Texts

bhīṣma uvāca / (1.1) Par.?

evam ukto mataṅgastu saṃśitātmā yatavrataḥ / (1.2) Par.?

atiṣṭhad ekapādena varṣāṇāṃ śatam acyuta // (1.3) Par.?

tam uvāca tataḥ śakraḥ punar eva mahāyaśāḥ / (2.1) Par.?

mataṅga paramaṃ sthānaṃ prārthayann atidurlabham // (2.2) Par.?

mā kṛthāḥ sāhasaṃ putra naiṣa dharmapathastava / (3.1) Par.?

aprāpyaṃ prārthayāno hi nacirād vinaśiṣyasi // (3.2) Par.?

mataṅga paramaṃ sthānaṃ vāryamāṇo mayā sakṛt / (4.1) Par.?

cikīrṣasyeva tapasā sarvathā na bhaviṣyasi // (4.2) Par.?

tiryagyonigataḥ sarvo mānuṣyaṃ yadi gacchati / (5.1) Par.?

sa jāyate pulkaso vā caṇḍālo vā kadācana // (5.2) Par.?

puṃścalaḥ pāpayonir vā yaḥ kaścid iha lakṣyate / (6.1) Par.?

sa tasyām eva suciraṃ mataṅga parivartate // (6.2) Par.?

tato daśaguṇe kāle labhate śūdratām api / (7.1) Par.?

śūdrayonāvapi tato bahuśaḥ parivartate // (7.2) Par.?

tatastriṃśadguṇe kāle labhate vaiśyatām api / (8.1) Par.?

vaiśyatāyāṃ ciraṃ kālaṃ tatraiva parivartate // (8.2) Par.?

tataḥ ṣaṣṭiguṇe kāle rājanyo nāma jāyate / (9.1) Par.?

rājanyatve ciraṃ kālaṃ tatraiva parivartate // (9.2) Par.?

tataḥ ṣaṣṭiguṇe kāle labhate brahmabandhutām / (10.1) Par.?

brahmabandhuściraṃ kālaṃ tatraiva parivartate // (10.2) Par.?

tatastu dviśate kāle labhate kāṇḍapṛṣṭhatām / (11.1) Par.?

kāṇḍapṛṣṭhaściraṃ kālaṃ tatraiva parivartate // (11.2) Par.?

tatastu triśate kāle labhate dvijatām api / (12.1) Par.?

tāṃ ca prāpya ciraṃ kālaṃ tatraiva parivartate // (12.2) Par.?

tataścatuḥśate kāle śrotriyo nāma jāyate / (13.1) Par.?

śrotriyatve ciraṃ kālaṃ tatraiva parivartate // (13.2) Par.?

tadaiva krodhaharṣau ca kāmadveṣau ca putraka / (14.1) Par.?

atimānātivādau tam āviśanti dvijādhamam // (14.2) Par.?

tāṃścejjayati śatrūn sa tadā prāpnoti sadgatim / (15.1) Par.?

atha te vai jayantyenaṃ tālāgrād iva pātyate // (15.2) Par.?

mataṅga sampradhāryaitad yad ahaṃ tvām acūcudam / (16.1) Par.?

vṛṇīṣva kāmam anyaṃ tvaṃ brāhmaṇyaṃ hi sudurlabham // (16.2) Par.?