Texts

śamīm aśvattha ārūḍhas tatra puṃsavanaṃ kṛtam / (1.1) Par.?

tad eva tasya bheṣajaṃ ya strīṣv ā haranti tam // (1.2) Par.?

puṃsi vai reto bhavati tat striyām anu ṣicyate / (2.1) Par.?

tad vai putrasya vedanaṃ tat prajāpatir abravīt // (2.2) Par.?

prajāpatir anv amaṃsta sinīvāly acīkﾱpat / (3.1) Par.?

straiṣūyam anyatra dadhat pumāṃsam uta dadhad iha // (3.2) Par.?

yā oṣadhayaḥ somarājñīr ity ekā // (4.1) Par.?

muñcantu mā śapathyād atho varuṇyād uta / (5.1) Par.?

atho yamasya paḍvīśād viśvasmād devaduṣkṛtāt // (5.2) Par.?

yac cakṣuṣā yan manasā yac ca vācopārima yaj jāgrato yat svapantaḥ / (6.1) Par.?

somo mā tasmād enasaḥ svadhayā punātu vidvān // (6.2) Par.?

abhibhūr yajño abhibhūr agnir astv abhibhūḥ somo abhibhūr indro astu / (7.1) Par.?

abhy ayaṃ viśvāḥ pṛtanā yathāsad evā vidhemāgnihotrā idaṃ haviḥ // (7.2) Par.?

svadhāstu mitrāvaruṇā prajāvat kṣatraṃ madhveha pinvatam / (8.1) Par.?

bādhethāṃ dveṣo nirṛtiṃ parācair asmai kṣatraṃ varca ā dhattam ojaḥ // (8.2) Par.?

imaṃ vīram ity ekā // (9.1) Par.?

agner iva prasitir asya śuṣmiṇa uteva matto vilapann apāyati / (10.1) Par.?

tasmai te aruṇāya babhrave tapurmaghāya namo astu takmane // (10.2) Par.?

namo yamāya namo astu mṛtyave namo rājñe varuṇāya tviṣīmate / (11.1) Par.?

namaḥ kṣetrasya pataye namo dive namaḥ pṛthivyai nama oṣadhībhyaḥ // (11.2) Par.?

ayaṃ yo janān haritān kṛṇoṣy ucchocayann agninevābhidunvan / (12.1) Par.?

adhā hi takmann araso hi bhūyā athā nyaṅṅ adharāṅ vā parehi // (12.2) Par.?

indro jayāti na parā jayātā adhirājo rājasu rājayātai / (13.1) Par.?

carkṛtya īḍyaḥ śaṃsyaś copasadyo namasyo bhaveha // (13.2) Par.?

tvam indrādhirājaḥ śravasyus tvaṃ bhavābhibhūtir janānām / (14.1) Par.?

tvaṃ daivīr viśa imā vi rājāyuṣmat kṣatram ajaraṃ te astu // (14.2) Par.?

prācyāṃ diśi tvam indrādhirājodīcyāṃ vṛtrahan dasyuhāsi / (15.1) Par.?

yatra yanti srotyās taj jitaṃ te dakṣiṇato vṛṣabho 'si havyaḥ // (15.2) Par.?