Texts

Help

Select a text:
Bibliography

Select a chapter:
(no revisions)

Associated topic(s): death rites, funeral rites, aurdhvadehika, pitṛmedha

Show parallels Show headlines
Use dependency labeler

Chapter id: 12607

Click on a sentence to show its analysis
Keep the mouse pointer over a lemma to show its meanings.

guruṇābhimṛtā anyato vāpakṣīyamāṇā amāvāsyāyāṃ śāntikarma kurvīran // (1) Par.?

purodayād agniṃ sahabhasmānaṃ sahāyatanaṃ dakṣiṇā hareyuḥ kravyādam agniṃ prahiṇomi dūram ity ardharcena // (2) Par.?

taṃ catuṣpathe nyupya yatra vā triḥ prasavyaṃ pariyanti savyaiḥ pāṇibhiḥ savyān ūrūn āghnānāḥ // (3) Par.?

athānavekṣaṃ pratyāvrajyāpa upaspṛśya keśaśmaśrulomanakhāni vāpayitvopakalpayīran navān maṇikān kumbhān ācamanīyāṃśca śamīsumanomālinaḥ śamīmayam idhmaṃ śamīmayyāvaraṇī paridhīṃś cānaḍuhaṃ gomayaṃ carma ca navanītam aśmānaṃ ca yāvatyo yuvatayas tāvanti kuśapiñjūlāni // (4) Par.?

agnivelāyām agniṃ janayed ihaiva ayam itaro jātavedā ity ardharcena // (5) Par.?

taṃ dīpayamānā āsata ā śāntarātrād āyuṣmatāṃ kathāḥ kīrtayanto māṅgalyānītihāsapurāṇānīty ākhyāpayamānāḥ // (6) Par.?

uparateṣu śabdeṣu sampraviṣṭeṣu vā gṛhaṃ niveśanaṃ vā dakṣiṇāddvārapakṣāt prakramya avicchinnām udakadhārāṃ haret tantuṃ tanvan rajaso bhānum anvihīty ottarasmāt // (7) Par.?

athāgnim upasamādhāya paścād asyānaḍuhaṃ carmāstīrya prāggrīvam uttaraloma tasminn amātyān ārohayed ārohatāyur jarasaṃ vṛṇānā iti // (8) Par.?

imaṃ jīvebhyaḥ paridhiṃ dadhāmīti paridhiṃ paridadhyāt // (9) Par.?

antar mṛtyuṃ dadhatāṃ parvatenety uttarato 'śmānam agneḥ kṛtvā paraṃ mṛtyo anu parehi panthām iti catasṛbhiḥ pratyṛcaṃ hutvā yathāhāny anupūrvaṃ bhavantīty amātyān īkṣeta // (10) Par.?

yuvatayaḥ pṛthak pāṇibhyāṃ darbhataruṇakair navanītenāṅguṣṭhopakaniṣṭhikābhyām akṣiṇī ājya parācyo visṛjeyuḥ // (11) Par.?

imā nārīr avidhavāḥ supatnīr ity añjānā īkṣeta // (12) Par.?

aśmanvatī rīyate saṃrabhadhvam ity aśmānaṃ kartā prathamo 'bhimṛśet // (13) Par.?

athāparājitāyāṃ diśyavasthāyāgninānaḍuhena gomayena cāvicchinnayā codakadhārayāpo hi ṣṭhā mayobhuva iti tṛcena parīme gāmaneṣateti parikrāmatsu japet // (14) Par.?

piṅgalo 'naḍvān pariṇeyaḥ syād ity udāharanti // (15) Par.?

athopaviśanti yatrābhiraṃsyamānā bhavanty ahatena vāsasā pracchādya // (16) Par.?

āsate 'svapanta odayāt // (17) Par.?

udita āditye sauryāṇi svastyayanāni ca japitvānnaṃ saṃskṛtyāpa naḥ śośucad agham iti pratyṛcaṃ hutvā brāhmaṇān bhojayitvā svastyayanaṃ vācayīta // (18) Par.?

gauḥ kaṃso 'hataṃ vāsaś ca dakṣiṇā // (19) Par.?

Duration=0.053280115127563 secs.