Texts

yatra vai yajñasya śiro 'cchidyata tasya raso drutvāpaḥ praviveśa / (1.1) Par.?

tenaivaitad rasenāpaḥ syandante / (1.2) Par.?

tam evaitad rasaṃ syandamānam manyante // (1.3) Par.?

sa yad vasatīvarīr acchaiti tam evaitad rasam āhṛtya yajñe dadhāti / (2.1) Par.?

rasavantaṃ yajñaṃ karoti / (2.2) Par.?

tasmād vasatīvarīr acchaiti // (2.3) Par.?

tā vai sarveṣu savaneṣu vibhajati / (3.1) Par.?

sarveṣv evaitat savaneṣu rasaṃ dadhāti / (3.2) Par.?

sarvāṇi savanāni rasavanti karoti / (3.3) Par.?

tasmāt sarveṣu vibhajati // (3.4) Par.?

tā vai syandamānānāṃ gṛhṇīyāt / (4.1) Par.?

aiddhi sa yajñasya rasaḥ / (4.2) Par.?

tasmāt syandamānānāṃ gṛhṇīyāt // (4.3) Par.?

gopīthāya vā etā gṛhyante / (5.1) Par.?

sarvaṃ vā idam anyad ilayati yad idaṃ kiṃ cāpi yo 'yaṃ pavate / (5.2) Par.?

athaitā eva nelayanti / (5.3) Par.?

tasmāt syandamānānāṃ gṛhṇīyāt // (5.4) Par.?

divā gṛhṇīyāt paśyan yajñasya rasaṃ gṛhṇānīti / (6.1) Par.?

tasmād divā gṛhṇīyāt / (6.2) Par.?

etasmai vai gṛhṇāti ya eṣa tapati / (6.3) Par.?

viśvebhyo hy enā devebhyo gṛhṇāti / (6.4) Par.?

raśmayo hy asya viśve devāḥ / (6.5) Par.?

tasmād divā gṛhṇīyāt / (6.6) Par.?

diveva vā eṣa / (6.7) Par.?

tasmād v eva divā gṛhṇīyāt // (6.8) Par.?

etaddha vai viśve devā yajamānasya gṛhān āgacchanti / (7.1) Par.?

sa yaḥ purādityasyāstamayād vasatīvarīr gṛhṇāti yathā śreyasy āgamiṣyaty āvasathenopakﾱptenopāsītaivaṃ tat / (7.2) Par.?

ta etaddhaviḥ praviśanti / (7.3) Par.?

ta etāsu vasatīvarīṣūpavasanti / (7.4) Par.?

sa upavasathaḥ // (7.5) Par.?

sa yasyāgṛhītā abhyastam iyāt tatra prāyaścittiḥ kriyate / (8.1) Par.?

yadi purejānaḥ syān nināhyād gṛhṇīyāt / (8.2) Par.?

divā hi tasya tāḥ purā gṛhītā bhavanti / (8.3) Par.?

yady u anījānaḥ syād ya enam ījāna upāvasito vā paryavasito vā syāt tasya nināhyād gṛhṇīyāt / (8.4) Par.?

divā hi tasya tāḥ purā gṛhītā bhavanti // (8.5) Par.?

yady u etad ubhayaṃ na vinded ulkuṣīm evādāyopapareyāt / (9.1) Par.?

tām uparyupari dhārayan gṛhṇīyāddhiraṇyaṃ voparyupari dhārayan gṛhṇīyāt / (9.2) Par.?

tad etasya rūpaṃ kriyate ya eṣa tapati // (9.3) Par.?

athāto gṛhṇāty eva haviṣmatīr imā āpa iti / (10.1) Par.?

yajñasya hy āsu rasaḥ prāviśat / (10.2) Par.?

tasmād āha haviṣmatīr imā āpa iti / (10.3) Par.?

haviṣmān āvivāsatīti / (10.4) Par.?

haviṣmān hy enā yajamāna āvivāsati / (10.5) Par.?

tasmād āha haviṣmān āvivāsatīti // (10.6) Par.?

haviṣmān devo adhvara iti / (11.1) Par.?

adhvaro vai yajñaḥ / (11.2) Par.?

tad yasmai yajñāya gṛhṇāti taṃ haviṣmantaṃ karoti / (11.3) Par.?

tasmād āha haviṣmān devo adhvara iti // (11.4) Par.?

haviṣmān astu sūrya iti / (12.1) Par.?

etasmai vai gṛhṇāti ya eṣa tapati / (12.2) Par.?

viśvebhyo hy enā devebhyo gṛhṇāti / (12.3) Par.?

raśmayo hy asya viśve devāḥ / (12.4) Par.?

tasmād āha haviṣmān astu sūrya iti // (12.5) Par.?

tā āhṛtya jaghanena gārhapatyaṃ sādayaty agner vo 'pannagṛhasya sadasi sādayāmīti / (13.1) Par.?

agner vo 'nārtagṛhasya sadasi sādayāmīty evaitad āha / (13.2) Par.?

atha yad āgnīṣomīyaḥ paśuḥ saṃtiṣṭhate 'tha pariharati / (13.3) Par.?

vyutkrāmatety āha / (13.4) Par.?

agreṇa havirdhāne yajamāna āste / (13.5) Par.?

tā ādatte // (13.6) Par.?

sa dakṣiṇena niṣkrāmati / (14.1) Par.?

tā dakṣiṇāyāṃ śroṇau sādayatīndrāgnyor bhāgadheyī stheti / (14.2) Par.?

viśvebhyo hy enā devebhyo gṛhṇāti / (14.3) Par.?

indrāgnī hi viśve devāḥ / (14.4) Par.?

tāḥ punar āhṛtyāgreṇa patnīṃ sādayati / (14.5) Par.?

sa jaghanena patnīm paryetya tā ādatte // (14.6) Par.?

sa uttareṇa niṣkrāmati / (15.1) Par.?

tā uttarāyāṃ śroṇau sādayati mitrāvaruṇayor bhāgadheyī stheti / (15.2) Par.?

naivaṃ sādayet / (15.3) Par.?

atiriktam etat / (15.4) Par.?

naivaṃ saṃpat sampadyate / (15.5) Par.?

indrāgnyor bhāgadheyī sthety eva brūyāt / (15.6) Par.?

tad evānatiriktam / (15.7) Par.?

tathā saṃpat sampadyate // (15.8) Par.?

guptyai vā etāḥ parihriyante / (16.1) Par.?

agniḥ purastāt / (16.2) Par.?

athaitāḥ samantam palyaṅgyante nāṣṭrā rakṣāṃsy apaghnatyaḥ / (16.3) Par.?

tā āgnīdhre sādayati viśveṣāṃ devānām bhāgadheyī stheti / (16.4) Par.?

tad āsu viśvān devānt saṃveśayati / (16.5) Par.?

ete vai vasatāṃ varam / (16.6) Par.?

tasmād vasatīvaryo nāma / (16.7) Par.?

vasatāṃ ha vai varam bhavati ya evam etad veda // (16.8) Par.?

tāni vā etāni sapta yajūṃṣi bhavanti / (17.1) Par.?

caturbhir gṛhṇāti / (17.2) Par.?

ekena jaghanena gārhapatyaṃ sādayati / (17.3) Par.?

ekena pariharati / (17.4) Par.?

ekenāgnīdhre / (17.5) Par.?

tāni sapta / (17.6) Par.?

yatra vai vācaḥ prajātāni chandāṃsi saptapadā vai teṣām parārdhyā śakvary etām abhisampadam / (17.7) Par.?

tasmāt sapta yajūṃṣi bhavanti // (17.8) Par.?