Texts

rākṣasaṃ mṛgarūpeṇa carantaṃ kāmarūpiṇam / (1.1) Par.?

nihatya rāmo mārīcaṃ tūrṇaṃ pathi nyavartata // (1.2) Par.?

tasya saṃtvaramāṇasya draṣṭukāmasya maithilīm / (2.1) Par.?

krūrasvaro 'tha gomāyur vinanādāsya pṛṣṭhataḥ // (2.2) Par.?

sa tasya svaram ājñāya dāruṇaṃ romaharṣaṇam / (3.1) Par.?

cintayāmāsa gomāyoḥ svareṇa pariśaṅkitaḥ // (3.2) Par.?

aśubhaṃ bata manye 'haṃ gomāyur vāśyate yathā / (4.1) Par.?

svasti syād api vaidehyā rākṣasair bhakṣaṇaṃ vinā // (4.2) Par.?

mārīcena tu vijñāya svaram ālakṣya māmakam / (5.1) Par.?

vikruṣṭaṃ mṛgarūpeṇa lakṣmaṇaḥ śṛṇuyād yadi // (5.2) Par.?

sa saumitriḥ svaraṃ śrutvā tāṃ ca hitvātha maithilīm / (6.1) Par.?

tayaiva prahitaḥ kṣipraṃ matsakāśam ihaiṣyati // (6.2) Par.?

rākṣasaiḥ sahitair nūnaṃ sītāyā īpsito vadhaḥ / (7.1) Par.?

kāñcanaś ca mṛgo bhūtvā vyapanīyāśramāt tu mām // (7.2) Par.?

dūraṃ nītvā tu mārīco rākṣaso 'bhūc charāhataḥ / (8.1) Par.?

hā lakṣmaṇa hato 'smīti yad vākyaṃ vyājahāra ha // (8.2) Par.?

api svasti bhaved dvābhyāṃ rahitābhyāṃ mayā vane / (9.1) Par.?

janasthānanimittaṃ hi kṛtavairo 'smi rākṣasaiḥ / (9.2) Par.?

nimittāni ca ghorāṇi dṛśyante 'dya bahūni ca // (9.3) Par.?

ity evaṃ cintayan rāmaḥ śrutvā gomāyuniḥsvanam / (10.1) Par.?

ātmanaś cāpanayanaṃ mṛgarūpeṇa rakṣasā / (10.2) Par.?

ājagāma janasthānaṃ rāghavaḥ pariśaṅkitaḥ // (10.3) Par.?

taṃ dīnamānasaṃ dīnam āsedur mṛgapakṣiṇaḥ / (11.1) Par.?

savyaṃ kṛtvā mahātmānaṃ ghorāṃś ca sasṛjuḥ svarān // (11.2) Par.?

tāni dṛṣṭvā nimittāni mahāghorāṇi rāghavaḥ / (12.1) Par.?

tato lakṣmaṇam āyāntaṃ dadarśa vigataprabham // (12.2) Par.?

tato 'vidūre rāmeṇa samīyāya sa lakṣmaṇaḥ / (13.1) Par.?

viṣaṇṇaḥ sa viṣaṇṇena duḥkhito duḥkhabhāginā // (13.2) Par.?

saṃjagarhe 'tha taṃ bhrātā jyeṣṭho lakṣmaṇam āgatam / (14.1) Par.?

vihāya sītāṃ vijane vane rākṣasasevite // (14.2) Par.?

gṛhītvā ca karaṃ savyaṃ lakṣmaṇaṃ raghunandanaḥ / (15.1) Par.?

uvāca madhurodarkam idaṃ paruṣam ārtavat // (15.2) Par.?

aho lakṣmaṇa garhyaṃ te kṛtaṃ yat tvaṃ vihāya tām / (16.1) Par.?

sītām ihāgataḥ saumya kaccit svasti bhaved iti // (16.2) Par.?

na me 'sti saṃśayo vīra sarvathā janakātmajā / (17.1) Par.?

vinaṣṭā bhakṣitā vāpi rākṣasair vanacāribhiḥ // (17.2) Par.?

aśubhāny eva bhūyiṣṭhaṃ yathā prādurbhavanti me / (18.1) Par.?

api lakṣmaṇa sītāyāḥ sāmagryaṃ prāpnuyāvahe // (18.2) Par.?

idaṃ hi rakṣo mṛgasaṃnikāśaṃ pralobhya māṃ dūram anuprayātam / (19.1) Par.?

hataṃ kathaṃcin mahatā śrameṇa sa rākṣaso 'bhūn mriyamāṇa eva // (19.2) Par.?

manaś ca me dīnam ihāprahṛṣṭaṃ cakṣuś ca savyaṃ kurute vikāram / (20.1) Par.?

asaṃśayaṃ lakṣmaṇa nāsti sītā hṛtā mṛtā vā pathi vartate vā // (20.2) Par.?