Texts

trayā vai devā vasavo rudrā ādityāḥ / (1.1) Par.?

teṣāṃ vibhaktāni savanāni / (1.2) Par.?

vasūnām eva prātaḥsavanam / (1.3) Par.?

rudrāṇām mādhyandinaṃ savanam / (1.4) Par.?

ādityānāṃ tṛtīyasavanam / (1.5) Par.?

tad vā amiśram eva vasūnām prātaḥsavanam / (1.6) Par.?

amiśraṃ rudrāṇām mādhyandinaṃ savanam / (1.7) Par.?

miśram ādityānāṃ tṛtīyasavanam // (1.8) Par.?

te hādityā ūcur yathedam amiśraṃ vasūnāṃ prātaḥsavanam amiśraṃ rudrāṇām mādhyandinaṃ savanam evaṃ na imam purā miśrād grahaṃ juhutheti / (2.1) Par.?

tatheti devā abruvan / (2.2) Par.?

te saṃsthita eva mādhyandine savane purā tṛtīyasavanād etam ajuhavuḥ / (2.3) Par.?

sa eṣo 'py etarhi tathaiva graho hūyate saṃsthita eva mādhyandine savane purā tṛtīyasavanāt // (2.4) Par.?

te hādityā ūcur neva vā itarasmint savane smo nevetarasmin / (3.1) Par.?

yad vai no rakṣāṃsi na hiṃsyur iti // (3.2) Par.?

te ha dvidevatyān ūcū rakṣobhyo vai bibhīmaḥ / (4.1) Par.?

hanta yuṣmān praviśāmeti // (4.2) Par.?

te ha dvidevatyā ūcuḥ kim asmākaṃ tataḥ syād iti / (5.1) Par.?

asmābhir anuvaṣaṭkṛtā bhaviṣyathety u hādityā ūcuḥ / (5.2) Par.?

tatheti / (5.3) Par.?

te dvidevatyān prāviśan // (5.4) Par.?

sa yatra prātaḥsavane dvidevatyaiḥ pracarati tat pratiprasthātādityapātreṇa droṇakalaśāt pratinigṛhṇīta upayāmagṛhīto 'sīty etāvatā / (6.1) Par.?

adhvaryur evāśrāvayati / (6.2) Par.?

adhvaryor anu homaṃ juhoti pratiprasthātā / (6.3) Par.?

ādityebhyas tveti saṃsravam avanayaty etāvatā / (6.4) Par.?

evam eva sarveṣu // (6.5) Par.?

tad yat pratiprasthātā pratinigṛhṇīte / (7.1) Par.?

dvidevatyān vai prāviśan / (7.2) Par.?

asmābhir anuvaṣaṭkṛtā bhaviṣyathety u hādityā ūcuḥ / (7.3) Par.?

yāṃ vā amūṃ dvitīyām āhutiṃ juhoti sviṣṭakṛte vai tāṃ juhoti / (7.4) Par.?

sviṣṭakṛto vā ete 'nuvaṣaṭkriyante / (7.5) Par.?

tatho hāsyaite 'nuvaṣaṭkṛtā iṣṭasviṣṭakṛto bhavanti / (7.6) Par.?

uttarārdhe juhoti / (7.7) Par.?

eṣā hy etasya devasya dik / (7.8) Par.?

tasmād uttarārdhe juhoti // (7.9) Par.?

yad v eva pratiprasthātā pratinigṛhṇīte / (8.1) Par.?

dvidevatyān vai prāviśan / (8.2) Par.?

sa yān eva prāviśaṃs tebhya evaitan nirmimīte / (8.3) Par.?

athāpidadhāti / (8.4) Par.?

rakṣobhyo hy abibhayuḥ / (8.5) Par.?

viṣṇa urugāyaiṣa te somas taṃ rakṣasva mā tvā dabhann iti / (8.6) Par.?

yajño vai viṣṇuḥ / (8.7) Par.?

tad yajñāyaivaitat paridadāti guptyai / (8.8) Par.?

athāha saṃsthita eva mādhyandine savane purā tṛtīyasavanād ehi yajamāneti // (8.9) Par.?

samprapadyante 'dhvaryuś ca yajamānaś cāgnīdhraś ca pratiprasthātā connetātha yo 'nyaḥ paricaro bhavati / (9.1) Par.?

ubhe dvāre apidadhati / (9.2) Par.?

rakṣobhyo hy abibhayuḥ / (9.3) Par.?

athādhvaryur ādityasthālīṃ cādityapātraṃ cādatte / (9.4) Par.?

sa uparyupari pūtabhṛtaṃ vigṛhṇāti ned vyavaścotad iti // (9.5) Par.?

atha gṛhṇāti kadā cana starīr asi nendra saścasi dāśuṣe upopen nu maghavan bhūya in nu te dānaṃ devasya pṛcyata ādityebhyas tveti // (10.1) Par.?

taṃ vai nopayāmena gṛhṇīyāt / (11.1) Par.?

agre hy evaiṣa upayāmena gṛhīto bhavati / (11.2) Par.?

ajāmitāyai / (11.3) Par.?

jāmi ha kuryād yad enam atrāpy upayāmena gṛhṇīyāt // (11.4) Par.?

athāpagṛhya punar ānayati kadā cana prayucchasy ubhe nipāsi janmanī turīyāditya savanaṃ ta indriyam ātasthāv amṛtaṃ divy ādityebhyas tveti // (12.1) Par.?

atha dadhi gṛhṇāti / (13.1) Par.?

ādityānāṃ vai tṛtīyasavanam / (13.2) Par.?

ādityān vā anu paśavaḥ / (13.3) Par.?

tat paśuṣv evaitat payo dadhāti / (13.4) Par.?

tad idam paśuṣu payo hitam madhyata iva gṛhṇīyād ity āhuḥ / (13.5) Par.?

madhyata iva hīdam paśūnām paya iti / (13.6) Par.?

paścād iva tv eva gṛhṇīyāt / (13.7) Par.?

paścād iva hīdam paśūnām payaḥ // (13.8) Par.?

yad v eva dadhi gṛhṇāti / (14.1) Par.?

hutocchiṣṭā vā ete saṃsravā bhavanti nālam āhutyai / (14.2) Par.?

tān evaitat punar āpyāyayati / (14.3) Par.?

tathālam āhutyai bhavanti / (14.4) Par.?

tasmād dadhi gṛhṇāti // (14.5) Par.?

sa gṛhṇāti yajño devānām pratyeti sumnam ādityāso bhavatā mṛḍayantaḥ ā vo 'rvācī sumatir vavṛtyād aṃhoś cid yā varivovittarāsad ādityebhyas tveti // (15.1) Par.?

tam upāṃśusavanena mekṣayati / (16.1) Par.?

vivasvān vā eṣa ādityo nidānena yad upāṃśusavanaḥ / (16.2) Par.?

ādityagraho vā eṣa bhavati / (16.3) Par.?

tad enaṃ sva eva bhāge prīṇāti // (16.4) Par.?

taṃ na daśābhir na pavitreṇopaspṛśati / (17.1) Par.?

ete vai śukravatī rasavatī savane yat prātaḥsavanaṃ ca mādhyandinaṃ ca savanam / (17.2) Par.?

athaitan nirdhītaśukraṃ yat tṛtīyasavanam / (17.3) Par.?

sa yan na daśābhir na pavitreṇopaspṛśati teno hāsyaitacchukravad rasavat tṛtīyasavanam bhavati / (17.4) Par.?

tasmān na daśābhir na pavitreṇopaspṛśati // (17.5) Par.?

sa mekṣayati vivasvann ādityaiṣa te somapīthas tasmin matsveti / (18.1) Par.?

athonnetra upāṃśusavanam prayacchati / (18.2) Par.?

athāhonnetāram āsṛja grāvṇa iti / (18.3) Par.?

tān ādhavanīye vāsṛjati camase vā // (18.4) Par.?

rājānam unnīya / (19.1) Par.?

ādityānāṃ vai tṛtīyasavanam / (19.2) Par.?

ādityān vā anu grāvāṇaḥ / (19.3) Par.?

tad enānt sva eva bhāge prīṇāti / (19.4) Par.?

aporṇuvanti dvāre // (19.5) Par.?

athāpidhāyopaniṣkrāmati / (20.1) Par.?

rakṣobhyo hy abibhayuḥ / (20.2) Par.?

athāhādityebhyo 'nubrūhīti / (20.3) Par.?

atra saṃpaśyed yadi kāmayeta / (20.4) Par.?

āśrāvya tv eva saṃpaśyed ādityebhyaḥ preṣya priyebhyaḥ priyadhāmabhyaḥ priyavratebhyo mahasvasarasya patibhya uror antarikṣasyādhyakṣebhya iti / (20.5) Par.?

vaṣaṭkṛte juhoti / (20.6) Par.?

nānuvaṣaṭkaroti net paśūn agnau pravṛṇajānīti / (20.7) Par.?

prayacchati pratiprasthātre saṃsravau // (20.8) Par.?

atha punaḥ prapadyāgrayaṇam ādatte / (21.1) Par.?

udīcīnadaśam pavitraṃ vitanvanti / (21.2) Par.?

praskandayaty adhvaryur āgrayaṇasya / (21.3) Par.?

pratiprasthātā sampragṛhṇāti saṃsravau / (21.4) Par.?

ānayaty unnetā camasena vodañcanena vā // (21.5) Par.?

taṃ catasṛṇāṃ dhārāṇām āgrayaṇaṃ gṛhṇāti / (22.1) Par.?

ādityānāṃ vai tṛtīyasavanam / (22.2) Par.?

ādityān vā anu gāvaḥ / (22.3) Par.?

tasmād idaṃ gavāṃ caturdhāvihitaṃ payaḥ / (22.4) Par.?

tasmāc catasṛṇāṃ dhārāṇām āgrayaṇaṃ gṛhṇāti // (22.5) Par.?

tad yat pratiprasthātā saṃsravau sampragṛhṇāti / (23.1) Par.?

ādityagraho vā eṣa bhavati / (23.2) Par.?

na vā ādityagrahasyānuvaṣaṭkaroti / (23.3) Par.?

etasmād vai sāvitraṃ grahaṃ grahīṣyan bhavati / (23.4) Par.?

tad asya sāvitreṇaivānuvaṣaṭkṛto bhavati // (23.5) Par.?

yad v eva pratiprasthātā saṃsravau sampragṛhṇāti / (24.1) Par.?

purā vā ebhya etan miśrād graham ahauṣuḥ purā tṛtīyasavanāt / (24.2) Par.?

tṛtīyasavanāya vā eṣa graho gṛhyate / (24.3) Par.?

tad ādityās tṛtīyasavanam apiyanti / (24.4) Par.?

tathā na bahirdhā yajñād bhavanti / (24.5) Par.?

tasmāt pratiprasthātā saṃsravau sampragṛhṇāti // (24.6) Par.?