Texts

tad yatraitat trirātre sahasraṃ dadāti tad eṣā sāhasrī kriyate / (1.1) Par.?

sa prathame 'haṃs trīṇi ca śatāni nayati trayastriṃśatam ca / (1.2) Par.?

evam eva dvitīye 'haṃs trīṇi caiva śatāni nayati trayastriṃśataṃ ca / (1.3) Par.?

evam eva tṛtīye 'haṃs trīṇi caiva śatāni nayati trayastriṃśataṃ ca / (1.4) Par.?

athaiṣā sāhasry atiricyate // (1.5) Par.?

sā vai trirūpā syād ity āhuḥ / (2.1) Par.?

etaddhy asyai rūpatamam iveti / (2.2) Par.?

rohiṇī ha tv evopadhvastā syāt / (2.3) Par.?

etaddhaivāsyai rūpatamam iva // (2.4) Par.?

sā syād apravītā / (3.1) Par.?

vāg vā eṣā nidānena yat sāhasrī / (3.2) Par.?

ayātayāmnī vā iyaṃ vāk / (3.3) Par.?

ayātayāmny apravītā / (3.4) Par.?

tasmād apravītā syāt // (3.5) Par.?

tām prathame 'han nayet / (4.1) Par.?

vāg vā eṣā nidānena yat sāhasrī / (4.2) Par.?

tasyā etat sahasraṃ vācaḥ prajātam / (4.3) Par.?

pūrvā haiṣaiti paścād enām prajātam anveti / (4.4) Par.?

uttame vainām ahan nayet / (4.5) Par.?

pūrvam ahāsyai prajātam eti paścād eṣānveti / (4.6) Par.?

so eṣā mīmāṃsaiva / (4.7) Par.?

uttama evainām ahan nayet / (4.8) Par.?

pūrvam ahāsyai prajātam eti paścād eṣānveti // (4.9) Par.?

tām uttareṇa havirdhāne dakṣiṇenāgnīdhraṃ droṇakalaśam avaghrāpayati / (5.1) Par.?

yajño vai droṇakalaśaḥ / (5.2) Par.?

yajñam evainām etad darśayati // (5.3) Par.?

ājighra kalaśam mahy ā tvā viśantv indava iti / (6.1) Par.?

riricāna iva vā eṣa bhavati yaḥ sahasraṃ dadāti / (6.2) Par.?

tam evaitad riricānam punar āpyāyayati yad āhājighra kalaśam mahy ā tvā viśantv indava iti // (6.3) Par.?

punar ūrjā nivartasveti / (7.1) Par.?

tad v eva riricānam punar āpyāyayati yad āha punar ūrjā nivartasveti // (7.2) Par.?

sā naḥ sahasraṃ dhukṣveti / (8.1) Par.?

tat sahasreṇa riricānam punar āpyāyayati yad āha sā naḥ sahasraṃ dhukṣveti // (8.2) Par.?

urudhārā payasvatī punar māviśatād rayir iti / (9.1) Par.?

tad v eva riricānam punar āpyāyayati yad āha punar māviśatād rayir iti // (9.2) Par.?

atha dakṣiṇe karṇa ājapatīḍe rante havye kāmye candre jyote 'diti sarasvati mahi viśruti etā te aghnye nāmāni devebhyo mā sukṛtam brūtād iti / (10.1) Par.?

vocer iti vā / (10.2) Par.?

etāni ha vā asyai devatrā nāmāni / (10.3) Par.?

sā yāni te devatrā nāmāni tair mā devebhyaḥ sukṛtam brūtād ity evaitad āha // (10.4) Par.?

tām avārjanti / (11.1) Par.?

sā yady apuruṣābhivītā prācīyāt tatra vidyād arātsīd ayaṃ yajamānaḥ kalyāṇaṃ lokam ajaiṣīd iti / (11.2) Par.?

yady udīcīyācchreyān asmiṃl loke yajamāno bhaviṣyatīti vidyāt / (11.3) Par.?

yadi pratīcīyād ibhyatilvila iva dhānyatilvilo bhaviṣyatīti vidyāt / (11.4) Par.?

yadi dakṣiṇeyāt kṣipre 'smāl lokād yajamānaḥ praiṣyatīti vidyāt / (11.5) Par.?

etāni vijñānāni // (11.6) Par.?

tad yā etās tisras tisras triṃśaty adhi bhavanti tāsv etām upasamākurvanti / (12.1) Par.?

vi vā etāṃ virājaṃ vṛhanti yāṃ vyākurvanti / (12.2) Par.?

vicchinno eṣā virāḍ yā vivṛḍhā / (12.3) Par.?

daśākṣarā vai virāṭ / (12.4) Par.?

tat kṛtsnāṃ virājaṃ saṃdadhāti / (12.5) Par.?

tāṃ hotre dadyāt / (12.6) Par.?

hotā hi sāhasraḥ / (12.7) Par.?

tasmāt tāṃ hotre dadyāt // (12.8) Par.?

dvau vonnetārau kurvīta / (13.1) Par.?

tayor yataro nāśrāvayet tasmā enāṃ dadyāt / (13.2) Par.?

vyṛddho vā eṣa unnetā ya ṛtvik san nāśrāvayati / (13.3) Par.?

vyṛddho eṣā virāḍ yā vivṛḍhā / (13.4) Par.?

tad vyṛddha evaitad vyṛddhaṃ dadhāti // (13.5) Par.?

tad āhur na sahasre 'dhi kiṃ cana dadyāt / (14.1) Par.?

sahasreṇa hy eva sarvān kāmān āpnotīti / (14.2) Par.?

tad u hovācāsuriḥ kāmam eva dadyāt / (14.3) Par.?

sahasreṇāha sarvān kāmān āpnoti / (14.4) Par.?

kāmeno asyetarad dattam bhavatīti // (14.5) Par.?

atha yadi rathaṃ vā yuktaṃ dāsyant syāt yad vā vaśāyai vā vapāyāṃ hutāyāṃ dadyād udavasānīyāyāṃ veṣṭau // (15.1) Par.?

sa vai dakṣiṇā nayan anyūnā daśato nayet / (16.1) Par.?

yasmā ekāṃ dāsyant syād daśabhyas tebhyo daśatam upāvartayet / (16.2) Par.?

yasmai dve dāsyant syāt pañcabhyas tebhyo daśatam upāvartayet / (16.3) Par.?

yasmai tisro dāsyant syāt tribhyas tebhyo daśatam upāvartayet / (16.4) Par.?

yasmai pañca dāsyant syād dvābhyāṃ tābhyāṃ daśatam upāvartayet / (16.5) Par.?

evam ā śatāt / (16.6) Par.?

tatho hāsyaiṣānyūnā virāḍ amuṣmiṃl loke kāmadughā bhavati // (16.7) Par.?