Texts

prabhātāyāṃ tu śarvaryāṃ pṛthuvakṣā mahāyaśāḥ / (1.1) Par.?

rāmaḥ kamalapatrākṣaḥ purodhasam athābravīt // (1.2) Par.?

agnihotraṃ vrajatvagre sarpir jvalitapāvakam / (2.1) Par.?

vājapeyātapatraṃ ca śobhayānaṃ mahāpatham // (2.2) Par.?

tato vasiṣṭhastejasvī sarvaṃ niravaśeṣataḥ / (3.1) Par.?

cakāra vidhivad dharmyaṃ mahāprāsthānikaṃ vidhim // (3.2) Par.?

tataḥ kṣaumāmbaradharo brahma cāvartayan param / (4.1) Par.?

kuśān gṛhītvā pāṇibhyāṃ prasajya prayayāvatha // (4.2) Par.?

avyāharan kvacit kiṃcinniśceṣṭo niḥsukhaḥ pathi / (5.1) Par.?

nirjagāma gṛhāt tasmād dīpyamāno yathāṃśumān // (5.2) Par.?

rāmasya pārśve savye tu padmā śrīḥ susamāhitā / (6.1) Par.?

dakṣiṇe hrīr viśālākṣī vyavasāyastathāgrataḥ // (6.2) Par.?

śarā nānāvidhāścāpi dhanur āyatavigraham / (7.1) Par.?

anuvrajanti kākutsthaṃ sarve puruṣavigrahāḥ // (7.2) Par.?

vedā brāhmaṇarūpeṇa sāvitrī sarvarakṣiṇī / (8.1) Par.?

oṃkāro 'tha vaṣaṭkāraḥ sarve rāmam anuvratāḥ // (8.2) Par.?

ṛṣayaśca mahātmānaḥ sarva eva mahīsurāḥ / (9.1) Par.?

anvagacchanta kākutsthaṃ svargadvāram upāgatam // (9.2) Par.?

taṃ yāntam anuyānti sma antaḥpuracarāḥ striyaḥ / (10.1) Par.?

savṛddhabāladāsīkāḥ savarṣavarakiṃkarāḥ // (10.2) Par.?

sāntaḥpuraśca bharataḥ śatrughnasahito yayau / (11.1) Par.?

rāmavratam upāgamya rāghavaṃ samanuvratāḥ // (11.2) Par.?

tato viprā mahātmānaḥ sāgnihotrāḥ samāhitāḥ / (12.1) Par.?

saputradārāḥ kākutstham anvagacchanmahāmatim // (12.2) Par.?

mantriṇo bhṛtyavargāśca saputrāḥ sahabāndhavāḥ / (13.1) Par.?

sānugā rāghavaṃ sarve anvagacchan prahṛṣṭavat // (13.2) Par.?

tataḥ sarvāḥ prakṛtayo hṛṣṭapuṣṭajanāvṛtāḥ / (14.1) Par.?

anujagmuḥ pragacchantaṃ rāghavaṃ guṇarañjitāḥ // (14.2) Par.?

snātaṃ pramuditaṃ sarvaṃ hṛṣṭapuṣpam anuttamam / (15.1) Par.?

dṛptaṃ kilikilāśabdaiḥ sarvaṃ rāmam anuvratam // (15.2) Par.?

na tatra kaścid dīno 'bhūd vrīḍito vāpi duḥkhitaḥ / (16.1) Par.?

hṛṣṭaṃ pramuditaṃ sarvaṃ babhūva paramādbhutam // (16.2) Par.?

draṣṭukāmo 'tha niryāṇaṃ rājño jānapado janaḥ / (17.1) Par.?

samprāptaḥ so 'pi dṛṣṭvaiva saha sarvair anuvrataḥ // (17.2) Par.?

ṛkṣavānararakṣāṃsi janāśca puravāsinaḥ / (18.1) Par.?

agacchan parayā bhaktyā pṛṣṭhataḥ susamāhitāḥ // (18.2) Par.?