Texts

vyāsa uvāca / (1.1) Par.?

śarīrād vipramuktaṃ hi sūkṣmabhūtaṃ śarīriṇam / (1.2) Par.?

karmabhiḥ paripaśyanti śāstroktaiḥ śāstracetasaḥ // (1.3) Par.?

yathā marīcyaḥ sahitāścaranti gacchanti tiṣṭhanti ca dṛśyamānāḥ / (2.1) Par.?

dehair vimuktā vicaranti lokāṃs tathaiva sattvānyatimānuṣāṇi // (2.2) Par.?

pratirūpaṃ yathaivāpsu tāpaḥ sūryasya lakṣyate / (3.1) Par.?

sattvavāṃstu tathā sattvaṃ pratirūpaṃ prapaśyati // (3.2) Par.?

tāni sūkṣmāṇi sattvasthā vimuktāni śarīrataḥ / (4.1) Par.?

svena tattvena tattvajñāḥ paśyanti niyatendriyāḥ // (4.2) Par.?

svapatāṃ jāgratāṃ caiva sarveṣām ātmacintitam / (5.1) Par.?

pradhānadvaidhayuktānāṃ jahatāṃ karmajaṃ rajaḥ // (5.2) Par.?

yathāhani tathā rātrau yathā rātrau tathāhani / (6.1) Par.?

vaśe tiṣṭhati sattvātmā satataṃ yogayoginām // (6.2) Par.?

teṣāṃ nityaṃ sadānityo bhūtātmā satataṃ guṇaiḥ / (7.1) Par.?

saptabhistvanvitaḥ sūkṣmaiścariṣṇur ajarāmaraḥ // (7.2) Par.?

manobuddhiparābhūtaḥ svadehaparadehavit / (8.1) Par.?

svapneṣvapi bhavatyeṣa vijñātā sukhaduḥkhayoḥ // (8.2) Par.?

tatrāpi labhate duḥkhaṃ tatrāpi labhate sukham / (9.1) Par.?

krodhalobhau tu tatrāpi kṛtvā vyasanam archati // (9.2) Par.?

prīṇitaścāpi bhavati mahato 'rthān avāpya ca / (10.1) Par.?

karoti puṇyaṃ tatrāpi jāgrann iva ca paśyati // (10.2) Par.?

tam evam atitejo'ṃśaṃ bhūtātmānaṃ hṛdi sthitam / (11.1) Par.?

tamorajobhyām āviṣṭā nānupaśyanti mūrtiṣu // (11.2) Par.?

śāstrayogaparā bhūtvā svam ātmānaṃ parīpsavaḥ / (12.1) Par.?

anucchvāsāny amūrtīni yāni vajropamānyapi // (12.2) Par.?

pṛthagbhūteṣu sṛṣṭeṣu caturṣvāśramakarmasu / (13.1) Par.?

samādhau yogam evaitacchāṇḍilyaḥ śamam abravīt // (13.2) Par.?

viditvā sapta sūkṣmāṇi ṣaḍaṅgaṃ ca maheśvaram / (14.1) Par.?

pradhānaviniyogasthaḥ paraṃ brahmādhigacchati // (14.2) Par.?