Texts

hariruvāca / (1.1) Par.?

navavyūhārcanaṃ vakṣye yaduktaṃ kaśyapāya hi / (1.2) Par.?

jīvamutkṣipya mūrdhanyaṃ nābhyāṃ vyomni niveśayet // (1.3) Par.?

tatoram iti bījena dahedbhūtātmakaṃ vapuḥ / (2.1) Par.?

yamityanena bījena tacca sarvaṃ vināśayet // (2.2) Par.?

lamityanena bījena plāvayetsacarācaram / (3.1) Par.?

vamityanena bījena cintayedamṛtaṃ tataḥ // (3.2) Par.?

tato budbudamadhye tu pītavāsāścaturbhujaḥ / (4.1) Par.?

ahaṃ matastathātmānaṃ dhyānena paricintayet // (4.2) Par.?

mantranyāsaṃ tataḥ kuryāttrividhaṃ karadehayoḥ / (5.1) Par.?

dvādaśākṣarabījena uktabījairanantaram // (5.2) Par.?

ṣaḍaṅgena tataḥ kuryātsākṣādyena harirbhavet / (6.1) Par.?

dakṣiṇāṅguṣṭhamārabhya madhyāṅguṣṭhaṃ dale nyaset // (6.2) Par.?

madhye bījadvayaṃ nyasya nyasedaṅge tataḥ punaḥ / (7.1) Par.?

hṛcchirasi śikhāvarmavakkrākṣyudahapṛṣṭhataḥ // (7.2) Par.?

bāhvośca karayorjānvoḥ pādayoścāpi vinyaset / (8.1) Par.?

padmākārau karau kṛtvā madhye 'ṅguṣṭhaṃ niveśayet // (8.2) Par.?

cintayettatra sarveśaṃ paraṃ tattvamanāmayam / (9.1) Par.?

kramāccaitāni bījāni tarjanyādiṣu vinyaset // (9.2) Par.?

tato mūrdhākṣivaktreṣu kaṇṭhe ca hṛdaye tathā / (10.1) Par.?

nābhau guhye tathā jānvoḥ pādayorvinyasetkramāt // (10.2) Par.?

pāṇyoḥ ṣaḍaṅgabījāni nyasya kāye tato nyaset / (11.1) Par.?

aṅguṣṭhādikaniṣṭhāntaṃ vinyased bījapañcakam // (11.2) Par.?

karamadhye netrabījam aṅganyāso 'pyayaṃ kramaḥ / (12.1) Par.?

hṛdaye hṛdayaṃ nyasya śiraḥ śirasi vinyaset // (12.2) Par.?

śikhāyāṃ tu śikhāṃ nyasya kavacaṃ sarvatastanau / (13.1) Par.?

netraṃ netre vidhātavyam astraṃ ca karayordvayoḥ // (13.2) Par.?

tenaiva ca diśo baddhā pūjāvidhimathācaret / (14.1) Par.?

hṛdaye cintayetpūrvaṃ yogapīṭhaṃ samāhitaḥ // (14.2) Par.?

dharmajñānaṃ ca vairāgyamaiśvaryaṃ ca yathākramam / (15.1) Par.?

āgneyādau ca pūrvādāvadharmādīṃśca vinyaset // (15.2) Par.?

ebhiḥ paricchannatanuṃ pīṭhabhūtaṃ tadātmakam / (16.1) Par.?

anantaṃ vinyaset paścāt pūrvakāyonnataṃ sthitam // (16.2) Par.?

tato vidyātsarojātaṃ dalāṣṭasamadigdalam / (17.1) Par.?

sitābjaṃ śatapatrāḍhyaṃ viprakīrṇordhakarṇikam // (17.2) Par.?

dhyātvā vedādinā paścāt sūryasomānalātmanām / (18.1) Par.?

maṇḍalāni kramādevamuparyupari cintayet // (18.2) Par.?

tataḥ pūrvādidiksaṃsthāḥ śaktīḥ keśavagocarāḥ / (19.1) Par.?

vimalādyā nyasedaṣṭau navamīṃ karṇikāgatām // (19.2) Par.?

evaṃ dhyātvā samabhyarcya yogapīṭhamanantaram / (20.1) Par.?

manasāvāhya tatreśaṃ hariṃ śārṅgaṃ nyasetpunaḥ // (20.2) Par.?

hṛdayādīni pūrvādicaturdigdalayogataḥ / (21.1) Par.?

madhye netraṃ tu koṇeṣu astramantraṃ nyasettataḥ // (21.2) Par.?

saṅkarṣaṇādibījāni pūrvādikramayogataḥ / (22.1) Par.?

dvāri pūrve pare caiva vainateyaṃ tu vinyaset // (22.2) Par.?

sudarśanaṃ sahasrāraṃ dakṣiṇe dvāri vinyaset / (23.1) Par.?

śriyaṃ dakṣiṇato nyasya lakṣmīmuttaratastathā // (23.2) Par.?

dvāryuttare gadāṃ nyasya śaṅkhaṃ koṇeṣu vinyaset / (24.1) Par.?

devadakṣiṇataḥ śārṅgaṃ vāme caiva sudhīrnyaset // (24.2) Par.?

tadvat khaḍgaṃ tathā cakraṃ nyasetpārśvadvayordvayam / (25.1) Par.?

tato 'ntarlokapālāṃśca svadigbhedena vinyaset // (25.2) Par.?

vajrādīnyāyudhānyeva tathaiva viniveśayet / (26.1) Par.?

ūrdhvaṃ brahma tathānantamadhaśca paricintayet // (26.2) Par.?

sarvaṃ dhyātveti sampūjya mudrāḥ saṃdarśayettataḥ / (27.1) Par.?

añjaliḥ prathamā mudrā kṣipraṃ devaprasādhanī // (27.2) Par.?

vandanī hṛdayāsaktātsārdhaṃ dakṣiṇatonnatā / (28.1) Par.?

ūrdhāṅguṇṭho vāmamuṣṭirdakṣiṇāṅguṣṭhabandhanaḥ // (28.2) Par.?

savyasya tasya cāṅguṣṭho yaḥ sa uddhaḥ prakīrtitaḥ / (29.1) Par.?

tisraḥ sādhāraṇā hyetā mūrtibhedena kalpitāḥ // (29.2) Par.?

kaniṣṭhādipramokeṇa aṣṭau mudrā yathākramam / (30.1) Par.?

aṣṭānāṃ pūrvabījānāṃ kramaśastvavadhārayet // (30.2) Par.?

aṅguṣṭhena kaniṣṭhāntaṃ nāmayitvāṅgulitrayam / (31.1) Par.?

mudreyaṃ narasiṃhasya nyubjaṃ kṛtvā karadvayam // (31.2) Par.?

savyahastaṃ tathottānaṃ kṛtvordhvaṃ bhrāmayecchanaiḥ / (32.1) Par.?

navamīyaṃ smṛtā mudrā varāhābhimatā sadā // (32.2) Par.?

muṣṭidvayamathottānam ṛjvaikaikena mocayet / (33.1) Par.?

utkuñcayet sarvamuktā aṅgamudreyamucyate // (33.2) Par.?

muṣṭidvayamatho baddhā evamevānupūrvaśaḥ / (34.1) Par.?

daśānāṃ lokapālānāṃ mudrāśca kramayogataḥ // (34.2) Par.?

suramādyaṃ dvitīyaṃ ca upāntyaṃ cāntyameva ca / (35.1) Par.?

vāsudevo balaḥ kāmo hyaniruddho yathākramam // (35.2) Par.?

praṇavastatsadityetad huṃ kṣaiṃ bhūriti mantrakāḥ / (36.1) Par.?

nārāyaṇastathā brahmā viṣṇuḥ siṃho varāharāṭ // (36.2) Par.?

sitāruṇaharidrābhā nīlaśyāmalohitāḥ / (37.1) Par.?

meghāgnimadupiṅgābhā varṇato navanāmakāḥ // (37.2) Par.?

kaṃ ṭaṃ paṃ śaṃ garutmānsyājjaṃ khaṃ vaṃ ca sudarśanam / (38.1) Par.?

ṣaṃ caṃ phaṃ ṣaṃ gadādevī vaṃ laṃ maṃ kṣaṃ ca śaṅkhakam // (38.2) Par.?

ghaṃ ḍhaṃ bhaṃ haṃ bhavecchrīśca gaṃ jaṃ vaṃ śaṃ ca puṣṭikā / (39.1) Par.?

ghaṃ vaṃ ca vanamālā syācchrī vatsaṃ daṃ saṃ bhavet // (39.2) Par.?

chaṃ ḍaṃ paṃ yaṃ kaustubhaḥ proktaścānanto hyahameva ca / (40.1) Par.?

ityaṅgāniyathāyogaṃ devadevasya vai daśā // (40.2) Par.?

garuḍo 'mbujasaṃkāśo gadā caivāsitākṛtiḥ / (41.1) Par.?

puṣṭiḥ śirīṣapuṣpābhā lakṣmīḥ kāñcanasannibhā // (41.2) Par.?

pūrṇacandranibhaḥ śaṅkhaḥ kaustubhastvaruṇadyutiḥ / (42.1) Par.?

cakraṃ sūryasahasrābhaṃ śrīvatsaḥ kundasannibhaḥ // (42.2) Par.?

pañcavarṇanibhā mālā hyananto meghasannibhaḥ / (43.1) Par.?

vidyudrūpāṇi cāstrāṇi yāni noktāni varṇataḥ // (43.2) Par.?

arghyapādyādi vai dadyātpuṇḍarīkākṣavidyayā // (44.1) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe navavyūhārcanaṃ nāmaikādaśo 'dhyāyaḥ // (45.1) Par.?