Texts

bhīṣma uvāca / (1.1) Par.?

sarvān kāmān prayacchanti ye prayacchanti kāñcanam / (1.2) Par.?

ityevaṃ bhagavān atriḥ pitāmahasuto 'bravīt // (1.3) Par.?

pavitraṃ śucyathāyuṣyaṃ pitṝṇām akṣayaṃ ca tat / (2.1) Par.?

suvarṇaṃ manujendreṇa hariścandreṇa kīrtitam // (2.2) Par.?

pānīyadānaṃ paramaṃ dānānāṃ manur abravīt / (3.1) Par.?

tasmād vāpīśca kūpāṃśca taḍāgāni ca khānayet // (3.2) Par.?

ardhaṃ pāpasya harati puruṣasyeha karmaṇaḥ / (4.1) Par.?

kūpaḥ pravṛttapānīyaḥ supravṛttaśca nityaśaḥ // (4.2) Par.?

sarvaṃ tārayate vaṃśaṃ yasya khāte jalāśaye / (5.1) Par.?

gāvaḥ pibanti viprāśca sādhavaśca narāḥ sadā // (5.2) Par.?

nidāghakāle pānīyaṃ yasya tiṣṭhatyavāritam / (6.1) Par.?

sa durgaṃ viṣamaṃ kṛcchraṃ na kadācid avāpnute // (6.2) Par.?

bṛhaspater bhagavataḥ pūṣṇaścaiva bhagasya ca / (7.1) Par.?

aśvinoścaiva vahneśca prītir bhavati sarpiṣā // (7.2) Par.?

paramaṃ bheṣajaṃ hyetad yajñānām etad uttamam / (8.1) Par.?

rasānām uttamaṃ caitat phalānāṃ caitad uttamam // (8.2) Par.?

phalakāmo yaśaskāmaḥ puṣṭikāmaśca nityadā / (9.1) Par.?

ghṛtaṃ dadyād dvijātibhyaḥ puruṣaḥ śucir ātmavān // (9.2) Par.?

ghṛtaṃ māse āśvayuji viprebhyo yaḥ prayacchati / (10.1) Par.?

tasmai prayacchato rūpaṃ prītau devāvihāśvinau // (10.2) Par.?

pāyasaṃ sarpiṣā miśraṃ dvijebhyo yaḥ prayacchati / (11.1) Par.?

gṛhaṃ tasya na rakṣāṃsi dharṣayanti kadācana // (11.2) Par.?

pipāsayā na mriyate sopacchandaśca dṛśyate / (12.1) Par.?

na prāpnuyācca vyasanaṃ karakān yaḥ prayacchati // (12.2) Par.?

prayato brāhmaṇāgrebhyaḥ śraddhayā parayā yutaḥ / (13.1) Par.?

upasparśanaṣaḍbhāgaṃ labhate puruṣaḥ sadā // (13.2) Par.?

yaḥ sādhanārthaṃ kāṣṭhāni brāhmaṇebhyaḥ prayacchati / (14.1) Par.?

pratāpārthaṃ ca rājendra vṛttavadbhyaḥ sadā naraḥ // (14.2) Par.?

sidhyantyarthāḥ sadā tasya kāryāṇi vividhāni ca / (15.1) Par.?

uparyupari śatrūṇāṃ vapuṣā dīpyate ca saḥ // (15.2) Par.?

bhagavāṃścāsya suprīto vahnir bhavati nityaśaḥ / (16.1) Par.?

na taṃ tyajante paśavaḥ saṃgrāme ca jayatyapi // (16.2) Par.?

putrāñchriyaṃ ca labhate yaśchatraṃ samprayacchati / (17.1) Par.?

cakṣurvyādhiṃ na labhate yajñabhāgam athāśnute // (17.2) Par.?

nidāghakāle varṣe vā yaśchatraṃ samprayacchati / (18.1) Par.?

nāsya kaścinmanodāhaḥ kadācid api jāyate / (18.2) Par.?

kṛcchrāt sa viṣamāccaiva vipra mokṣam avāpnute // (18.3) Par.?

pradānaṃ sarvadānānāṃ śakaṭasya viśiṣyate / (19.1) Par.?

evam āha mahābhāgaḥ śāṇḍilyo bhagavān ṛṣiḥ // (19.2) Par.?