Texts

sa vyākhyātarūpaḥ // (1) Par.?

pravaraṃ pravṛtyāśrāvam ṛtupraiṣādibhiḥ saumikān ṛtvijo vṛṇīte // (2) Par.?

indraṃ hotrāt sajūr diva ā pṛthivyā iti hotāram // (3) Par.?

apisṛjya tṛṇam asphya uttarān vṛṇīte // (4) Par.?

agnim āgnīdhrād ity āgnīdhram // (5) Par.?

aśvinādhvaryū ādhvaryavād ity ātmānaṃ pratiprasthātāraṃ ca // (6) Par.?

mitrāvaruṇau praśāstārau praśāstrād iti maitrāvaruṇam // (7) Par.?

indro brahmā brāhmaṇād iti brāhmaṇācchaṃsinaṃ // (8) Par.?

marutaḥ potrād iti potāraṃ // (9) Par.?

gnāvo neṣṭrād iti neṣṭāram // (10) Par.?

agnir devīnāṃ viśāṃ puraetāyaṃ sunvan yajamāno manuṣyāṇāṃ tayor asthūri gārhapatyaṃ dīdāya gacchataṃ himā vā yu rādhāṃsīt saṃpṛñcānāv asaṃpṛñcānau tanva iti yajamānam // (11) Par.?

juṣṭo vāco bhūyāsam ity etābhyāṃ pravṛtaḥpravṛto juhoty anantaraṃ pravarāt // (12) Par.?

hutvādhvaryur uttarān vṛṇīte // (13) Par.?

savanīya eke pravarān āmananti // (14) Par.?

hutāyāṃ vapāyāṃ subrahmaṇya subrahmaṇyām āhvayeti saṃpreṣyati pitāputrīyā subrahmaṇyā bhavati // (15) Par.?

aparāhṇe vasatīvarīr gṛhṇāti vahantīnām // (16) Par.?

nāntamā vahantīr atīyāt // (17) Par.?

saṃdhāv ātapasya chāyāyāḥ // (18) Par.?

kūlasya vṛkṣasya svayaṃ vā chāyāṃ kṛtvā // (19) Par.?

haviṣmatīr imā āpa iti pratīpaṃ tiṣṭhan kumbhaṃ kumbhīṃ vābhipūrayati // (20) Par.?

yady agṛhītāḥ sūryo 'bhinimroced yo brāhmaṇo bahuyājī tasya gṛhāt kumbhyānāṃ gṛhṇīyāt // (21) Par.?

yadi taṃ na vindeyur agniṃ hiraṇyaṃ cādāya pareyād yatrāpaḥ syus taj jyotir upariṣṭād dhārayan hiraṇyam antardhāya vare datte gṛhṇāti // (22) Par.?

agner vo 'pannagṛhasya sadasi sādayāmīty apareṇa śālāmukhīyam upasādayati // (23) Par.?

astamite saṃvādaprabhṛtinā paśutantreṇa pratipadyate // (24) Par.?

tasya dakṣiṇena havirdhānam uttareṇa vā samavattaṃ pariharati // (25) Par.?

na yajamāno bhakṣān bhakṣayati bhakṣaṇam eke samāmananti // (26) Par.?

patnīsaṃyājāntaḥ // (27) Par.?