Texts

tāni vā etāni nava samiṣṭayajūṃṣi juhoti / (1.1) Par.?

tad yan nava samiṣṭayajūṃṣi juhoti / (1.2) Par.?

nava vā amūr bahiṣpavamāne stotriyā bhavanti / (1.3) Par.?

saiṣobhayato nyūnā virāṭ prajananāya / (1.4) Par.?

etasmād vā ubhayato nyūnāt prajananāt prajāpatiḥ prajāḥ sasṛja itaś cordhvā itaś cāvācīḥ / (1.5) Par.?

tatho evaiṣa etasmād ubhayata eva nyūnāt prajananāt prajāḥ sṛjata itaś cordhvā itaś cāvācīḥ // (1.6) Par.?

hiṅkāra stotriyāṇāṃ daśamaḥ svāhākāra eteṣām / (2.1) Par.?

tatho hāsyaiṣā nyūnā virāḍ daśadaśinī bhavati // (2.2) Par.?

atha yasmāt samiṣṭayajūṃṣi nāma / (3.1) Par.?

yā vā etena yajñena devatā hvayati yābhya eṣa yajñas tāyate sarvā vai tat tāḥ samiṣṭā bhavanti / (3.2) Par.?

tad yat tāsu sarvāsu samiṣṭāsv athaitāni juhoti tasmāt samiṣṭayajūṃṣi nāma // (3.3) Par.?

atha yasmāt samiṣṭayajūṃṣi juhoti / (4.1) Par.?

riricāna iva vā etad ījānasyātmā bhavati / (4.2) Par.?

yaddhy asya bhavati tasya hi dadāti / (4.3) Par.?

tam evātas tribhiḥ punar āpyāyayati // (4.4) Par.?

atha yāny uttarāṇi trīṇi juhoti / (5.1) Par.?

yā vā etena yajñena devatā hvayati yābhya eṣa yajñas tāyata upa haiva tā āsate yāvan na samiṣṭayajūṃṣi juhvatīmāni nu no juhvatv iti / (5.2) Par.?

tā evaitad yathāyathaṃ vyavasṛjati yatra yatrāsāṃ caraṇaṃ tad anu // (5.3) Par.?

atha yāny uttamāni trīṇi juhoti / (6.1) Par.?

yajñaṃ vā etad ajījanata yad enam atata / (6.2) Par.?

taṃ janayitvā yatrāsya pratiṣṭhā tat pratiṣṭhāpayati / (6.3) Par.?

tasmāt samiṣṭayajūṃṣi juhoti // (6.4) Par.?

sa juhoti sam indra ṇo manasā neṣi gobhir iti / (7.1) Par.?

manaseti tan manasā riricānam āpyāyayati / (7.2) Par.?

gobhir iti tad gobhī riricānam āpyāyayati / (7.3) Par.?

saṃ sūribhir maghavant saṃ svastyā sam brahmaṇā devakṛtam yad astīti / (7.4) Par.?

brahmaṇeti tad brahmaṇā riricānam āpyāyayati / (7.5) Par.?

saṃ devānāṃ sumatau yajñiyānāṃ svāhā // (7.6) Par.?

saṃ varcasā payasā saṃ tanūbhir iti / (8.1) Par.?

varcaseti tad varcasā riricānam āpyāyayati / (8.2) Par.?

payaseti / (8.3) Par.?

raso vai payaḥ / (8.4) Par.?

tat payasā riricānam āpyāyayati / (8.5) Par.?

aganmahi manasā saṃ śivena tvaṣṭā sudatro vidadhātu rāyo 'numārṣṭu tanvo yad viliṣṭam iti / (8.6) Par.?

vivṛḍhaṃ tat saṃdadhāti // (8.7) Par.?

dhātā rātiḥ savitedaṃ juṣantām prajāpatir nidhipā devo agniḥ / (9.1) Par.?

tvaṣṭā viṣṇuḥ prajayā saṃrarāṇā yajamānāya draviṇaṃ dadhāta svāheti / (9.2) Par.?

tad v eva riricānam punar āpyāyayati yad āha yajamānāya draviṇaṃ dadhāta svāheti // (9.3) Par.?

sugā vo devāḥ sadanā akarma ya ājagmedaṃ savanaṃ juṣāṇā iti / (10.1) Par.?

sugāni vo devāḥ sadanāny akarma ya āgantedaṃ savanaṃ juṣāṇā ity evaitad āha / (10.2) Par.?

bharamāṇā vahamānā havīṃṣīti tad devatā vyavasṛjati / (10.3) Par.?

bharamāṇā aha te yantu ye 'vāhanāḥ / (10.4) Par.?

vahamānā u te yantu ye vāhanavanta ity evaitad āha / (10.5) Par.?

tasmād āha bharamāṇā vahamānā havīṃṣy asme dhatta vasavo vasūni svāhā // (10.6) Par.?

yāṁ āvaha uśato deva devāṃs tān preraya sve agne sadhastha iti / (11.1) Par.?

agniṃ vā āhāmūn devān āvahāmūn devān āvaheti / (11.2) Par.?

tam evaitad āha yān devān āvākṣīs tān gamaya yatra yatraiṣāṃ caraṇaṃ tad anv iti / (11.3) Par.?

jakṣivāṃsaḥ papivāṃsaśca viśva iti / (11.4) Par.?

jakṣivāṃso hi paśum puroḍāśam bhavanti / (11.5) Par.?

papivāṃsa iti / (11.6) Par.?

papivāṃso hi somaṃ rājānam bhavanti / (11.7) Par.?

tasmād āha jakṣivāṃsaḥ papivāṃsaś ca viśve 'suṃ gharmaṃ svar ātiṣṭhatānu svāheti / (11.8) Par.?

tad v eva devatā vyavasṛjati // (11.9) Par.?

vayaṃ hi tvā prayati yajñe asminn agne hotāram avṛṇīmahīha ṛdhagayā ṛdhagutāśamiṣṭhāḥ prajānan yajñam upayāhi vidvānt svāheti / (12.1) Par.?

agnim evaitayā vimuñcati / (12.2) Par.?

agniṃ vyavasṛjati // (12.3) Par.?

devā gātuvida iti / (13.1) Par.?

gātuvido hi devāḥ / (13.2) Par.?

gātuṃ vittveti / (13.3) Par.?

yajñaṃ vittvety evaitad āha / (13.4) Par.?

gātum iteti / (13.5) Par.?

tad etena yathāyathaṃ vyavasṛjati / (13.6) Par.?

manasaspata imaṃ deva yajñaṃ svāhā vāte dhā iti / (13.7) Par.?

ayaṃ vai yajño yo 'yaṃ pavate / (13.8) Par.?

tad imaṃ yajñaṃ saṃbhṛtyaitasmin yajñe pratiṣṭhāpayati / (13.9) Par.?

yajñena yajñaṃ saṃdadhāti / (13.10) Par.?

tasmād āha svāhā vāte dhā iti // (13.11) Par.?

yajña yajñaṃ gaccha yajñapatiṃ gaccha svāṃ yoniṃ gaccha svāheti / (14.1) Par.?

tat pratiṣṭhitam evaitad yajñaṃ santaṃ svāyāṃ yonau pratiṣṭhāpayati / (14.2) Par.?

eṣa te yajño yajñapate sahasūktavākaḥ sarvavīras taṃ juṣasva svāheti / (14.3) Par.?

tat pratiṣṭhitam evaitad yajñaṃ santaṃ sahasūktavākaṃ sarvavīraṃ yajamāne 'ntataḥ pratiṣṭhāpayati // (14.4) Par.?