Texts

atha prokṣaṇībhir upottiṣṭhati // (1) Par.?

idhmaṃ prokṣati // (2) Par.?

vediṃ prokṣati // (3) Par.?

barhiḥ prokṣati // (4) Par.?

barhir āsannaṃ prokṣyopaninīya purastād āśvavālaṃ prastaraṃ gṛhṇāti // (5) Par.?

pañcavidhaṃ barhi stīrtvā prastarapāṇiḥ prāṅ abhisṛpya kārṣmaryamayān paridhīn paridadhāti // (6) Par.?

ūrdhve samidhāv ādadhāti // (7) Par.?

aikṣavī vidhṛtī tiraścī sādayati // (8) Par.?

vidhṛtyor āśvavālaṃ prastaram // (9) Par.?

prastare juhūm // (10) Par.?

barhiṣītarāḥ // (11) Par.?

etā asadann iti samabhimṛśyāthāpa upaspṛśya brahmaṇo rājānam ādāya pūrvayā dvārā havirdhānaṃ prapādayati somo jigāti gātuvid devānām eti niṣkṛtam ṛtasya yonim āsadam iti // (12) Par.?

atha dakṣiṇasya havirdhānasya nīḍe kṛṣṇājinam āstṛṇāty adityāḥ sado 'sīti // (13) Par.?

adityāḥ sada āsīdeti kṛṣṇājine rājānam // (14) Par.?

athainaṃ devatābhyaḥ samprayacchaty eṣa vo deva savitaḥ somas taṃ rakṣadhvaṃ mā vo dabhad iti // (15) Par.?

sampradāyopatiṣṭhata etat tvaṃ soma devo devān upāgā idam ahaṃ manuṣyo manuṣyān saha prajayā saha rāyaspoṣeṇeti // (16) Par.?

namo devebhya iti prāñcam añjaliṃ karoti // (17) Par.?

svadhā pitṛbhya iti dakṣiṇā nyacati // (18) Par.?

athopaniṣkrāmatīdam ahaṃ nir varuṇasya pāśād iti // (19) Par.?

athāhavanīyam upatiṣṭhate suvar abhivikhyeṣaṃ vaiśvānaraṃ jyotir iti // (20) Par.?

atha yajamānam avāntaradīkṣāṃ visarjayaty agne vratapate tvaṃ vratānāṃ vratapatir asi yā mama tanūs tvayy abhūd iyaṃ sā mayi yā tava tanūr mayy abhūd eṣā sā tvayi yathāyathaṃ nau vratapate vratinor vratānīti // (21) Par.?

athainaṃ saṃśāsti srasnīṣva mekhalāṃ pra muṣṭī sāraya maitrāvaruṇāya daṇḍaṃ prayaccha yajamāna iti tvācakṣatāṃ nāmagrāhaṃ te pitṛbhiḥ pitāmahaiḥ prapitāmahaiḥ putraiḥ pautraiḥ subrahmaṇyaḥ subrahmaṇyām āhvayatv iti // (22) Par.?

sa evam evaitat sarvaṃ karoti // (23) Par.?

atha yūpāhutiṃ hutvā yūpaṃ yajuṣā karoti // (24) Par.?

yūpāvaṭaṃ yajuṣā karoti // (25) Par.?

tad etad yūpāvaṭāntam // (26) Par.?