Texts

anyadā prabhāvatī calitā / (1.1) Par.?

śukaḥ prāha kuru yadrocate bhīru yadi kartuṃ tvamīśvarā / (1.2) Par.?

yathā santikayā bhartā svacchandā ca vimocitā // (1.3) Par.?

asti karahaḍābhidhaṃ puram / (2.1) Par.?

tatra rājā guṇapriyo nāma yathārthaḥ / (2.2) Par.?

tatra ca soḍhoko nāma śreṣṭhiḥ / (2.3) Par.?

tadbhāryā santikā nāma pativratā / (2.4) Par.?

tatraiva cānyo vaṇik / (2.5) Par.?

tadbhāryā svacchandā nāma puṃścalī / (2.6) Par.?

sā ca soḍhākaṃ nityamicchati paraṃ so 'bhivāñchāṃ na vidhatte / (2.7) Par.?

anyadā ca manorathābhidhaṃ yakṣaṃ namaskartuṃ jagāma saḥ / (2.8) Par.?

tataḥ svacchandā pṛṣṭhalagnā tatra praviṣṭā / (2.9) Par.?

sa ca hāvabhāvādyairanukūlito bhuktaḥ / (2.10) Par.?

yuktamuktaṃ ca / (2.11) Par.?

sanmārge tāvadāste prabhavati puruṣastāvadevendriyāṇāṃ lajjāṃ tāvadvidhatte vinayamapi samālambate tāvadeva / (2.12) Par.?

bhrūcāpākṛṣṭamuktāḥ śravaṇapathajuṣo nīlapakṣmāṇa ete yāvallīlāvatīnāṃ na hṛdi dhṛtimuṣo dṛṣṭibāṇāḥ patanti // (2.13) Par.?

tacca mithunaṃ dṛṣṭvā rājapuruṣaḥ tadbandhanāya yakṣagṛhaṃ veṣṭitam / (3.1) Par.?

santikā ca śuddhiṃ jñātvā rātrau mahatā tūryaśabdena yakṣagṛhaṃ gatā / (3.2) Par.?

teṣāmārakṣakāṇāṃ purata uktam ahamadyadinavratā yakṣaṃ dṛṣṭvā bhojanaṃ vijane vidhāsye / (3.3) Par.?

māṃ ca kiṃciddhanaṃ gṛhītvā madhye praveśayatu / (3.4) Par.?

tairapi tathaiva kṛtam / (3.5) Par.?

tatastayā svacchandā svaveṣāṃ kārayitvā bahirniṣkāsitā / (3.6) Par.?

svayaṃ madhye sthitā / (3.7) Par.?

taṃ ca prātarnijakāntāsahitaṃ dṛṣṭvā ārakṣakā vilakṣībabhūvuḥ / (3.8) Par.?

iti kathāṃ śrutvā prabhāvatī suptā // (3.9) Par.?