Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17225

Click on a sentence to show its analysis
Keep the mouse pointer over a lemma to show its meanings.

cakṣuṣī ha vā asya śukrāmanthinau / (1.1) Par.?

tad vā eṣa eva śukro ya eṣa tapati / (1.2) Par.?

tad yad eṣa etat tapati tenaiṣa śukraḥ / (1.3) Par.?

candramā eva manthī // (1.4) Par.?

taṃ saktubhiḥ śrīṇāti / (2.1) Par.?

tad enam manthaṃ karoti / (2.2) Par.?

teno eṣa manthī / (2.3) Par.?

etau ha vā āsāṃ prajānāṃ cakṣuṣī / (2.4) Par.?

sa yaddhaitau nodiyātāṃ na haiveha svau cana pāṇī nirjānīyuḥ // (2.5) Par.?

tayor attaivānyatara ādyo 'nyataraḥ / (3.1) Par.?

attaiva śukraḥ / (3.2) Par.?

ādyo manthī // (3.3) Par.?

tayor attaivānyataram anv ādyo 'nyataram anu / (4.1) Par.?

attaiva śukram anu / (4.2) Par.?

ādyo manthinam anu / (4.3) Par.?

tau vā anyasmai gṛhyete anyasmai hūyete / (4.4) Par.?

śaṇḍāmarkāv ity asurarakṣase / (4.5) Par.?

tābhyāṃ gṛhyete devatābhyo hūyete / (4.6) Par.?

tad yat tathā // (4.7) Par.?

yatra vai devā asurarakṣasāny apajaghnire tad etāv eva na śekur apahantum / (5.1) Par.?

yaddha sma devāḥ kiṃ ca karma kurvate taddha sma mohayitvā kṣipra eva punar apadravataḥ // (5.2) Par.?

te ha devā ūcur upajānīta yathemāv apahanāmahā iti / (6.1) Par.?

te hocur grahāv evābhyāṃ gṛhṇāma / (6.2) Par.?

tāv abhyavaiṣyataḥ / (6.3) Par.?

tau svīkṛtyāpahaniṣyāmaha iti / (6.4) Par.?

tābhyāṃ grahau jagṛhuḥ / (6.5) Par.?

tāv abhyavaitām / (6.6) Par.?

tau svīkṛtyāpāghnata / (6.7) Par.?

tasmācchaṇḍāmarkābhyām iti gṛhyete devatābhyo hūyete // (6.8) Par.?

api hovāca yājñavalkyo no svid devatābhya eva gṛhṇīyāmā3 / (7.1) Par.?

vijitarūpam iva hīdam iti / (7.2) Par.?

tad vai sa tan mīmāṃsām eva cakre / (7.3) Par.?

net tu cakāra // (7.4) Par.?

imām u haike śukrasya purorucaṃ kurvanty ayaṃ venaś codayat pṛśnigarbhā jyotirjarāyū rajaso vimāna iti / (8.1) Par.?

tad etasya rūpaṃ kurmo ya eṣa tapatīti yad āha jyotirjarāyur iti // (8.2) Par.?

imāṃ tv eva śukrasya purorucaṃ kuryāt tam pratnathā pūrvathā viśvathemathā jyeṣṭhatātim barhiṣadaṃ svarvidam iti / (9.1) Par.?

attā hy etam anu / (9.2) Par.?

attā hi jyeṣṭhaḥ / (9.3) Par.?

tasmād āha jyeṣṭhatātim barhiṣadaṃ svarvidam / (9.4) Par.?

pratīcīnaṃ vṛjanaṃ dohase dhunim āśuṃ jayantam anu yāsu vardhase / (9.5) Par.?

upayāmagṛhīto 'si śaṇḍāya tvā / (9.6) Par.?

eṣa te yonir vīratām pāhīti sādayati / (9.7) Par.?

attā hy etam anu / (9.8) Par.?

attā hi vīraḥ / (9.9) Par.?

tasmād āhaiṣa te yonir vīratām pāhīti / (9.10) Par.?

dakṣiṇārdhe sādayati / (9.11) Par.?

etāṃ hy eṣa diśam anu saṃcarati // (9.12) Par.?

atha manthinaṃ gṛhṇāty ayaṃ venaś codayat pṛśnigarbhā jyotirjarāyū rajaso vimāne / (10.1) Par.?

imam apāṃ saṃgame sūryasya śiśuṃ na viprā matibhī rihanti / (10.2) Par.?

upayāmagṛhīto 'si markāya tveti // (10.3) Par.?

taṃ saktubhiḥ śrīṇāti / (11.1) Par.?

tad yat saktubhiḥ śrīṇāti / (11.2) Par.?

varuṇo ha vai somasya rājño 'bhīvākṣi pratipipeṣa / (11.3) Par.?

tad aśvayat / (11.4) Par.?

tato 'śvaḥ samabhavat / (11.5) Par.?

tad yacchvayathāt samabhavat tasmād aśvo nāma / (11.6) Par.?

tasyāśru prāskandat / (11.7) Par.?

tato yavaḥ samabhavat / (11.8) Par.?

tasmād āhur varuṇyo yava iti / (11.9) Par.?

tad yad evāsyātra cakṣuṣo 'mīyata tenaivainam etat samardhayati kṛtsnaṃ karoti / (11.10) Par.?

tasmāt saktubhiḥ śrīṇāti // (11.11) Par.?

sa śrīṇāti mano na yeṣu havaneṣu tigmaṃ vipaḥ śacyā vanutho dravantā / (12.1) Par.?

ā yaḥ śaryābhis tuvinṛmṇo asyāśrīṇītādiśaṃ gabhastau / (12.2) Par.?

eṣa te yoniḥ prajāḥ pāhīti sādayati / (12.3) Par.?

ādyo hy etam anu / (12.4) Par.?

ādyā hīmāḥ prajā viśaḥ / (12.5) Par.?

tasmād āhaiṣa te yoniḥ prajāḥ pāhīti // (12.6) Par.?

dvau prokṣitau yūpaśakalau bhavato dvāv aprokṣitau / (13.1) Par.?

prokṣitaṃ caivādhvaryur ādatte 'prokṣitaṃ ca / (13.2) Par.?

evam eva pratiprasthātā prokṣitaṃ caivādatte 'prokṣitaṃ ca / (13.3) Par.?

śukram evādhvaryur ādatte manthinam pratiprasthātā // (13.4) Par.?

so 'dhvaryur aprokṣitena yūpaśakalenāpamārṣṭy apamṛṣṭaḥ śaṇḍa iti / (14.1) Par.?

evam eva pratiprasthātāpamṛṣṭo marka iti / (14.2) Par.?

tad ādadānāv evāsurarakṣase apahataḥ / (14.3) Par.?

devās tvā śukrapāḥ praṇayantv ity evādhvaryur niṣkrāmati devās tvā manthipāḥ praṇayantv iti pratiprasthātā / (14.4) Par.?

tad etau devatābhya eva praṇayataḥ // (14.5) Par.?

tau jaghanenāhavanīyam aratnī saṃdhattaḥ / (15.1) Par.?

tā uttaravedau sādayataḥ / (15.2) Par.?

dakṣiṇāyām eva śroṇāv adhvaryuḥ sādayaty uttarāyām pratiprasthātānanusṛjantāv evānādhṛṣṭāsīti / (15.3) Par.?

tad rakṣobhir evaitad uttaravedim anādhṛṣṭāṃ kurutaḥ / (15.4) Par.?

viparyeṣyantau vā etāv agniṃ bhavato 'tyeṣyantau / (15.5) Par.?

tasmā evaitan nihnuvāte / (15.6) Par.?

tatho hainau vipariyantāv agnir na hinasti // (15.7) Par.?

so 'dhvaryuḥ paryeti suvīro vīrān prajanayan parīhīti / (16.1) Par.?

attā hy etam anu / (16.2) Par.?

attā hi vīraḥ / (16.3) Par.?

tasmād āha suvīro vīrān prajanayan parīhīti / (16.4) Par.?

abhi rāyaspoṣeṇa yajamānam iti / (16.5) Par.?

tad yajamānāyāśiṣam āśāste yad āhābhi rāyaspoṣeṇa yajamānam iti // (16.6) Par.?

atha pratiprasthātā paryeti suprajāḥ prajāḥ prajanayan parīhīti / (17.1) Par.?

ādyo hy etam anu / (17.2) Par.?

ādyā hīmāḥ prajā viśaḥ / (17.3) Par.?

tasmād āha suprajāḥ prajāḥ prajanayan parīhīti / (17.4) Par.?

abhi rāyaspoṣeṇa yajamānam iti / (17.5) Par.?

tad yajamānāyāśiṣam āśāste yad āhābhi rāyaspoṣeṇa yajamānam iti // (17.6) Par.?

tāv apidhāya niṣkrāmataḥ / (18.1) Par.?

tira evaināv etat kurutaḥ / (18.2) Par.?

tasmād imau sūryācandramasau prāñcau yantau na kaścana paśyati / (18.3) Par.?

tau purastāt parītyāporṇutaḥ / (18.4) Par.?

purastāt tiṣṭhantau juhutaḥ / (18.5) Par.?

āvir evaināv etat kurutaḥ / (18.6) Par.?

tasmād imau sūryācandramasau pratyañcau yantau sarva eva paśyati / (18.7) Par.?

tasmāt parāg retaḥ sicyamānaṃ na kaścana paśyati / (18.8) Par.?

tad u paścāt prajāyamānaṃ sarva eva paśyati // (18.9) Par.?

tau jaghanena yūpam aratnī saṃdhatto yady agnir nodbādheta / (19.1) Par.?

yady u agnir udbādhetāpy agreṇaiva yūpam aratnī saṃdadhyātām / (19.2) Par.?

saṃjagmāno divā pṛthivyā śukraḥ śukraśociṣety evādhvaryuḥ / (19.3) Par.?

saṃjagmāno divā pṛthivyā manthī manthiśociṣeti pratiprasthātā / (19.4) Par.?

cakṣuṣor evaite āramaṇe kurutaḥ / (19.5) Par.?

cakṣuṣī evaitat saṃdhattaḥ / (19.6) Par.?

tasmād ime abhito 'sthinī cakṣuṣī saṃhite // (19.7) Par.?

so 'dhvaryur aprokṣitaṃ yūpaśakalaṃ nirasyati nirastaḥ śaṇḍa iti / (20.1) Par.?

evam eva pratiprasthātā nirasto marka iti / (20.2) Par.?

tat purāhutibhyo 'surarakṣase apahataḥ // (20.3) Par.?

athādhvaryuḥ prokṣitaṃ yūpaśakalam āhavanīye prāsyati śukrasyādhiṣṭhānam asīti / (21.1) Par.?

evam eva pratiprasthātā manthino 'dhiṣṭhānam asīti / (21.2) Par.?

cakṣuṣor evaite samidhau / (21.3) Par.?

cakṣuṣī evaitat saminddhe / (21.4) Par.?

tasmād ime samiddhe cakṣuṣī // (21.5) Par.?

tatra japaty achinnasya te deva soma savīryasya rāyaspoṣasya daditāraḥ syāmeti / (22.1) Par.?

āśīr evaiṣaitasya karmaṇaḥ / (22.2) Par.?

āśiṣam evaitad āśāste // (22.3) Par.?

athāśrāvyāha prātaḥprātaḥ savasya śukravato madhuścuta indrāya somān prasthitān preṣyeti / (23.1) Par.?

vaṣaṭkṛte 'dhvaryur juhoti tad anu pratiprasthātā tad anu camasādhvaryavaḥ // (23.2) Par.?

tau vai purastāt tiṣṭhantau juhutaḥ / (24.1) Par.?

cakṣuṣī vā etau / (24.2) Par.?

tat purastād evaitac cakṣuṣī dhattaḥ / (24.3) Par.?

tasmād ime purastāc cakṣuṣī // (24.4) Par.?

abhito yūpaṃ tiṣṭhantau juhutaḥ / (25.1) Par.?

yathā vai nāsikaivaṃ yūpaḥ / (25.2) Par.?

tasmād ime abhito nāsikāṃ cakṣuṣī // (25.3) Par.?

tau vai vaṣaṭkṛtau santau mantreṇa hūyete / (26.1) Par.?

eteno haitau tad udaśnuvāte yad enau sarvaṃ savanam anuhūyate / (26.2) Par.?

yad v evaitau sarvaṃ savanam anuhūyata etau vai prajāpateḥ pratyakṣatamām / (26.3) Par.?

cakṣuṣī hy etau / (26.4) Par.?

satyaṃ vai cakṣuḥ / (26.5) Par.?

satyaṃ hi prajāpatiḥ / (26.6) Par.?

tasmād enau sarvaṃ savanam anuhūyate // (26.7) Par.?

sa juhoti sa prathamā saṃskṛtir viśvavārā sa prathamo varuṇo mitro agniḥ sa prathamo bṛhaspatiś cikitvāṃs tasmā indrāya sutam ājuhota svāheti // (27.1) Par.?

sa yaj juhoti sā prathamā sa prathama iti śaśvaddha vai retasaḥ siktasya / (28.1) Par.?

cakṣuṣī eva prathame sambhavataḥ / (28.2) Par.?

tasmāj juhoti sā prathamā sa prathama iti // (28.3) Par.?

atha sampreṣyati praitu hotuś camasaḥ pra brahmaṇaḥ prodgātṝṇāṃ pra yajamānasya / (29.1) Par.?

prayantu sadasyānāṃ hotrāṇāṃ camasādhvaryavaḥ / (29.2) Par.?

upāvartadhvam / (29.3) Par.?

śukrasyābhyunnayadhvam iti / (29.4) Par.?

sampraiṣa evaiṣa / (29.5) Par.?

paryetya pratiprasthātādhvaryoḥ pātre saṃsravam avanayati / (29.6) Par.?

attra evaitad ādyam baliṃ hārayati / (29.7) Par.?

tam adhvaryur hotṛcamase 'vanayati bhakṣāya / (29.8) Par.?

vaṣaṭkartur hi bhakṣaḥ / (29.9) Par.?

prāṇo vai vaṣaṭkāraḥ / (29.10) Par.?

so 'smād etad vaṣaṭkurvataḥ parāṅ ivābhūt / (29.11) Par.?

prāṇo vai bhakṣaḥ / (29.12) Par.?

tat prāṇam punar ātman dhatte // (29.13) Par.?

atha yad ete pratīcī pātre na haranti haranty anyān grahāṃś cakṣuṣī hy ete / (30.1) Par.?

saṃsravam eva hotṛcamase 'vanayati // (30.2) Par.?

atha hotrāṇāṃ camasān abhyunnayanti / (31.1) Par.?

hutocchiṣṭā vā ete saṃsravā bhavanti nālam āhutyai / (31.2) Par.?

tān evaitat punar āpyāyayanti / (31.3) Par.?

tathālam āhutyai bhavanti / (31.4) Par.?

tasmāddhotrāṇāṃ camasān abhyunnayanti // (31.5) Par.?

atha hotrāḥ saṃyājayanti / (32.1) Par.?

hotrā ha vai yuktā devebhyo yajñaṃ vahanti / (32.2) Par.?

tā evaitat saṃtarpayanti tṛptāḥ prītā devebhyo yajñaṃ vahān iti / (32.3) Par.?

tasmāddhotrāḥ saṃyājayanti // (32.4) Par.?

sa prathamāyāṃ vā hotrāyām iṣṭāyām uttamāyāṃ vānumantrayate tṛmpantu hotrā madhvo yāḥ sviṣṭā yāḥ suprītāḥ suhutā yat svāheti / (33.1) Par.?

hotrāṇām evaiṣā tṛptiḥ / (33.2) Par.?

athetya pratyaṅṅ upaviśaty ayāḍ agnīd iti / (33.3) Par.?

agnīddhy atra yajatām uttamaḥ saṃyajati / (33.4) Par.?

tasmād āhāyāḍ agnīd iti // (33.5) Par.?

Duration=0.53863096237183 secs.