Texts

yajño vai prajāpatiḥ // (1) Par.?

prājāpatyam etac chando yad anuṣṭup // (2) Par.?

yad anuṣṭubhā juhoti svenaivainaṃ chandasāvarunddhe // (3) Par.?

ekayā juhoti // (4) Par.?

eko hi prajāpatiḥ // (5) Par.?

aniruktayā juhoti // (6) Par.?

anirukto hi prajāpatiḥ // (7) Par.?

pūrṇayā juhoti // (8) Par.?

pūrṇo hi prajāpatiḥ // (9) Par.?

yad ūnayā juhuyād bhrātṛvyāya lokam uñśiṃṣet // (10) Par.?

atha yat pūrṇayā juhoti // (11) Par.?

na bhrātṛvyāya lokam uñśiṃṣati // (12) Par.?

ūrjo vā etad rūpaṃ yat pūrṇam // (13) Par.?

yat pūrṇayā juhoti yajñe vā etad ūrjaṃ dadhāti // (14) Par.?

viśvo devasya netur iti sāvitram // (15) Par.?

marto vurīta sakhyam iti pitṛdevatyam // (16) Par.?

viśvo rāya iṣudhyatīti vaiśvadevam // (17) Par.?

dyumnaṃ vṛṇīteti bārhaspatyam // (18) Par.?

puṣyasā iti pauṣṇam // (19) Par.?

sārasvataḥ svāhākāraḥ // (20) Par.?

sarvadevatyā vā eṣā ṛk // (21) Par.?

tasmād eṣaikā satyaudgrabhaṇaṃ paribabhūva // (22) Par.?

sarvābhyo devatābhyo yajña ālabhyā ity āhuḥ // (23) Par.?

sarvadevatyā vā eṣā ṛk // (24) Par.?

yad etayā ṛcaudgrabhaṇaṃ juhoti // (25) Par.?

sarvābhyo vā etad devatābhyo yajñam ālabhate // (26) Par.?

anuṣṭubho vā etasyāḥ satyās trīṇy aṣṭākṣarāṇi padāny ekaṃ saptākṣaram // (27) Par.?

yat saptākṣaraṃ tasya catvāry akṣarāṇy ekasmin pada upayanti // (28) Par.?

trīṇy ekasmin // (29) Par.?

yatra catvāry upayanti sā jagatī // (30) Par.?

yatra trīṇi sā triṣṭup // (31) Par.?

yad aṣṭākṣaraṃ tena gāyatrī // (32) Par.?

yad anuṣṭup tenānuṣṭup // (33) Par.?

sarvair evāsya chandobhir hutaṃ bhavati // (34) Par.?

chandaḥpratiṣṭhāno vai yajñaḥ // (35) Par.?

chandaḥsu vāvāsyaitad yajñaṃ pratiṣṭhāpayāmakaḥ // (36) Par.?

svāhākāreṇa khalu vā eṣā paṅktiḥ // (37) Par.?

pāṅkto yajñaḥ paṅktiprāyaṇaḥ paṅktyudayanaḥ // (38) Par.?

paṅktiprāyaṇam evāsya yajñaṃ paṅktyudayanam akaḥ // (39) Par.?

atho vāg vai chandāṃsi // (40) Par.?

vācaṃ vā etan madhyata āptvāvarunddhe // (41) Par.?

tasmād iyaṃ vāṅ madhyato vadati // (42) Par.?

madhyato hīyaṃ vāk // (43) Par.?

prajāpatir vai svāṃ duhitaram adhyaid uṣasam // (44) Par.?

tasya retaḥ parāpatat // (45) Par.?

te devā abhisamagacchanta // (46) Par.?

tasmād dīkṣito na dadāti na pacati // (47) Par.?

athainam abhisaṃgacchante // (48) Par.?

tad udagṛbhṇan // (49) Par.?

tad audgrabhaṇasyaudgrabhaṇatvam // (50) Par.?

tena yajñam atanvanta // (51) Par.?

yajño yad agre vyabhavat sa tredhā vyabhavat // (52) Par.?

sa vā ṛkṣv eva tṛtīyenāśrayata sāmasu tṛtīyena yajuḥṣu tṛtīyena // (53) Par.?

yā vā asya priyā tanūr āsīt tayā yajur aśrayata // (54) Par.?

uccair ṛcā kriyata uccaiḥ sāmnopāṃśu yajuṣā // (55) Par.?

yajñasya hy atra priyā tanūḥ // (56) Par.?

yad yajuṣoccaiḥ kuryād yajñasya priyāṃ tanvam uddhṛtāṃ kuryāt // (57) Par.?

abrahmavarcasī syān nagnaṃbhāvukaḥ // (58) Par.?