Texts

manur uvāca / (1.1) Par.?

caritaṃ budhaputrasya janārdana mayā śrutam / (1.2) Par.?

śrutaḥ śrāddhavidhiḥ puṇyaḥ sarvapāpapraṇāśanaḥ // (1.3) Par.?

dhenvāḥ prasūyamānāyāḥ phalaṃ dānasya me śrutam / (2.1) Par.?

kṛṣṇājinapradānaṃ ca vṛṣotsargastathaiva ca // (2.2) Par.?

śrutvā rūpaṃ narendrasya budhaputrasya keśava / (3.1) Par.?

kautūhalaṃ samutpannaṃ tanmamācakṣva pṛcchataḥ // (3.2) Par.?

kena karmavipākena sa tu rājā purūravāḥ / (4.1) Par.?

avāpa tādṛśaṃ rūpaṃ saubhāgyamapi cottamam // (4.2) Par.?

devāṃstribhuvanaśreṣṭhān gandharvāṃśca manoramān / (5.1) Par.?

urvaśī saṃmatā tyaktvā sarvabhāvena taṃ nṛpam // (5.2) Par.?

matsya uvāca / (6.1) Par.?

śṛṇu karmavipākena yena rājā purūravāḥ / (6.2) Par.?

avāpa tādṛśaṃ rūpaṃ saubhāgyamapi cottamam // (6.3) Par.?

atīte janmani purā yo'yaṃ rājā purūravāḥ / (7.1) Par.?

purūravā iti khyāto madradeśādhipo hi saḥ // (7.2) Par.?

cākṣuṣasyānvaye rājā cākṣuṣasyāntare manoḥ / (8.1) Par.?

sa vai nṛpaguṇairyuktaḥ kevalaṃ rūpavarjitaḥ // (8.2) Par.?

ṛṣaya ūcuḥ / (9.1) Par.?

purūravā madrapatiḥ karmaṇā kena pārthivaḥ / (9.2) Par.?

babhūva karmaṇā kena rūpavāṃścaiva sūtaja // (9.3) Par.?

sūta uvāca / (10.1) Par.?

dvijagrāme dvijaśreṣṭho nāmnā cāsītpurūravāḥ / (10.2) Par.?

nadyāḥ kūle mahārājaḥ pūrvajanmani pārthivaḥ // (10.3) Par.?

sa tu madrapatī rājā yastu nāmnā purūravāḥ / (11.1) Par.?

tasmiñjanmanyasau vipro dvādaśyāṃ tu sadānagha // (11.2) Par.?

upoṣya pūjayāmāsa rājyakāmo janārdanam / (12.1) Par.?

cakāra sopavāsaśca snānam abhyaṅgapūrvakam // (12.2) Par.?

upavāsaphalātprāptaṃ rājyaṃ madreṣvakaṇṭakam / (13.1) Par.?

upoṣitas tathābhyaṅgādrūpahīno vyajāyata // (13.2) Par.?

upoṣitairnarais tasmāt snānam abhyaṅgapūrvakam / (14.1) Par.?

varjanīyaṃ prayatnena rūpaghnaṃ tatparaṃ nṛpa // (14.2) Par.?

etadvaḥ kathitaṃ sarvaṃ yadvṛttaṃ pūrvajanmani / (15.1) Par.?

madreśvaratvacaritaṃ śṛṇu tasya mahīpateḥ // (15.2) Par.?

tasya rājaguṇaiḥ sarvaiḥ samupetasya bhūpateḥ / (16.1) Par.?

janānurāgo naivāsīd rūpahīnasya tasya vai // (16.2) Par.?

rūpakāmaḥ sa madreśastapase kṛtaniścayaḥ / (17.1) Par.?

rājyaṃ mantrigataṃ kṛtvā jagāma himaparvatam // (17.2) Par.?

vyavasāyadvitīyastu padbhyam eva mahāyaśāḥ / (18.1) Par.?

draṣṭuṃ sa tīrthasadanaṃ viṣayānte svake nadīm // (18.2) Par.?

airāvatīti vikhyātāṃ dadarśātimanoramām // (19) Par.?

tuhinagiribhavāṃ mahaughavegāṃ tuhinagabhastisamānaśītalodām // (20) Par.?

tuhinasadṛśahaimavarṇapuñjāṃ tuhinayaśāḥ saritaṃ dadarśa rājā // (21) Par.?