Texts

ity uktvā hanumāṃs tatra punaḥ kṛṣṇājināmbarām / (1.1) Par.?

abravīt tāṃ mahābhāgāṃ tāpasīṃ dharmacāriṇīm // (1.2) Par.?

idaṃ praviṣṭāḥ sahasā bilaṃ timirasaṃvṛtam / (2.1) Par.?

kṣutpipāsāpariśrāntāḥ parikhinnāś ca sarvaśaḥ // (2.2) Par.?

mahaddharaṇyā vivaraṃ praviṣṭāḥ sma pipāsitāḥ / (3.1) Par.?

imāṃs tv evaṃvidhān bhāvān vividhān adbhutopamān / (3.2) Par.?

dṛṣṭvā vayaṃ pravyathitāḥ saṃbhrāntā naṣṭacetasaḥ // (3.3) Par.?

kasyeme kāñcanā vṛkṣās taruṇādityasaṃnibhāḥ / (4.1) Par.?

śucīny abhyavahāryāṇi mūlāni ca phalāni ca // (4.2) Par.?

kāñcanāni vimānāni rājatāni gṛhāṇi ca / (5.1) Par.?

tapanīyagavākṣāṇi maṇijālāvṛtāni ca // (5.2) Par.?

puṣpitāḥ phalavantaś ca puṇyāḥ surabhigandhinaḥ / (6.1) Par.?

ime jāmbūnadamayāḥ pādapāḥ kasya tejasā // (6.2) Par.?

kāñcanāni ca padmāni jātāni vimale jale / (7.1) Par.?

kathaṃ matsyāś ca sauvarṇāścaranti saha kacchapaiḥ // (7.2) Par.?

ātmānam anubhāvaṃ ca kasya caitat tapobalam / (8.1) Par.?

ajānatāṃ naḥ sarveṣāṃ sarvam ākhyātum arhasi // (8.2) Par.?

evam uktā hanumatā tāpasī dharmacāriṇī / (9.1) Par.?

pratyuvāca hanūmantaṃ sarvabhūtahite ratā // (9.2) Par.?

mayo nāma mahātejā māyāvī dānavarṣabhaḥ / (10.1) Par.?

tenedaṃ nirmitaṃ sarvaṃ māyayā kāñcanaṃ vanam // (10.2) Par.?

purā dānavamukhyānāṃ viśvakarmā babhūva ha / (11.1) Par.?

yenedaṃ kāñcanaṃ divyaṃ nirmitaṃ bhavanottamam // (11.2) Par.?

sa tu varṣasahasrāṇi tapas taptvā mahāvane / (12.1) Par.?

pitāmahād varaṃ lebhe sarvam auśanasaṃ dhanam // (12.2) Par.?

vidhāya sarvaṃ balavān sarvakāmeśvaras tadā / (13.1) Par.?

uvāsa sukhitaḥ kālaṃ kaṃcid asmin mahāvane // (13.2) Par.?

tam apsarasi hemāyāṃ saktaṃ dānavapuṃgavam / (14.1) Par.?

vikramyaivāśaniṃ gṛhya jaghāneśaḥ puraṃdaraḥ // (14.2) Par.?

idaṃ ca brahmaṇā dattaṃ hemāyai vanam uttamam / (15.1) Par.?

śāśvataḥ kāmabhogaś ca gṛhaṃ cedaṃ hiraṇmayam // (15.2) Par.?

duhitā merusāvarṇer ahaṃ tasyāḥ svayaṃ prabhā / (16.1) Par.?

idaṃ rakṣāmi bhavanaṃ hemāyā vānarottama // (16.2) Par.?

mama priyasakhī hemā nṛttagītaviśāradā / (17.1) Par.?

tayā dattavarā cāsmi rakṣāmi bhavanottamam // (17.2) Par.?

kiṃ kāryaṃ kasya vā hetoḥ kāntārāṇi prapadyatha / (18.1) Par.?

kathaṃ cedaṃ vanaṃ durgaṃ yuṣmābhir upalakṣitam // (18.2) Par.?

imāny abhyavahāryāṇi mūlāni ca phalāni ca / (19.1) Par.?

bhuktvā pītvā ca pānīyaṃ sarvaṃ me vaktum arhatha // (19.2) Par.?