Texts

ava mā pāpman sṛja vaśī san mṛḍayāsi naḥ / (1.1) Par.?

ā mā bhadreṣu dhāmasu tvaṃ dhehy avihrutam // (1.2) Par.?

yo mā pāpman na jahāsi tam u tvā jahimo vayam / (2.1) Par.?

anyatrāsman ny ucya sahasrākṣāmartya // (2.2) Par.?

pathor vayaṃ vyāvartane niṣ pāpmānaṃ suvāmasi / (3.1) Par.?

yo no dveṣṭi taṃ gaccha yaṃ dviṣmas taṃ jahi // (3.2) Par.?

śava ivāsi saṃnaddho na bhogam avidaṃ tvayi / (4.1) Par.?

śiro bhinadmi te pāpman yathā na punar āyasi // (4.2) Par.?

indro asmān divā pātu mṛtyoḥ pāśāt svastaye / (5.1) Par.?

dyaur no madhyataḥ pātu bhūmī rājñī svastaye // (5.2) Par.?

sūryo asmān divā pātu mṛtyoḥ pāśāt svastaye / (6.1) Par.?

vāto no madhyataḥ pātv ahā rātrī svastaye // (6.2) Par.?

somo asmān divā pātu mṛtyoḥ pāśāt svastaye / (7.1) Par.?

āpo no madhyataḥ pāntu mā no nirṛtir īśata // (7.2) Par.?

saṃ vāṃ cakṣuḥ saṃ hṛdayaṃ manasāvīvanaṃ manaḥ / (8.1) Par.?

asyāḥ sarūpavatsāyā ghṛte homena sarpiṣā // (8.2) Par.?

yat kakṣīvān saṃvananaṃ putro aṅgirasām avet / (9.1) Par.?

tena vām adya devāḥ saṃpriyau sam avīvanan // (9.2) Par.?

saṃvananaṃ vāṃ manaso atho saṃvananaṃ hṛdaḥ / (10.1) Par.?

atho bhagasya yac chrāntaṃ tena saṃ vānayāmi vām // (10.2) Par.?

ahaṃ te manasā manaś cakṣur gṛhṇāmi cakṣuṣā / (11.1) Par.?

evā pari ṣvajasva mā yathāsan mayi te manaḥ // (11.2) Par.?

ā rathasyeva cakre abhi mā vartatām asau / (12.1) Par.?

reṣmacchinnaṃ yathā tṛṇaṃ veṣṭāsau manasā mayi // (12.2) Par.?

pari tvā yātur asaraṃ pari mātuḥ pari svasuḥ / (13.1) Par.?

pari tvānyābhya strībhyo 'nayauṣadhyāsaram // (13.2) Par.?

ya indrasya sabhādhāno yasmin samitim āsate / (14.1) Par.?

hiraṇyaṃ yasya parṇāni tasmā aśvattha te namaḥ // (14.2) Par.?

yaḥ śākhābhir antarikṣam āpūrayati niṣṭhayā / (15.1) Par.?

chandāṃsi yasya parṇāni tasmā aśvattha te namaḥ // (15.2) Par.?

yaṃ mṛgo na samāpnoti pakṣābhyāṃ śakuniḥ patan / (16.1) Par.?

divaṃ yaḥ sarvāṃ stabhnāti tasmā aśvattha te namaḥ // (16.2) Par.?