Texts

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 17506

Sūkta 1

yantāsi yacchase hastam apa rakṣāṃsi sedhasi / (1.1) Par.?

prajāṃ dhanaṃ ca gṛhṇānaḥ parihasto abhūd ayam // (1.2) Par.?

parihasta vi dhāraya yoniṃ garbhāya kartave / (2.1) Par.?

maryāde putram ā dhehi taṃ tvam ā gamayāgama // (2.2) Par.?

yaṃ parihastam abibhar aditiḥ putrakāmyā / (3.1) Par.?

tvaṣṭā tam asyā ābadhnād yathā putraṃ suvād iti // (3.2) Par.?

Sūkta 2

āgacchata āgatasya nāma gṛhṇāmy āyataḥ / (4.1) Par.?

indrasya vṛtraghno rājño vāsavasya śatakratoḥ // (4.2) Par.?

yena sūryāṃ sāvitrīm aśvinohatuḥ pathā / (5.1) Par.?

tena mām abravīd bhago jāyām ā vahatād iti // (5.2) Par.?

yas te 'ṅkuśo vasudāno bṛhann indra hiraṇyayaḥ / (6.1) Par.?

tenā janīyate jāyāṃ tvaṃ dhehi śatakrato // (6.2) Par.?

Sūkta 3

tvaṃ no medhe prathamā gobhir aśvebhir ā gahi / (7.1) Par.?

tvaṃ sūryasya raśmiṣu tvaṃ no asi yajñiyā // (7.2) Par.?

medhām ahaṃ prathamāṃ brahmaṇvatīm ṛṣiṣṭutāṃ prapītāṃ brahmacāribhiḥ / (8.1) Par.?

devānām avasā vṛṇe // (8.2) Par.?

medhāṃ sāyaṃ medhāṃ prātar medhāṃ madhyandinaṃ pari / (9.1) Par.?

medhāṃ sūryeṇodyatodīrāṇā utastamaḥ // (9.2) Par.?

Sūkta 4

pārthivasya rase devā bhagasya tanvo bale / (10.1) Par.?

āyur asmai somo varca ā dhād bṛhaspatiḥ // (10.2) Par.?

āyur asmā ity ekā // (11.1) Par.?

āśīr ṇa ūrjam uta suprajāstvaṃ dakṣaṃ dadhātu draviṇaṃ suvarcasam / (12.1) Par.?

saṃjayan kṣetrāṇi sahasāham indra kṛṇvāno anyān adharān sapatnān // (12.2) Par.?

Sūkta 5

āyam agan savitā kṣureṇoṣṇena vāya udakenehi / (13.1) Par.?

ādityā rudrā vasavaḥ sacetasaḥ somasya rājño 'vapan pracetasaḥ // (13.2) Par.?

yenāvapat savitā kṣureṇa somasya rājño varuṇasya vidvān / (14.1) Par.?

tena brahmāṇo vapatedam asyāsrāmo dīrghāyur ayam astu vīraḥ // (14.2) Par.?

aditiḥ śmaśru vapatv āpa undantu varcasā / (15.1) Par.?

dhārayatu prajāpatiḥ punaḥpunaḥ suvaptave // (15.2) Par.?

Duration=0.23786592483521 secs.