Texts

yad vā asyā yajñiyaṃ medhyaṃ yat sadevaṃ tad utkramyātiṣṭhad antarā devāsurānt saṃyattānt siṃhīrūpam iva bhūtvā // (1) Par.?

te 'vidur yatarān vā iyam upāvartsyati ta idaṃ bhaviṣyantīti // (2) Par.?

tasyāṃ vā ubhaya aicchanta // (3) Par.?

sā nānyatarāṃś canopāvartata // (4) Par.?

tāṃ devā apāśāsuḥ // (5) Par.?

upa nā āvartasveti // (6) Par.?

sābravīd bhāgo me 'stv iti // (7) Par.?

vṛṇīṣvety abruvan // (8) Par.?

sābravīn mām eva pūrvām agner vyāghārayāt // (9) Par.?

sa yatkāmo māṃ vyāghārayāt tam eva sa kāmam aśnuvad iti // (10) Par.?

tāṃ devāḥ pūrvām agner vyāghārayan // (11) Par.?

tato devā abhavan parāsurāḥ // (12) Par.?

tad ya evaṃ vidvān etāṃ pūrvām agner vyāghārayati bhavaty ātmanā parāsya bhrātṛvyo bhavati // (13) Par.?

yad vai tad utkramyātiṣṭhad antarā devāsurānt saṃyattānt siṃhīrūpam iva bhūtvā sā vā uttaravediḥ // (14) Par.?

taptāyanī me 'sīti // (15) Par.?

taptā hi te tām avindanta // (16) Par.?

vittāyanī me 'sīti // (17) Par.?

vittā hi te tām avindanta // (18) Par.?

avatān mā nāthitam iti // (19) Par.?

nāthitān hi sā tān āvat // (20) Par.?

avatād vyathitam iti // (21) Par.?

vyathitān hi sā tān āvat // (22) Par.?

etadetad vā etayā devā asurāṇām avindanta // (23) Par.?

etadetad evaitayā yajamāno bhrātṛvyasya vṛṅkte // (24) Par.?

agne aṅgiro yo 'syāṃ pṛthivyām adhy asīti // (25) Par.?

ya evaiṣu triṣu lokeṣv agnayas tān evāvarunddhe // (26) Par.?

vider agne nabho nāma yat tā iti // (27) Par.?

nabho hi nāma so 'gnir āsīt // (28) Par.?

jānudaghnaṃ kheyam // (29) Par.?

etāvatī vā asyāḥ pṛthivyā jīvaṃ yajñiyam // (30) Par.?

tad evāvarunddhe // (31) Par.?

siṃhīr asi / (32.1) Par.?

mahiṣīr asīti // (32.2) Par.?

siṃhīrūpam iva hi tan mahiṣīrūpam iva bhūtvātiṣṭhat // (33) Par.?

devebhyaḥ śundhasva / (34.1) Par.?

devebhyaḥ śumbhasveti // (34.2) Par.?

devebhya evaināṃ śundhanti // (35) Par.?

devebhyaḥ śumbhanti // (36) Par.?

niḥsārayati // (37) Par.?

yad evāsyā udghnantaḥ krūram akraṃs tad akrūram akaḥ // (38) Par.?

tan niḥsārayati // (39) Par.?

indraghoṣās tvā purastād vasubhiḥ pāntv iti // (40) Par.?

etaddevatyā vā imā diśaḥ // (41) Par.?

yathādevatam evaināṃ praukṣīt // (42) Par.?

ato vai devā asurān manasā vinudya svargaṃ lokam āyan // (43) Par.?

ta etā devatā antato 'dadhatāsurāṇām ananvagbhāvāya // (44) Par.?

ato vā etad yajamāno bhrātṛvyaṃ manasā vinudya svargaṃ lokam eti // (45) Par.?

sa etā devatā antato dhatte bhrātṛvyasyānanvagbhāvāya // (46) Par.?

te 'kāmayanta sapatnaṃ bhrātṛvyaṃ sahemahīti // (47) Par.?

siṃhīr asi sapatnasāhī svāheti tam eva tena kāmam āśnuvata // (48) Par.?

sapatnaṃ bhrātṛvyaṃ sāḍhvā te 'kāmayanta paśavo naḥ syur iti // (49) Par.?

siṃhīr asi rāyaspoṣavaniḥ svāheti tam eva tena kāmam āśnuvata // (50) Par.?

sapatnaṃ bhrātṛvyaṃ sāḍhvā paśūn bhittvā te 'kāmayanta prajā naḥ syād iti // (51) Par.?

siṃhīr asi suprajāvaniḥ svāheti tam eva tena kāmam āśnuvata // (52) Par.?

siṃhīr asy ādityavaniḥ sajātavaniḥ svāheti // (53) Par.?

ādityābhir hi sā prajābhiḥ saha // (54) Par.?

te 'kāmayanta devā no yajñaṃ vidyur iti // (55) Par.?

siṃhīr asi / (56.1) Par.?

āvaha devān devāyate yajamānāya svāheti tam eva tena kāmam āśnuvata // (56.2) Par.?

bhūtebhyas tvety uddiśati // (57) Par.?

devā hy eva bhūtāḥ // (58) Par.?

yatra vā ado 'gnir hotrād iṣāpākrāmat sa sarveṣu bhūteṣv avasat // (59) Par.?

yāṃ paśuṣv avasat tām anācchinnastukasyāntarāśṛṅgam avasad yāṃ vanaspatiṣu pūtudrau yām oṣadhīṣu tāṃ sugandhitejane // (60) Par.?

yat saṃbhārānt saṃbharati // (61) Par.?

yad evātrāgner nyaktaṃ tat saṃbharati // (62) Par.?

yāni vā ado 'gnir asthāny adhūnuta sa pūtudrur abhavat // (63) Par.?

yan māṃsaṃ tad guggulu // (64) Par.?

yat pūyitam upaśliṣṭaṃ sa sugandhitejanaḥ // (65) Par.?

yad ete saṃbhārā bhavanti // (66) Par.?

yad evātrāgner nyaktaṃ tasyāvaruddhyai // (67) Par.?

viśvāyur asi / (68.1) Par.?

pṛthivīṃ dṛṃheti // (68.2) Par.?

eṣāṃ hy ete lokānāṃ vidhṛtyai paridhīyante // (69) Par.?

dhruvakṣitir asi / (70.1) Par.?

antarikṣaṃ dṛṃheti // (70.2) Par.?

antarikṣaṃ hi yajñaḥ // (71) Par.?

acyutakṣid asi / (72.1) Par.?

divaṃ dṛṃheti // (72.2) Par.?

divam evainam ajīgamat // (73) Par.?

agner bhasmāsi / (74.1) Par.?

agneḥ purīṣam asīti // (74.2) Par.?

agner hy etad bhasmāgneḥ purīṣam // (75) Par.?

devapātraṃ vā uttaravedi // (76) Par.?

devebhyo devapātraṃ procyam // (77) Par.?

vaibhrājā devāḥ // (78) Par.?

yad āha vibhrāḍ bṛhat pibatu somyaṃ madhv iti devebhyo vā etad devapātraṃ prāha // (79) Par.?

pra vasīyasaḥ pātram āpnoti // (80) Par.?

brāhmaṇaṃ tu pātre na mīmāṃseta yaḥ pātriya iva syāt // (81) Par.?