Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17614
  • Click on a sentence to show its analysis
  • Keep the mouse pointer over a lemma to show its meanings.
na dīkṣitena hotavyam // (1) Par.?
havir vai dīkṣitaḥ // (2) Par.?
rudro 'gniḥ // (3) Par.?
yaj juhuyāddhavirbhūtam ātmānaṃ rudrāyāpidadhyāt // (4) Par.?
yan na juhuyād yajñaṃ vicchindyāt // (5) Par.?
tad etad vratam aparasminn agnā adhiśritya pūrvam agnim abhisaṃcarati // (6) Par.?
tenaiva yajñaṃ saṃtanoti // (7) Par.?
yathā vi gaur ūdhaḥ kuruta evam eṣa devebhyo yajñaṃ saṃbharati yo dīkṣate // (8) Par.?
yaj juhuyād yajñaṃ viduhyāt srevayet // (9) Par.?
yathopadhīte sūta evaṃ tat // (10) Par.?
yad upari juhoti sakṛd eva yāma āgate devebhyo yajñaṃ duhe // (11) Par.?
sarvaṃ vā etasya havirbhūtaṃ yo dīkṣitaḥ // (12) Par.?
nirādiśya hi dīkṣate // (13) Par.?
tasya yo 'nnam atti yajñaṃ girati // (14) Par.?
tasya yajñenaiva prāyaścittiḥ // (15) Par.?
pāśena vā eṣo 'bhihito yo dīkṣitaḥ // (16) Par.?
varuṇyaḥ pāśas tasya // (17) Par.?
yo 'nnam atti varuṇa enaṃ grāhuko bhavati // (18) Par.?
tasmād baddhasya nigasya cānnaṃ nādyāt // (19) Par.?
devānāṃ vā etat pariṣūtaṃ yo dīkṣito manuṣyāṇām in nvai pariṣūtaṃ surabhyavāyam // (20) Par.?
tasmād dīkṣitasyānnaṃ nādyāt // (21) Par.?
tredhā vā etasya pāpmānaṃ vibhajante yo dīkṣitaḥ // (22) Par.?
yo 'nnam atti sa tṛtīyam // (23) Par.?
yo 'ślīlaṃ kīrtayati sa tṛtīyam // (24) Par.?
yo nāma gṛhṇāti sa tṛtīyam // (25) Par.?
tasmād dīkṣitasya nānnam adyāt // (26) Par.?
nāślīlaṃ kīrtayet // (27) Par.?
na nāma gṛhṇīyāt // (28) Par.?
dānāya vā eṣa dīkṣate // (29) Par.?
athaitad anṛtaṃ karoti // (30) Par.?
yat pratigṛhṇāti garbho dīkṣito hinasti garbhaṃ pratigṛhītam // (31) Par.?
pūṣā sanīnāṃ somo rādhasām iti // (32) Par.?
pūṣā hi sanīnām īśe // (33) Par.?
somo rādhasām // (34) Par.?
rāsveyat someti // (35) Par.?
somo vā etad etasmai rāsate yad vanute // (36) Par.?
ā bhūyo bhareti // (37) Par.?
āgame hy enaṃ bhūyaḥ // (38) Par.?
devas savitā vasor vasudāveti // (39) Par.?
savitṛprasūta eva pratigṛhṇāty ātmano 'hiṃsāyai // (40) Par.?
devebhyo vai yajño na prābhavat // (41) Par.?
taṃ dakṣiṇābhis samabhāvayan // (42) Par.?
yad dīkṣito bhṛtiṃ vanute yajñam eva saṃbhāvayati // (43) Par.?
tasmād dvādaśa rātrīr dīkṣito bhṛtiṃ vanvīta // (44) Par.?
yāvān eva yajñas taṃ saṃbhāvayati // (45) Par.?
devebhyo vā anyā dakṣiṇā nīyante manuṣyebhyo 'nyāḥ // (46) Par.?
tā etā anudiśati // (47) Par.?
vāyave tveti yā naśyati // (48) Par.?
nirṛtyai tveti yāvasīdati // (49) Par.?
rudrāya tveti yāṃ rudro hanti yā saṃśīryate // (50) Par.?
varuṇāya tveti yāpsu yā bleṣkeṇa // (51) Par.?
yamāya tveti yānyena mṛtyunā // (52) Par.?
etā vai devebhyo nīyante // (53) Par.?
manuṣyebhya itarāḥ // (54) Par.?
tā etāḥ // (55) Par.?
puṇyabrāhmaṇa etābhir bhūya upardhnoti // (56) Par.?
ṛdhnoti ya evaṃ veda // (57) Par.?
devīr āpo apāṃ napād ity apo 'tigāhate // (58) Par.?
yad evāsāṃ yajñiyaṃ yaddhaviṣyaṃ tat parivṛṇakty anavakleśāya // (59) Par.?
agnir vai dīkṣitaḥ // (60) Par.?
śamayanty agnim āpaḥ // (61) Par.?
yajuṣātigāhate 'śāntyai // (62) Par.?
śāntir hy āpaḥ // (63) Par.?
atho teja evātman bhūyas samādhatte // (64) Par.?
yad ayajuṣātigāheta vihradinīr āpas syuḥ // (65) Par.?
yajuṣātigāhate // (66) Par.?
tasmād āpas saṃtatā avicchinnā dhāvanti // (67) Par.?
yadi nāvyāṃ tared araṇī ca rathaṃ cādhāya taret // (68) Par.?
agnir vai sarvā devatā yajño rathaḥ // (69) Par.?
devatābhiś caiva yajñena ca saha tarati // (70) Par.?
ā pārād gantor loṣṭaṃ vimṛṇann āsīta // (71) Par.?
tenāsyā naiti // (72) Par.?
sakṣehy ayaṃ te yonir ṛtviya iti yathāyajuḥ // (73) Par.?
edam aganma devayajanaṃ pṛthivyā iti devayajanam adhyavasyati // (74) Par.?
ṛksāmābhyāṃ saṃtaranto yajurbhir iti // (75) Par.?
ṛksāmābhyāṃ caiva devatābhiś ca devayajanam abhisaṃtarati // (76) Par.?
Duration=0.28457903862 secs.