Texts

mārkaṇḍeya uvāca / (1.1) Par.?

skandasya pārṣadān ghorāñśṛṇuṣvādbhutadarśanān / (1.2) Par.?

vajraprahārāt skandasya jajñus tatra kumārakāḥ / (1.3) Par.?

ye haranti śiśūñjātān garbhasthāṃścaiva dāruṇāḥ // (1.4) Par.?

vajraprahārāt kanyāś ca jajñire 'sya mahābalāḥ / (2.1) Par.?

kumārāś ca viśākhaṃ taṃ pitṛtve samakalpayan // (2.2) Par.?

sa bhūtvā bhagavān saṃkhye rakṣaṃś chāgamukhas tadā / (3.1) Par.?

vṛtaḥ kanyāgaṇaiḥ sarvair ātmanīnaiś ca putrakaiḥ // (3.2) Par.?

mātṝṇāṃ prekṣatīnāṃ ca bhadraśākhaś ca kauśalaḥ / (4.1) Par.?

tataḥ kumārapitaraṃ skandam āhur janā bhuvi // (4.2) Par.?

rudram agnim umāṃ svāhāṃ pradeśeṣu mahābalām / (5.1) Par.?

yajanti putrakāmāś ca putriṇaś ca sadā janāḥ // (5.2) Par.?

yās tās tvajanayat kanyās tapo nāma hutāśanaḥ / (6.1) Par.?

kiṃ karomīti tāḥ skandaṃ samprāptāḥ samabhāṣata // (6.2) Par.?

mātara ūcuḥ / (7.1) Par.?

bhavema sarvalokasya vayaṃ mātara uttamāḥ / (7.2) Par.?

prasādāt tava pūjyāś ca priyam etat kuruṣva naḥ // (7.3) Par.?

mārkaṇḍeya uvāca / (8.1) Par.?

so 'bravīd bāḍham ityevaṃ bhaviṣyadhvaṃ pṛthagvidhāḥ / (8.2) Par.?

aśivāś ca śivāś caiva punaḥ punar udāradhīḥ // (8.3) Par.?

tataḥ saṃkalpya putratve skandaṃ mātṛgaṇo 'gamat / (9.1) Par.?

kākī ca halimā caiva rudrātha bṛhalī tathā / (9.2) Par.?

āryā palālā vai mitrā saptaitāḥ śiśumātaraḥ // (9.3) Par.?

etāsāṃ vīryasampannaḥ śiśur nāmātidāruṇaḥ / (10.1) Par.?

skandaprasādajaḥ putro lohitākṣo bhayaṃkaraḥ // (10.2) Par.?

eṣa vīrāṣṭakaḥ proktaḥ skandamātṛgaṇodbhavaḥ / (11.1) Par.?

chāgavaktreṇa sahito navakaḥ parikīrtyate // (11.2) Par.?

ṣaṣṭhaṃ chāgamayaṃ vaktraṃ skandasyaiveti viddhi tat / (12.1) Par.?

ṣaṭśiro 'bhyantaraṃ rājan nityaṃ mātṛgaṇārcitam // (12.2) Par.?

ṣaṇṇāṃ tu pravaraṃ tasya śīrṣāṇām iha śabdyate / (13.1) Par.?

śaktiṃ yenāsṛjad divyāṃ bhadraśākha iti sma ha // (13.2) Par.?

ityetad vividhākāraṃ vṛttaṃ śuklasya pañcamīm / (14.1) Par.?

tatra yuddhaṃ mahāghoraṃ vṛttaṃ ṣaṣṭhyāṃ janādhipa // (14.2) Par.?