Texts

audumbaro dīkṣitadaṇḍo yo vā kaścana vṛkṣaḥ phalagrahis tasya // (1) Par.?

muṣṭimātro mukhena saṃmitaś cubukadaghno vā // (2) Par.?

ūrdhvasūr asi vānaspatyaḥ sudyumno dyumnaṃ yajamānāya dhehīti taṃ yajamānāya pradāya saṃbhārayajūṃṣi vācayati juhoti caitair mantraiḥ // (3) Par.?

taṃ vāgyatam adīkṣiṣṭāyaṃ brāhmaṇo 'sāv āmuṣyāyaṇo 'muṣya putro 'muṣya pautro 'muṣya naptāmuṣyāḥ putro 'muṣyāḥ pautro 'muṣyā napteti trir upāṃśv āvedayati trir uccaiḥ // (4) Par.?

asāv iti nāma gṛhṇāty āmuṣyāyaṇa iti pitur nāmadheyena // (5) Par.?

yaḥ kaścid dīkṣate brāhmaṇa ity evāvedayet // (6) Par.?

devāñ janam agan yakṣas tato mā yajñasyāśīr āgacchatu gandharvāñ janam agan yajñas tato mā yajñasyāśīr āgacchatu pitṝñ janam agan yajñas tato mā yajñasyāśīr āgacchatv apa oṣadhīr vanaspatīñ janam agan yajñas tato mā yajñasyāśīr āgacchatu pañcajanāñ janam agan yajñas tato mā yajñasyāśīr āgacchatu vardhatāṃ bhūtir dadhnā ghṛtena muñcatu yajño yajñapatim aṃhaso bhūpataye svāhety abhimantrayate yady anyatra kṛṣṇājinād āsīta nityavṛttāv ata ūrdhvam // (7) Par.?

agnīñ jyotiṣmataḥ kuruta dīkṣita vācaṃ yaccha patni vācaṃ yaccheti purodayam adhivṛkṣasūrye ca vratapradaḥ saṃpreṣyati // (8) Par.?

udite 'stamite ca vrataṃ dohayati vatsasyaikaṃ stanam avaśeṣya // (9) Par.?

gārhapatye dīkṣitasya vrataṃ śrapayati patnyā dakṣiṇāgnau // (10) Par.?

apareṇāhavanīyaṃ vratam atyāhṛtya dīkṣitāya prayacchati // (11) Par.?

bhadrād abhi śreyaḥ prehīti dīkṣitaṃ prayātam anumantrayate // (12) Par.?

dīkṣitasya yūpaṃ chinatti yathā nirūḍhapaśubandhe // (13) Par.?

na yūpāhutiṃ juhoti homārthām ṛcaṃ japitvābhipravrajati // (14) Par.?

api vājyam araṇī cādāya yūpasyāntike 'gniṃ mathitvā yūpāhutiṃ hutvā yūpaṃ chinatti // (15) Par.?

krīte vā rājany āhavanīye yūpāhutiṃ hutvā yūpaṃ chinatti // (16) Par.?