UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1117
- Click on a sentence to show its analysis
- Keep the mouse pointer over a lemma to show its meanings.
aphalas tu tataḥ śakro devān agnipurogamān / (1.1)
Par.?
abravīt trastavadanaḥ sarṣisaṃghān sacāraṇān // (1.2)
Par.?
kurvatā tapaso vighnaṃ gautamasya mahātmanaḥ / (2.1)
Par.?
krodham utpādya hi mayā surakāryam idaṃ kṛtam // (2.2)
Par.?
aphalo 'smi kṛtas tena krodhāt sā ca nirākṛtā / (3.1)
Par.?
śāpamokṣeṇa mahatā tapo 'syāpahṛtaṃ mayā // (3.2)
Par.?
tan māṃ suravarāḥ sarve sarṣisaṃghāḥ sacāraṇāḥ / (4.1)
Par.?
surasāhyakaraṃ sarve saphalaṃ kartum arhatha // (4.2)
Par.?
śatakrator vacaḥ śrutvā devāḥ sāgnipurogamāḥ / (5.1)
Par.?
pitṛdevān upetyāhuḥ saha sarvair marudgaṇaiḥ // (5.2)
Par.?
ayaṃ meṣaḥ savṛṣaṇaḥ śakro hy avṛṣaṇaḥ kṛtaḥ / (6.1)
Par.?
meṣasya vṛṣaṇau gṛhya śakrāyāśu prayacchata // (6.2)
Par.?
aphalas tu kṛto meṣaḥ parāṃ tuṣṭiṃ pradāsyati / (7.1)
Par.?
bhavatāṃ harṣaṇārthāya ye ca dāsyanti mānavāḥ // (7.2)
Par.?
agnes tu vacanaṃ śrutvā pitṛdevāḥ samāgatāḥ / (8.1)
Par.?
utpāṭya meṣavṛṣaṇau sahasrākṣe nyavedayan // (8.2)
Par.?
tadā prabhṛti kākutstha pitṛdevāḥ samāgatāḥ / (9.1)
Par.?
aphalān bhuñjate meṣān phalais teṣām ayojayan // (9.2)
Par.?
indras tu meṣavṛṣaṇas tadā prabhṛti rāghava / (10.1) Par.?
gautamasya prabhāvena tapasaś ca mahātmanaḥ // (10.2)
Par.?
tadāgaccha mahāteja āśramaṃ puṇyakarmaṇaḥ / (11.1)
Par.?
tārayaināṃ mahābhāgām ahalyāṃ devarūpiṇīm // (11.2)
Par.?
viśvāmitravacaḥ śrutvā rāghavaḥ sahalakṣmaṇaḥ / (12.1)
Par.?
viśvāmitraṃ puraskṛtya āśramaṃ praviveśa ha // (12.2)
Par.?
dadarśa ca mahābhāgāṃ tapasā dyotitaprabhām / (13.1)
Par.?
lokair api samāgamya durnirīkṣyāṃ surāsuraiḥ // (13.2)
Par.?
prayatnān nirmitāṃ dhātrā divyāṃ māyāmayīm iva / (14.1)
Par.?
dhūmenābhiparītāṅgīṃ pūrṇacandraprabhām iva // (14.2)
Par.?
satuṣārāvṛtāṃ sābhrāṃ pūrṇacandraprabhām iva / (15.1)
Par.?
madhye 'mbhaso durādharṣāṃ dīptāṃ sūryaprabhām iva // (15.2)
Par.?
sā hi gautamavākyena durnirīkṣyā babhūva ha / (16.1)
Par.?
trayāṇām api lokānāṃ yāvad rāmasya darśanam // (16.2)
Par.?
rāghavau tu tatas tasyāḥ pādau jagṛhatus tadā / (17.1)
Par.?
smarantī gautamavacaḥ pratijagrāha sā ca tau // (17.2)
Par.?
pādyam arghyaṃ tathātithyaṃ cakāra susamāhitā / (18.1)
Par.?
pratijagrāha kākutstho vidhidṛṣṭena karmaṇā // (18.2)
Par.?
puṣpavṛṣṭir mahaty āsīd devadundubhinisvanaiḥ / (19.1)
Par.?
gandharvāpsarasāṃ cāpi mahān āsīt samāgamaḥ // (19.2)
Par.?
sādhu sādhv iti devās tām ahalyāṃ samapūjayan / (20.1)
Par.?
tapobalaviśuddhāṅgīṃ gautamasya vaśānugām // (20.2)
Par.?
gautamo 'pi mahātejā ahalyāsahitaḥ sukhī / (21.1)
Par.?
rāmaṃ sampūjya vidhivat tapas tepe mahātapāḥ // (21.2)
Par.?
rāmo 'pi paramāṃ pūjāṃ gautamasya mahāmuneḥ / (22.1)
Par.?
sakāśād vidhivat prāpya jagāma mithilāṃ tataḥ // (22.2)
Par.?
Duration=0.062857151031494 secs.