Texts

śaunaka uvāca / (1.1) Par.?

janamejayasya ke putrāḥ paṭhyante lomaharṣaṇe / (1.2) Par.?

kasmin pratiṣṭhito vaṃśaḥ pāṇḍavānāṃ mahātmanām // (1.3) Par.?

sūta uvāca / (2.1) Par.?

pārikṣitasya kāśyāyāṃ dvau putrau saṃbabhūvatuḥ / (2.2) Par.?

candrāpīḍaś ca nṛpatiḥ sūryāpīḍaś ca mokṣavit // (2.3) Par.?

candrāpīḍasya putrāṇāṃ śatam uttamadhanvinām / (3.1) Par.?

janamejaya ity eva kṣatraṃ bhuvi pariśrutam // (3.2) Par.?

teṣāṃ jyeṣṭhas tu rājāsīt pure vāraṇasāhvaye / (4.1) Par.?

satyakarṇo mahābāhur yajvā vipuladakṣiṇaḥ // (4.2) Par.?

satyakarṇasya dāyādaḥ śvetakarṇaḥ pratāpavān / (5.1) Par.?

aputraḥ sa tu dharmātmā praviveśa tapovanam // (5.2) Par.?

tasmād vanagatād garbhaṃ yādavī pratyapadyata / (6.1) Par.?

sucāror duhitā subhrūr mālinī bhrātṛmālinī // (6.2) Par.?

sa tv ajanmani garbhasya śvetakarṇaḥ prajeśvaraḥ / (7.1) Par.?

anvagacchata taṃ pūrvair mahāprasthānam acyutam // (7.2) Par.?

sā dṛṣṭvā samprayātaṃ taṃ mālinī pṛṣṭhato 'nvagāt / (8.1) Par.?

pathi sā suṣuve subhrūr vane rājīvalocanam // (8.2) Par.?

tam apāsya ca tatraiva rājānaṃ sānvagacchata / (9.1) Par.?

pativratā mahābhāgā draupadīva purā patīn // (9.2) Par.?

sukumāraḥ kumāro 'sau girikuñje ruroda ha / (10.1) Par.?

dayārthaṃ tasya meghās tu prādurāsan mahātmanaḥ // (10.2) Par.?

śraviṣṭhāyāś ca putrau dvau paippalādau ca tau dvijau / (11.1) Par.?

dṛṣṭvā kṛpānvitau gṛhya taṃ prakṣālayatāṃ jale // (11.2) Par.?

vighṛṣṭe tasya te pārśve khelena rudhirasrave / (12.1) Par.?

ajaśyāmau ca pārśvau tāv ubhāv api samāhitau // (12.2) Par.?

tathaiva ca samārūḍhāv ajapārśvas tato 'bhavat / (13.1) Par.?

tato 'japārśva iti tau cakrāte tasya nāma ha // (13.2) Par.?

sa tu vemakaśālāyāṃ ubhābhyām abhivardhitaḥ // (14.1) Par.?

vemakasya tu bhāryā tam udvahat putrakāraṇāt / (15.1) Par.?

vemakyāḥ sa tu putro 'bhūd brāhmaṇau sacivau ca tau // (15.2) Par.?

teṣāṃ putrāś ca pautrāś ca yugapat tulyajīvinaḥ / (16.1) Par.?

sa eṣa pauravo vaṃśaḥ pāṇḍavānāṃ pratiṣṭhitaḥ // (16.2) Par.?

śloko 'pi cātra gīto 'yaṃ nāhuṣeṇa yayātinā / (17.1) Par.?

jarāsaṃkramaṇe pūrvaṃ tadā prītena dhīmatā // (17.2) Par.?

acandrārkagrahā bhūmir bhaved api na saṃśayaḥ / (18.1) Par.?

apauravā na tu mahī bhaviṣyati kadācana // (18.2) Par.?