Texts

tā vaiśvadevena sṛṣṭās tasmiṃs taruṇimani varuṇo 'gṛhṇāt // (1) Par.?

tad āhuḥ // (2) Par.?

ati vai tāḥ prajāpatim acaran // (3) Par.?

tā aticarantīr varuṇenāgrāhayat // (4) Par.?

tasmāt pitā nāticaritavā iti // (5) Par.?

vaiśvadevena vai prajāpatiḥ prajā asṛjata // (6) Par.?

tasya maruto havyaṃ vyamathnata // (7) Par.?

tato 'ṃhogṛhītā asṛjyanta // (8) Par.?

tābhyo bheṣajam aicchat // (9) Par.?

tad vā ātmann evaicchat // (10) Par.?

sa etat paya ātmano 'dhi niramimīta // (11) Par.?

tenābhyo 'ṃho 'vāyajat // (12) Par.?

tad aṃhaso vā eṣāveṣṭir yad varuṇapraghāsāḥ // (13) Par.?

yad varuṇapraghāsair yajate sarvasyāṃhaso 'veṣṭyai // (14) Par.?

jagdhād vai tāḥ prajā varuṇo 'gṛhṇāt // (15) Par.?

tasmād varuṇapraghāsāḥ // (16) Par.?

yāvat kumāre 'mṇo jāta enas tāvad asminn eno bhavati yo varuṇapraghāsair yajate // (17) Par.?

sāvitro 'ṣṭākapālo bhavati // (18) Par.?

gāyatro vai devānāṃ savitā // (19) Par.?

dvādaśakapāla aindrāgno devatayā // (20) Par.?

yad vai tad varuṇagṛhītā avevlīyanteva tad āsv indrāgnī balam adhattām // (21) Par.?

śithirā vai tāḥ prajā varuṇo 'gṛhṇāt // (22) Par.?

tāsv indrāgnī balam adhattām // (23) Par.?

ojo vai vīryam indrāgnī // (24) Par.?

ojo vā etad vīryaṃ madhyataḥ prajānāṃ dhīyate // (25) Par.?

na vai tāḥ prāṇan // (26) Par.?

tā aprāṇatīr varuṇo 'gṛhṇāt // (27) Par.?

prāṇāpānau vā indrāgnī // (28) Par.?

prāṇāpānau vā etan mukhataḥ prajānāṃ dhīyate // (29) Par.?

athaitāni pañca havīṃṣi saṃtatyai // (30) Par.?

niravattyai mārutī // (31) Par.?

nirvaruṇatvāya vāruṇī // (32) Par.?

kantvāya kāyaḥ // (33) Par.?

yad vai tad varuṇagṛhītābhyaḥ kam abhavat tasmāt kāyaḥ // (34) Par.?

prajāpatir vai kaḥ // (35) Par.?

prajāpatir vai tāḥ prajā varuṇenāgrāhayat // (36) Par.?

yat kāya ātmana evainā varuṇān muñcati // (37) Par.?