Texts

ye yajāmahe / (1.1) Par.?

aśvinādhvaryū ādhvaryavāt / (1.2) Par.?

ṛtunā somaṃ pibatam / (1.3) Par.?

aśvinā pibataṃ nūnaṃ dīdyagnī śucivantā / (1.4) Par.?

ṛtunā yajñavāhasā / (1.5) Par.?

iti samūḍheṣu // (1.6) Par.?

avyūḍhe salilaṃ gātṛṣṇuyaṃ dvitīyaṃ kurvīta // (2.1) Par.?

māhendrasya kāle prasad asi vatsagavāṃ sāṃvāśinaṃ kurvīta // (3.1) Par.?

sūryasya ca tvauṣadhīnāṃ tvety atigrāhyaṃ hutvā sūrya bhrājaskareti bhakṣayati // (4.1) Par.?

tṛtīyasavane vālakhilyān maitrāvaruṇo viharati vṛṣākapiṃ brāhmaṇācchaṃsī śaṃsety evayāmarutam acchāvākaḥ śikye pratigaraḥ // (5.1) Par.?

samāpte 'hani vācaṃ yacchaty ā rasaprāśanāt // (6.1) Par.?

dīkṣitāḥ prāśnanti madhu // (7.1) Par.?

ahīne dīkṣitaḥ // (8.1) Par.?

saṃsthite pṛṣṭhyaṣaḍahe chandomān upayanti // (9.1) Par.?

trīṇy ukthyāni // (10.1) Par.?

bṛhatpṛṣṭhāv abhito madhye rathantarapṛṣṭhaḥ // (11.1) Par.?

rathantarapṛṣṭhaś caturthaḥ // (12.1) Par.?

avivākyaṃ nāma smaranti // (13.1) Par.?

pranyatiśilpe brahmā gṛhapatir upadraṣṭā vā citratayā tu yā vāhirakṣaraṃ vyañjanais tāni hotā parokṣam anuṣṭubhaṃ sampādayet // (14.1) Par.?

samāpte 'hany āhavanīyam upatiṣṭhante / (15.1) Par.?

ayaṃ sahasramanave dṛśaḥ kavīnāṃ matir jyotir vidharma / (15.2) Par.?

bradhnaḥ samīcīruṣasaḥ samairayat / (15.3) Par.?

arepasaḥ sacetasaḥ svasare manyumantāścitā gaur gauḥ / (15.4) Par.?

iti // (15.5) Par.?

nidhanam upayanti // (16.1) Par.?

havirdhāne mānasaṃ grahaṃ gṛhṇāti pṛthivyā pātreṇa samudraṃ rasām anupayāmagṛhīto 'si prajāpataye tvā juṣṭaṃ gṛhṇāmīti // (17.1) Par.?

stutaśastravān bhavati // (18.1) Par.?

āsādanabhakṣaṇaṃ manasā kurvīta // (19.1) Par.?

paridhānīyāṃ sampādyābhimukho hotāram upaviśati // (20.1) Par.?

āmantrayate hotā adhvaryo brahma vadiṣyāva uccaistarāṃ hotar ity adhvaryuḥ // (21.1) Par.?

cittiḥ srug adhvaryo hotā cittam ājyam adhvaryur āmantrayate hotar brahma vadiṣyāva ity uccaistarāṃ tathādhvaryo iti tiṣṭhati // (22.1) Par.?

o śrāvayeti caturakṣaram / (23.1) Par.?

astu śrauṣaḍ iti caturakṣam / (23.2) Par.?

yajeti dvyakṣaram / (23.3) Par.?

ye yajāmaha iti pañcākṣaram / (23.4) Par.?

dvyakṣaro vaṣaṭkāraḥ / (23.5) Par.?

eṣa vai hotaḥ prajāpatiḥ saptadaśaḥ // (23.6) Par.?

upayathā hotā yeṣāṃ vai hotaḥ prajāpatiḥ saptadaśo yajñe 'nvāyattaḥ // (24.1) Par.?

yady anuvākyāyā eti yadi yājyāyā ataś ced eva naiti / (25.1) Par.?

nāsya yajño vyathate prajāpatau yajñena pratitiṣṭhati // (25.2) Par.?

arātsma hotar iti // (26.1) Par.?

etena dharmeṇa caturhotṝn ācaṣṭe // (27.1) Par.?

arvāñcam adya yayyaṃ nṛvāhaṇaṃ rathaṃ yuñjāthām iha vāṃ vimocanam / (28.1) Par.?

pṛṅktaṃ havīṃṣi madhunā hi kaṃ gatam athā somaṃ pibataṃ vājinīvasū / (28.2) Par.?

iti gṛhapate yajety ukte gṛhapatir yajati / (28.3) Par.?

ye yajāmahe / (28.4) Par.?

agniṃ gṛhapatiṃ gārhapatyāt / (28.5) Par.?

sugṛhapatis tvayāgne 'yaṃ sunvan yajamānaḥ syāt sugṛhapatis tvam anena sunvatā yajamānena / (28.6) Par.?

agnir gṛhapatir gārhapatyād ṛtunā somaṃ pibatu gārhapatye 'nu samṛtunā / (28.7) Par.?

ayaṃ hi gaur asi / (28.8) Par.?

devāyate yajeti samūḍheṣv avyūḍhe gāyati // (28.9) Par.?

yadi tvādyapatebhyaś ca tvaryati naiṣāṃ yajño vyathate prajāpatau yajñena pratitiṣṭhati // (29.1) Par.?

arātsma hotar ity antam uccair om adhvaryo tathādhvaryo iti praticāraḥ // (30.1) Par.?

graheṇa pracarya grahaśeṣaṃ prajāpatipītaṃ bhakṣayanti // (31.1) Par.?

tārtīyasavaniko bhakṣamantraḥ // (32.1) Par.?

yat samīkṣate sa upahavaḥ // (33.1) Par.?

upa svajā varuṇam ity audumbarīm anvārabhante // (34.1) Par.?

vāg aitu vāg upaitu vāk sametūpa maitu vāk / (35.1) Par.?

bhūr bhuvaḥ svar ity anvārabhya vācaṃ yacchanty ādhivṛkṣasūryād ā vā nakṣatradarśanāt // (35.2) Par.?

vācaṃ visṛjyāgnīdhrīyam upatiṣṭhante / (36.1) Par.?

yuvaṃ tam indrāparvatā puroyudhā yo naḥ pṛtanyād apa taṃ tam iddhataṃ vajreṇa taṃ tam iddhatam / (36.2) Par.?

dūre cattāya chantsadgahanaṃ yadi nakṣat / (36.3) Par.?

asmākaṃ śatrūn pari śūra viśvato darmā darṣīṣṭa viśvataḥ / (36.4) Par.?

iti śvo bhūta udayanīyo 'tirātraḥ // (36.5) Par.?

sa prāyaṇīyena vyākhyātaḥ // (37.1) Par.?

hotā karmāṇi kurute // (38.1) Par.?

samūḍhaṃ ced aindravāyavāgrau prāyaṇīyodayanīyau daśamaṃ cāhaḥ / (39.1) Par.?

itareṣāṃ navānām aindravāyavāgraṃ prathamam ahaḥ / (39.2) Par.?

atha śukrāgram athāgrāyaṇāgram iti trir abhyasya // (39.3) Par.?

vyūḍhasyaindravāyavāgrau prāyaṇīyodayanīyau / (40.1) Par.?

itareṣāṃ daśānām aindravāyavāgraṃ prathamam ahaḥ / (40.2) Par.?

atha dve āgrāyaṇāgre athaindravāyavāgram atha dve śukrāgre athāgrāyaṇam atha dve aindravāyavāgre // (40.3) Par.?

vyūḍhasyaitasmin pṛṣṭhye ṣaḍahe // (41.1) Par.?

chandogānāṃ jagatyaḥ prātaḥsavanaṃ bhajante gāyatryo mādhyandinaṃ triṣṭubhas tṛtīyasavanam / (42.1) Par.?

chandobhir avyūhenānuṣṭubhaḥ prātaḥsavanaṃ bhajante jagatyo mādhyandinaṃ gāyatryas tṛtīyasavanam // (42.2) Par.?

pavamānābhimantraṇaṃ bhakṣaṇam iti yathāchandaḥ // (43.1) Par.?

kṛṣṇaśīrṣāgneya ity aikādaśināḥ // (44.1) Par.?

tān anvahaṃ vihṛtān ālabhante // (45.1) Par.?

ajam āgneyam udayanīyaḥ // (46.1) Par.?

udavasānīyābhir iṣṭvā jyotiṣṭomaiḥ pṛṣṭhaśamanīyair atirātrair yajeran // (47.1) Par.?

pṛṣṭhavyasane pṛthagavasānīyābhir iṣṭvā jyotiṣṭomena yajeran // (48.1) Par.?

dvādaśāhena sattrāhīnā vyākhyātāḥ // (49.1) Par.?