Texts

bhīṣma uvāca / (1.1) Par.?

atha tena naraśreṣṭha brāhmaṇena tapasvinā / (1.2) Par.?

nirāhāreṇa vasatā duḥkhitāste bhujaṃgamāḥ // (1.3) Par.?

sarve sambhūya sahitāstasya nāgasya bāndhavāḥ / (2.1) Par.?

bhrātarastanayā bhāryā yayustaṃ brāhmaṇaṃ prati // (2.2) Par.?

te 'paśyan puline taṃ vai vivikte niyatavratam / (3.1) Par.?

samāsīnaṃ nirāhāraṃ dvijaṃ japyaparāyaṇam // (3.2) Par.?

te sarve samabhikramya vipram abhyarcya cāsakṛt / (4.1) Par.?

ūcur vākyam asaṃdigdham ātitheyasya bāndhavāḥ // (4.2) Par.?

ṣaṣṭho hi divasaste 'dya prāptasyeha tapodhana / (5.1) Par.?

na cābhilaṣase kiṃcid āhāraṃ dharmavatsala // (5.2) Par.?

asmān abhigataścāsi vayaṃ ca tvām upasthitāḥ / (6.1) Par.?

kāryaṃ cātithyam asmābhir vayaṃ sarve kuṭumbinaḥ // (6.2) Par.?

mūlaṃ phalaṃ vā parṇaṃ vā payo vā dvijasattama / (7.1) Par.?

āhārahetor annaṃ vā bhoktum arhasi brāhmaṇa // (7.2) Par.?

tyaktāhāreṇa bhavatā vane nivasatā satā / (8.1) Par.?

bālavṛddham idaṃ sarvaṃ pīḍyate dharmasaṃkaṭāt // (8.2) Par.?

na hi no bhrūṇahā kaścid rājāpathyo 'nṛto 'pi vā / (9.1) Par.?

pūrvāśī vā kule hyasmin devatātithibandhuṣu // (9.2) Par.?

brāhmaṇa uvāca / (10.1) Par.?

upadeśena yuṣmākam āhāro 'yaṃ mayā vṛtaḥ / (10.2) Par.?

dvirūnaṃ daśarātraṃ vai nāgasyāgamanaṃ prati // (10.3) Par.?

yadyaṣṭarātre niryāte nāgamiṣyati pannagaḥ / (11.1) Par.?

tadāhāraṃ kariṣyāmi tannimittam idaṃ vratam // (11.2) Par.?

kartavyo na ca saṃtāpo gamyatāṃ ca yathāgatam / (12.1) Par.?

tannimittaṃ vrataṃ mahyaṃ naitad bhettum ihārhatha // (12.2) Par.?

bhīṣma uvāca / (13.1) Par.?

tena te samanujñātā brāhmaṇena bhujaṃgamāḥ / (13.2) Par.?

svam eva bhavanaṃ jagmur akṛtārthā nararṣabha // (13.3) Par.?