Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agniṣṭoma
Show parallels Show headlines
Use dependency labeler
Chapter id: 16687
- Click on a sentence to show its analysis
- Keep the mouse pointer over a lemma to show its meanings.
agniḥ prātaḥsavane pātv asmān vaiśvānaro mahinā viśvaśaṃbhūḥ / (1.1) Par.?
sa naḥ pāvako draviṇaṃ dadhātv āyuṣmantaḥ sahabhakṣāḥ syāma svāhety etayādhvaryū juhutaḥ // (1.2) Par.?
yathāvedam itare juhvati // (2) Par.?
athodañco 'bhi pavamānaṃ sarpanti // (3) Par.?
prahva evādhvaryuḥ prathamo barhiṣī dhuvānaḥ sarpati vāg agregā agra etv ṛjugā devebhyo yaśo mayi dadhatī prāṇān paśuṣu prajāṃ mayi ca yajamāne ceti // (4) Par.?
athāstāve yathāyatanam upaviśanti // (5) Par.?
athodgātre vā prastotre vā barhiṣī prayacchaty ṛksāmayor upastaraṇam asi mithunasya prajātyā iti vā tūṣṇīṃ vā // (6) Par.?
athopākaraṇaṃ japati vāyur hiṅkartāgniḥ prastotā prajāpatiḥ sāma bṛhaspatir udgātā viśve devā upagātāro marutaḥ pratihartāra indro nidhanaṃ te devāḥ prāṇabhṛtaḥ prāṇaṃ mayi dadhatv oṃ studhvam iti // (7) Par.?
sa eṣa trivṛd bahiṣpavamāno bhavati // (8) Par.?
tasya pañcamyāṃ prastutāyāṃ vācayati śyeno 'si gāyatracchandā anu tvārabhe svasti mā saṃpārayeti // (9) Par.?
atra daśahotāraṃ vyācaṣṭe // (10) Par.?
uddrute sāmni saṃpraiṣam āhāgnīd agnīn vihara barhi stṛṇāhi puroḍāśāṃ alaṃkuru pratiprasthātaḥ paśur antike 'stv iti // (11) Par.?
yathāsaṃpraiṣaṃ tau kurutaḥ // (12) Par.?
athāpa upaspṛśyāhaihi yajamāneti // (13) Par.?
pūrvayā dvārā havirdhānaṃ prapādya samastaṃ rājānam upatiṣṭhate viṣṇo tvaṃ no antama iti // (14) Par.?
athādatta āśvinapātram // (15) Par.?
tad etad dvyaśri bhavati // (16) Par.?
tasmin gṛhṇāti droṇakalaśāt pariplunā pātreṇa yā vāṃ kaśety anudrutyopayāmagṛhīto 'sy aśvibhyāṃ tvā juṣṭaṃ gṛhṇāmīti // (17) Par.?
parimṛjya sādayaty eṣa te yonir mādhvībhyāṃ tveti // (18) Par.?
athāpa upaspṛśyāhaihi yajamāneti // (19) Par.?
āhavanīyaṃ drutvā sruci caturgṛhītaṃ gṛhītvā saptahotāraṃ manasānudrutyāhavanīye juhoty anvārabdhe yajamāne svāheti // (20) Par.?
athāvakāśaiś carati paribhūr agniṃ paribhūr indram ity etenānuvākena // (21) Par.?
atha pracaraṇyāṃ navakṛtvo gṛhṇīte // (22) Par.?
athaiṣa āgnīdhra āgnīdhrīyād dhiṣṇiyād anupūrvaṃ dhiṣṇiyeṣv aṅgārān viharati // (23) Par.?
atha purastātpratyaṅṅ āsīno vihṛtān dhiṣṇiyān vyāghārayati yathānyuptair mantraiḥ // (24) Par.?
sa yady u ha yathānyuptam abhijuhoti sapta ta ity āgnīdhre 'ntato juhoti // (25) Par.?
yady u vai svāhā svāheti svāhety evāntata āgnīdhrīye juhoty udaksaṃsthatāyā iti // (26) Par.?
athottarasya havirdhānasya cubuke pracaraṇīṃ sādayati // (27) Par.?
atha sāṃkāśinena pathā pṛṣṭhyāṃ stṛṇāti saṃtatāṃ gārhapatyād āhavanīyāt // (28) Par.?
Duration=0.096904993057251 secs.