Texts

adhunā abhrakaśodhanam āha kṛṣṇeti // (1) Par.?

kṛṣṇābhrakaṃ vajrajātisaṃjñaṃ kathitam // (2) Par.?

yatastvabhrakaṃ tu caturvidhaṃ bhavati // (3) Par.?

tathā hi tantrāntarād utpattiprabhṛtikaṃ likhyate yathā / (4.1) Par.?

purā vadhāya vṛtrasya vajriṇā vajramuddhṛtam / (4.2) Par.?

visphuliṅgāstatastasya gaganaṃ parisarpitāḥ // (4.3) Par.?

nipetur meghanirghoṣāt śikhareṣu mahībhṛtām / (5.1) Par.?

tebhya eva samutpannaṃ tattadgiriṣu cābhrakam // (5.2) Par.?

tadvajraṃ vajrajātatvādabhramabhraravodbhavāt / (6.1) Par.?

gaganacyutajātatvādūcire gaganaṃ surāḥ // (6.2) Par.?

tadbrāhmaṇakṣatriyaviṭśūdrabhedāccaturvidham / (7.1) Par.?

krameṇaiva sitaṃ raktaṃ pītaṃ kṛṣṇaṃ ca varṇataḥ // (7.2) Par.?

pinākaṃ darduraṃ nāgaṃ vajraṃ ceti caturvidham // (8) Par.?

pinākādyāstrayo varjyā vajrajātiṃ samāharet // (9) Par.?

muñcatyagnau vinikṣiptaṃ pinākaṃ dalasaṃcayam / (10.1) Par.?

darduraṃ nihitaṃ hyagnau kurute darduradhvanim // (10.2) Par.?

nāgaṃ cāgnau vinikṣiptaṃ phūtkāraṃ ca vimuñcati / (11.1) Par.?

vajrābhrakaṃ tu vahnisthaṃ na kvacidvikṛtiṃ vrajet // (11.2) Par.?

tasmādvajrābhrakaṃ yojyaṃ vyādhivārdhakyamṛtyujit / (12.1) Par.?

tatra dakṣiṇaśaile 'rkaśeṣād alpaguṇaṃ hi tat // (12.2) Par.?

alpasattvaṃ tadā dhatte abhre sattvaṃ guṇapradam / (13.1) Par.?

atha cottaraśailotthaṃ bahusatvaṃ guṇādhikam / (13.2) Par.?

śaṃsanti munayaḥ sarve prayoge kṛṣṇam abhrakam / (13.3) Par.?

iti // (13.4) Par.?

śodhanaṃ cāha taṇḍulīyāmlayoriti // (14) Par.?

taṇḍulīyo meghanādaḥ amlaḥ kāñjikaṃ tadabhāve jambīraprabhṛtikaṃ grāhyam // (15) Par.?

aṣṭayāmaṃ dvayor dravyayostena pratyekaṃ caturyāmamityarthaḥ // (16) Par.?