśāsta ubhe vīrye // (11.5) Par.?

atha pūrvayor uttarasyāṃ siṃhy asi suprajāvanī rāyaspoṣavaniḥ svāheti / (12.1) Par.?

tat prajām āśāste yad āha suprajāvanir iti / (12.2) Par.?

rāyaspoṣavanir iti / (12.3) Par.?

bhūmā vai rāyaspoṣaḥ / (12.4) Par.?

tad bhūmānam āśāste // (12.5) Par.?

atha madhya āghārayati siṃhy asy āvaha devān yajamānāya svāheti / (13.1) Par.?

tad devān yajamānāyāvāhayati / (13.2) Par.?

atha srucam udyacchati bhūtebhyas tveti / (13.3) Par.?

prajā vai bhūtāni / (13.4) Par.?

prajābhyas tvety evaitad āha // (13.5) Par.?

atha paridhīn paridadhāti dhruvo 'si pṛthivīṃ dṛṃheti madhyamaṃ dhruvakṣid asy antarikṣaṃ dṛṃheti dakṣiṇam acyutakṣid asi divaṃ dṛṃhety uttaram / (14.1) Par.?

agneḥ purīṣam asīti sambhārān upanivapati / (14.2) Par.?

tad yat sambhārā bhavanty agner eva sarvatvāya // (14.3) Par.?

śarīraṃ haivāsya pītudāru / (15.1) Par.?

tad yat paitudāravāḥ paridhayo bhavanti śarīreṇaivainam etat samardhayati kṛtsnaṃ karoti // (15.2) Par.?

māṃsaṃ haivāsya gulgulu / (16.1) Par.?

tad yad gulgulu bhavati māṃsenaivainam etat samardhayati kṛtsnaṃ karoti // (16.2) Par.?

gandho haivāsya sugandhitejanam / (17.1) Par.?

tad yat sugandhitejanam bhavati gandhenaivainam etat samardhayati kṛtsnaṃ karoti // (17.2) Par.?

atha yad vṛṣṇe stukā bhavati / (18.1) Par.?

vṛṣṇer ha vai viṣāṇe antareṇāgnir ekāṃ rātrim uvāsa tad yad evātrāgner nyaktaṃ tad ihāpy asad iti / (18.2) Par.?

tasmād vṛṣṇe stukā bhavati / (18.3) Par.?

tasmād yā śīrṣṇo nediṣṭhaṃ syāt tām ācchidyāharet / (18.4) Par.?

yady u tāṃ na vinded api yām eva kāṃ cāharet / (18.5) Par.?

tad yat paridhayo bhavanti guptyā eva / (18.6) Par.?

dūra iva hy enam uttare paridhaya āgacchanti // (18.7) Par.?