Texts

paśavo vai devānāṃ chandāṃsi / (1.1) Par.?

tad yathedam paśavo yuktā manuṣyebhyo vahanty evaṃ chandāṃsi yuktāni devebhyo yajñaṃ vahanti / (1.2) Par.?

tad yatra chandāṃsi devānt samatarpayann atha chandāṃsi devāḥ samatarpayan / (1.3) Par.?

tad atas tat prāg abhūd yac chandāṃsi yuktāni devebhyo yajñam avākṣur yad enānt samatītṛpan // (1.4) Par.?

atha hāriyojanaṃ gṛhṇāti / (2.1) Par.?

chandāṃsi vai hāriyojanaḥ / (2.2) Par.?

chandāṃsy evaitat saṃtarpayati / (2.3) Par.?

tasmāddhāriyojanam gṛhṇāti // (2.4) Par.?

taṃ vā atiriktaṃ gṛhṇāti / (3.1) Par.?

yadā hi śaṃyor āhāthainaṃ gṛhṇāti / (3.2) Par.?

idaṃ vai devā atha chandāṃsy atiriktāny atha manuṣyā atha paśavo 'tiriktāḥ / (3.3) Par.?

tasmād atiriktaṃ gṛhṇāti // (3.4) Par.?

droṇakalaśe gṛhṇāti / (4.1) Par.?

vṛtro vai soma āsīt / (4.2) Par.?

taṃ yatra devā aghnaṃs tasya mūrdhodvavarta / (4.3) Par.?

sa droṇakalaśo 'bhavat / (4.4) Par.?

tasmin yāvān vā yāvān vā rasaḥ samasravat / (4.5) Par.?

atirikto vai sa āsīt / (4.6) Par.?

atirikta eṣa grahaḥ / (4.7) Par.?

tad atirikta evaitad atiriktaṃ dadhāti / (4.8) Par.?

tasmād droṇakalaśe gṛhṇāti // (4.9) Par.?

taṃ vā apurorukkaṃ gṛhṇāti / (5.1) Par.?

chandobhyo hy enaṃ gṛhṇāti / (5.2) Par.?

sa yad evainaṃ chandobhyo gṛhṇāti teno hāsyaiṣa puroruṅmān bhavati / (5.3) Par.?

tasmād apurorukkaṃ gṛhṇāti // (5.4) Par.?

athāto gṛhṇāty evopayāmagṛhīto 'si harir asi hāriyojano haribhyāṃ tveti / (6.1) Par.?

ṛksāme vai harī / (6.2) Par.?

ṛksāmābhyāṃ hy enaṃ gṛhṇāti // (6.3) Par.?

atha dhānā āvapati haryor dhānā stha sahasomā indrāyeti / (7.1) Par.?

tad yad evātra mitaṃ ca chando 'mitaṃ ca tad evaitat sarvaṃ bhakṣayati // (7.2) Par.?

tasyonnetāśrāvayati / (8.1) Par.?

atirikto vā unnetā / (8.2) Par.?

na hy eṣo 'nyasyāśrāvayati / (8.3) Par.?

atirikta eṣa grahaḥ / (8.4) Par.?

tad atirikta evaitad atiriktaṃ dadhāti / (8.5) Par.?

tasmād unnetāśrāvayati // (8.6) Par.?

mūrdhann abhinidhāyāśrāvayati / (9.1) Par.?

mūrdhā hy asyaiṣaḥ / (9.2) Par.?

athāha dhānāsomebhyo 'nubrūhīti / (9.3) Par.?

āśrāvyāha dhānāsomān prasthitān preṣyeti / (9.4) Par.?

vaṣaṭkṛte juhoty anuvaṣaṭkṛte / (9.5) Par.?

atha dhānā vilipsante bhakṣāya // (9.6) Par.?

taddhaike hotre droṇakalaśam pratiparāharanti vaṣaṭkartur bhakṣa iti vadantaḥ / (10.1) Par.?

tad u tathā na kuryāt / (10.2) Par.?

yathācamasaṃ vā anye bhakṣāḥ / (10.3) Par.?

athaiṣo 'tiriktaḥ / (10.4) Par.?

tasmād etasmint sarveṣām eva bhakṣaḥ / (10.5) Par.?

tasmād dhānā vilipsante bhakṣāya // (10.6) Par.?

tā na dadbhiḥ khādeyuḥ / (11.1) Par.?

paśavo vā ete / (11.2) Par.?

net paśūn pramrade karavāmahā iti / (11.3) Par.?

prāṇair eva bhakṣayanti yas te aśvasanir bhakṣo yo gosanir iti / (11.4) Par.?

paśavo hy ete / (11.5) Par.?

tasmād āha yas te aśvasanir bhakṣo yo gosanir iti / (11.6) Par.?

tasya ta iṣṭayajuṣa stutastomasyeti / (11.7) Par.?

iṣṭāni hi yajūṃṣi bhavanti stutā stomāḥ / (11.8) Par.?

śastokthasyeti / (11.9) Par.?

śastāni hy ukthāni bhavanti / (11.10) Par.?

upahūtasyopahūto bhakṣayāmīti / (11.11) Par.?

upahūtasya hy etad upahūto bhakṣayati // (11.12) Par.?

tā nāgnau prakireyur ned ucchiṣṭam agnau juhavāmeti / (12.1) Par.?

uttaravedāv eva nivapanti / (12.2) Par.?

tathā na bahirdhā yajñād bhavanti // (12.3) Par.?

atha pūrṇapātrānt samavamṛśanti yān eke 'psuṣomā ity ācakṣate / (13.1) Par.?

yathā vai yukto vahed evam ete ya ārtvijyaṃ kurvanti / (13.2) Par.?

uta vai yuktaḥ kṣaṇute vā vi vā liśate / (13.3) Par.?

śāntir āpo bheṣajam / (13.4) Par.?

tad yad evātra kṣaṇvate vā vi vā liśante śāntir āpas tad adbhiḥ śāntyā śamayante tad adbhiḥ saṃdadhate / (13.5) Par.?

tasmāt pūrṇapātrānt samavamṛśanti // (13.6) Par.?

te samavamṛśanti saṃ varcasā payasā saṃ tanūbhir aganmahi manasā saṃ śivena tvaṣṭā sudatro vidadhātu rāyo 'numārṣṭu tanvo yad viliṣṭam iti / (14.1) Par.?

yad vivṛḍhaṃ tat saṃdadhate // (14.2) Par.?

atha mukhāny upaspṛśante / (15.1) Par.?

dvayaṃ tad yasmān mukhāny upaspṛśante / (15.2) Par.?

amṛtaṃ vā āpaḥ / (15.3) Par.?

amṛtenaivaitat saṃspṛśante / (15.4) Par.?

etad u caivaitat karmātman kurvate / (15.5) Par.?

tasmān mukhāny upaspṛśante // (15.6) Par.?