Texts

dakṣiṇata āgnīdhrasyāgnīdhrīyāya lakṣaṇaṃ karoti // (1.1) Par.?

uddhatyāvokṣya cātvālāt pāṃsūn nivapati // (2.1) Par.?

vyuhyāvokṣya sikatābhiḥ prarocayati // (3.1) Par.?

evaṃ dhiṣṇyān nivapati ṣaḍ antaḥsadasaḥ / (4.1) Par.?

pṛṣṭhyādeśe hotrīyaṃ bāhumātre paścād dvārasya dakṣiṇaṃ maitrāvaruṇīyaṃ yathainayoḥ samayārdha audumbarī bhaviṣyaty udīca itarān bāhumātrāntarān brāhmaṇācchaṃsyaṃ potrīyaṃ neṣṭrīyam acchāvākyam // (4.2) Par.?

yāvati hotrīyād āgnīdhrīyas tāvati dakṣiṇataḥpurastān mārjālīyaḥ // (5.1) Par.?

dakṣiṇataś cātvālasyāntarvedy āstāvāya saṃstṛṇāti // (6.1) Par.?

uttarataś cātvālasya śāmitrāya lakṣaṇaṃ karoti // (7.1) Par.?

uddhatyāvokṣyānuparikrāmantau dhiṣṇyān upatiṣṭhete 'dhvaryur yajamānaś ca vibhūr asi pravāhaṇa itiprabhṛtibhir yathānyuptaṃ samrāḍ asītiprabhṛtibhir āhavanīyam āstāvam antarvedi tiṣṭhantau cātvālaṃ śāmitraṃ sada audumbarīṃ brahmalokam uttareṇāgnīdhrīyaṃ parikramya śālāmukhīyaṃ gārhapatyaṃ dakṣiṇāgniṃ / (8.1) Par.?

raudreṇānīkeneti sarvatrānuṣajati // (8.2) Par.?

tīrtham antarā cātvālam āgnīdhraṃ ca // (9.1) Par.?

na dhiṣṇyān vyaveyāt / (10.1) Par.?

adhvaryuś cet pratyaṅ dhiṣṇyān atikrāmed aindrīṃ nigadet // (10.2) Par.?

antarāgnīdhram āgnīdhrīyaṃ ca prāgvaṃśāya saṃcaraḥ // (11.1) Par.?

vediṃ stṛṇanti yathāpadalobhā dhātuśo dhunvanto vānapacchādayanto dhiṣṇyān kharoparavottaravediṃ ca // (12.1) Par.?

ardhavrate pradāyottarata āhavanīyasyedhmābarhir upasādayati // (13.1) Par.?

pāṇī prakṣālayate 'dhvaryur yajamānaś ca // (14.1) Par.?

śālāmukhīye 'gnipraṇayanāny ādhāya prāgvaṃśe pāśukāni pātrāṇi prayunakti sruvād dakṣiṇāṃ srucaṃ pracaraṇīṃ / (15.1) Par.?

tasyāḥ prathamaṃ tūṣṇīṃ saṃmārjanam // (15.2) Par.?

siddham ājyagrahebhyaḥ // (16.1) Par.?

caturgṛhītāny ājyāni pṛṣadājyavanti gṛhṇāti // (17.1) Par.?

brahmaṇa upasthe rājānam ādadhāti yajamānāya vā // (18.1) Par.?

praitu brahmaṇaḥ patnī vediṃ varṇena sīdatv iti dīkṣitasaṃcareṇa patnīm abhyudānīyāthāham anugāminī sve loke viśa iheti paścād yajamānasyopaveśayati // (19.1) Par.?

caturgṛhītaṃ gṛhītvāgnīṣomābhyāṃ praṇīyamānābhyām anubrūhīty anuvācayati // (20.1) Par.?

trir anūktāyām agnipraṇayanāny udyacchati // (21.1) Par.?

adhvaryur āgnīdhrāya pradāya prāgdaśena vāsasāmātyān yajamānaṃ ca pracchādayanti // (22.1) Par.?

pumāṃso yajamānam anvārabhante striyaḥ patnīm // (23.1) Par.?

upasaṃyamya daśāṃ srugdaṇḍe tvaṃ soma tanūkṛdbhya iti juhoti / (24.1) Par.?

juṣāṇo aptur iti dvitīyām // (24.2) Par.?

eṣo 'ta ūrdhvaṃ gārhapatyo bhavati / (25.1) Par.?

tasya śītabhasmani padārdham upavapati // (25.2) Par.?

agnim agrato nayanti / (26.1) Par.?

yasyopasthe so 'nantarā rājānam anupaścād ājyāny āsandīṃ grāvavāyavyāni droṇakalaśam ajaṃ cāgnīṣomīyam anunayanti // (26.2) Par.?

uttareṇa sado yanti // (27.1) Par.?

āgnīdhrīye dhiṣṇye 'gniṃ nidhāyāgne nayety abhijuhoti // (28.1) Par.?

āgnīdhre yajñapātrāṇi sādayaty āsandīṃ grāvavāyavyāni droṇakalaśam ajaṃ ca badhnāti // (29.1) Par.?

brahmā rājānam ādāya paścāddhavirdhānayor avatiṣṭhate // (30.1) Par.?

ājyair uttaravedyanta uru viṣṇo vikramasvety āhavanīye hutvāgrāṇy upapāyya paścād uttaraveder ekavṛd barhiḥ stṛṇāti // (31.1) Par.?

siddham ājyānāṃ sādanāt // (32.1) Par.?

evā vandasveti pūrvayā dvārā yajamānaḥ prapadyate 'parayādhvaryū rājānam atiharati // (33.1) Par.?

urv antarikṣaṃ vīhīti dakṣiṇam ano 'bhipravrajya pūrvārdhe nīḍe 'dityās tvag asīti kṛṣṇājinam āstṛṇāti // (34.1) Par.?

adityāḥ sada āsīdeti tasmin rājānam āsādayati // (35.1) Par.?

deva savitar eṣa te soma iti japaty etat tvaṃ deva someti yajamānaḥ // (36.1) Par.?

idam ahaṃ manuṣyān ity uktvāvartate // (37.1) Par.?

namo devebhya iti namaskaroti // (38.1) Par.?

nir varuṇasya pāśād iti niḥsarpati // (39.1) Par.?

svar abhivyakśam ity abhivīkṣate 'gnim ādityaṃ vā // (40.1) Par.?

agne vratapate yā tava tanūr mayy abhūd eṣā sā tvayīti samidham ādadhāti // (41.1) Par.?

agne vratapate yā mama tanūs tvayy abhūd iyaṃ sā mayīti japati // (42.1) Par.?

punar nau vratapata iti vratāni visṛjate // (43.1) Par.?

kṛṣṇājina āsīta / (44.1) Par.?

yajuṣā kaṇḍūyeta / (44.2) Par.?

haviṣyaṃ patnī prāśnīyāddhavirucchiṣṭaṃ yajamānaḥ // (44.3) Par.?

agreṇa havirdhāne 'pareṇa srugdaṇḍān dakṣiṇātikramyāparo brahmaṇa upaviśaty eṣa saṃcaraḥ // (45.1) Par.?