Texts

abhyantaraṃ nakhāni nikṛntate hastyāny agre 'tha padyāni savyasyāgre kaniṣṭhikāto 'tha dakṣiṇasya // (1) Par.?

sa yadāktākṣo bhavaty athainam ekaviṃśatyā darbhapuñjīlais tredhā vibhaktais triḥ saptabhiḥ saptabhiḥ pāvayati citpatis tvā punātv ity etair mantrair dvir ūrdhvaṃ nābher unmārṣṭi sakṛd avāṅ avamārṣṭy acchidreṇa pavitreṇeti sarvatrānuṣajati // (2) Par.?

taṃ prāgvaṃśaṃ prapādyātra dīkṣaṇīyām eke samāmananti // (3) Par.?

dhruvāśeṣād ākūtyai prayuje 'gnaye svāheti sruveṇa catasro dīkṣāhutīr juhoti // (4) Par.?

āpo devīr iti srucā pañcamīm // (5) Par.?

viśve devasya netur iti ṣaṣṭhīṃ dvādaśagṛhītena srucaṃ pūrayitvā bilāvakāśāṃ vā kṛtvottamasruve 'bhipūrayaty upottame vā // (6) Par.?

kṛṣṇājinasya dakṣiṇaṃ pūrvapādam antar māṃsaṃ pariṣīvyati // (7) Par.?

dve vā viṣūcī māṃsasaṃhite karoti // (8) Par.?

indra śākvara gāyatrīṃ prapadye tāṃ te yunajmīndra śākvara triṣṭubhaṃ prapadye tāṃ te yunajmīndra śākvara jagatīṃ prapadye tāṃ te yunajmīndra śākvarānuṣṭubhaṃ prapadye tāṃ te yunajmīndra śākvara paṅktiṃ prapadye tāṃ te yunajmīty antarvedi kṛṣṇājinaṃ prācīnagrīvam uttaralomāstṛṇāti // (9) Par.?

tadārūḍhe yajamāne patnyāḥ śirasi jālaṃ pratimuñcati // (10) Par.?

tām ahatena kṣaumeṇa vāsasordhvavāsyena dīkṣayati // (11) Par.?

śaramuñjānāṃ mekhalā trivṛd veṇī kāryā // (12) Par.?

ūrg asīti tayā yajamānaṃ nābhideśe triḥ pradakṣiṇaṃ parivyayati dvir ity eke pūṣā te granthiṃ grathnātv ity uttarato nābher niṣṭarkyaṃ granthiṃ kṛtvā sa te mā sthād iti dakṣiṇato nābheḥ parikarṣati yaṃ dviṣyāt taṃ dhyāyet // (13) Par.?

saṃ tvā nahyāmīti patnīṃ saṃnahyati yathā darśapūrṇamāsayoḥ // (14) Par.?

indrasya yonir asīti trivaliṃ pañcavaliṃ vā kṛṣṇaviṣāṇāṃ yajamānāya prayacchaty ābadhnāti vā // (15) Par.?

patnyāḥ śirasi jālaṃ yathā suṣṭhu kalpayati // (16) Par.?