Texts

Help

Select a text:
Bibliography
Select a chapter:
 1 revision
Show parallels  Show headlines
Use dependency labeler
Chapter id: 17669
  • Click on a sentence to show its analysis
  • Keep the mouse pointer over a lemma to show its meanings.
Sūkta 1
prāgnaye vācam īraya vṛṣabhāya kṣitīnām / (1.1) Par.?
sa naḥ parṣad ati dviṣaḥ // (1.2) Par.?
yaḥ parasyāḥ parāvatas tiro viśvābhirocate / (2.1) Par.?
sa naḥ parṣad ati dviṣaḥ // (2.2) Par.?
yo rakṣāṃsi nijūrvaty agniḥ śukreṇa śociṣā / (3.1) Par.?
sa naḥ parṣad ati dviṣaḥ // (3.2) Par.?
yo viśvābhi vipaśyati bhuvanā saṃ ca paśyati / (4.1) Par.?
sa naḥ parṣad ati dviṣaḥ // (4.2) Par.?
Sūkta 2
madhu vātā ṛtāyate madhu kṣaranti sindhavaḥ / (5.1) Par.?
mādhvīr gāvo bhavantu naḥ // (5.2) Par.?
madhu naktam utoṣaso madhumat pārthivaṃ rajaḥ / (6.1) Par.?
mādhvīr naḥ santv oṣadhīḥ // (6.2) Par.?
madhumān no vanaspatir madhumāṁ astu sūryaḥ / (7.1) Par.?
madhu dyaur astu naḥ pitā // (7.2) Par.?
Sūkta 3
āpo hi ṣṭhā mayobhuvas tā na ūrje dadhātana / (8.1) Par.?
mahe raṇāya cakṣase // (8.2) Par.?
yo vaḥ śivatamo rasas tasya bhājayateha naḥ / (9.1) Par.?
uśatīr iva mātaraḥ // (9.2) Par.?
tasmā araṃ gamāma vo yasya kṣayāya jinvatha / (10.1) Par.?
āpo janayathā ca naḥ // (10.2) Par.?
Sūkta 4
āyaṃ gauḥ pṛśnir akramīd asadan mātaraṃ punaḥ / (11.1) Par.?
pitaraṃ ca prayant svaḥ // (11.2) Par.?
asya prāṇād apānaty antaś carati rocanā / (12.1) Par.?
vy akhyan mahiṣo divam // (12.2) Par.?
triṃśad dhāma vi rājati vāk pataṅgāya śiśriyat / (13.1) Par.?
prati vastor aha dyubhiḥ // (13.2) Par.?
Sūkta 5
yac chakrā vācam āruhann antarikṣaṃ siṣāsantaḥ / (14.1) Par.?
saṃ devā amadan vṛṣā // (14.2) Par.?
śakro vācam adhiṣṭhāyoru vāco asṛṣṭa hi / (15.1) Par.?
mahiṣā amadan divi // (15.2) Par.?
śakro vācam asṛṣṭa hi dhāmadharman vi rājati / (16.1) Par.?
vi madaṃ barhaṇāsarat // (16.2) Par.?
Duration=0.12463712692261 secs.