Texts

Help

Select a text:
Bibliography

Select a chapter:
1 revision

Associated topic(s): Alchemy

Show parallels Show headlines
Use dependency labeler

Chapter id: 4140

Click on a sentence to show its analysis
Keep the mouse pointer over a lemma to show its meanings.

jāraṇa:: method

grāsamiti cārayitvā garbhadrutiṃ tato bhūrje / (1.1) Par.?

lavaṇakṣārāmlasudhāsurabhīmūtreṇa kṛtalepe // (1.2) Par.?

dṛḍhavastrabāhyabaddhe dolāsvedena jārayedgrāsam / (2.1) Par.?

sauvīreṇārdhapūrṇe kumbhe sakṣāramūtrakairathavā // (2.2) Par.?

amunā krameṇa divasaistribhistribhirjārayedgrāsam / (3.1) Par.?

jīrṇasya lakṣaṇamatho jñeyaṃ yantrātsamuddhṛtya // (3.2) Par.?

Untersuchung, ob jāraṇa stattgefunden hat

uddhṛtamātraṃ pātre prakṣālya kāṃjikenātaḥ / (4.1) Par.?

samalaṃ ca kāṃjikamato haraṇārthaṃ vastrayogena // (4.2) Par.?

tadanu sukhoṣṇe pātre saṃmardyo'sau yathā na hīye / (5.1) Par.?

tāvadyāvacchuṣyati tallagnaṃ kāñjikaṃ sakalam // (5.2) Par.?

itthaṃ ca śoṣitajalaḥ karamardanataḥ sunirmalībhūtaḥ / (6.1) Par.?

pīḍyaḥ pātrasyopari vastreṇa caturguṇenaiva // (6.2) Par.?

yadi parigalitaḥ sakalo vastrād grāsena caikatāṃ yātaḥ / (7.1) Par.?

na bhavati yadi daṇḍadharo jīrṇagrāsastadā jñeyaḥ // (7.2) Par.?

grāsājīrṇa:: treatment

grāsādajīrṇapiṣṭīṃ sūtāduddhṛtya pātayedyantre / (8.1) Par.?

svastho bhavati rasendro grāsaḥ pakvaḥ punarjarati // (8.2) Par.?

dolāyāṃ catvāro grāsā jāryā yathākrameṇaiva / (9.1) Par.?

śeṣāḥ kacchapayantre yāvad dviguṇādikaṃ jarati // (9.2) Par.?

￤ussere Merkmale des Hg nach jāraṇa einer best. Menge abhra

nādau kartuṃ śakyo'tra grāsapramāṇaniyamastu / (10.1) Par.?

grasate na hi sarvāṅgaṃ gaganamato lakṣaṇairjñeyam // (10.2) Par.?

yadi hi catuḥṣaṣṭyaṃśān grasati rasastadā dhareddaṇḍam / (11.1) Par.?

catvāriṃśadbhāgapraveśataḥ pāyasākāraḥ // (11.2) Par.?

bhavati jalaukākāras triṃśadbhāgād avipluṣaśca viṃśatyā / (12.1) Par.?

chedīva ṣoḍaśāṃśādata ūrdhvaṃ durjaro grāsaḥ // (12.2) Par.?

pañcabhirebhirgrāsairghanasatvaṃ jārayitvādau / (13.1) Par.?

garbhadrāve nipuṇo jārayati bījaṃ kalāṃśena // (13.2) Par.?

ￄnderung von phys. Eig. von Hg nach jāraṇa

dhūmraściṭiciṭiśabdo maṇḍūkagatistathā sakampaśca / (14.1) Par.?

niṣkampo bhavati raso vijñātavyo'bhrajīrṇastu // (14.2) Par.?

kapilo'tha nirudgārī vipluṣabhāvaṃ ca muñcate sūtaḥ / (15.1) Par.?

niṣkampo gatirahito vijñātavyo'bhrajīrṇastu // (15.2) Par.?

kacchapayantra

jalapūrṇapātramadhye dattvā ghaṭakharparaṃ suvistīrṇam / (16.1) Par.?

tadupari madhyagataḥ sūtaḥ sthāpyastataḥ kuḍye // (16.2) Par.?

laghulohakaṭorikayā kṛtapaṭamṛtsandhilepayācchādya / (17.1) Par.?

pūrṇaṃ tadghaṭakharparam aṅgāraiḥ karīṣatuṣamiśraiḥ // (17.2) Par.?

svedanato mardanataḥ kacchapayantrasthito raso jarati / (18.1) Par.?

agnibalenaiva tato garbhadrutiḥ sarvalohānām // (18.2) Par.?

evaṃ dattvā jīryati na kṣayati raso yathā tathā kāryaḥ / (19.1) Par.?

kṣayameti kṣāraviḍaiḥ sa tūparasairgrāsamudgirati // (19.2) Par.?

Duration=0.21642589569092 secs.