Texts

mainam agna iti saṃpradīpte daśa japitvā savyāvṛto 'navekṣamāṇāḥ prāgudañcaḥ prakrāmanti // (1) Par.?

mṛtyoḥ padam ity anumantrayate dvābhyām // (2) Par.?

āpo hi ṣṭhā sanā ca somety udakaṃ spṛśanti sūktābhyām anaman nimajjanto 'saṃdhāvamānāḥ // (3) Par.?

asāvetatta ity ekam udakāñjaliṃ pradāya / (4.1) Par.?

āpo 'smān ity utkramya / (4.2) Par.?

ahataṃ vāsaḥ paridhāya / (4.3) Par.?

tac cakṣur ity ādityam upasthāya / (4.4) Par.?

kaniṣṭhapūrvāḥ pratyāyanti // (4.5) Par.?

udapātre dūrvāyavasarṣapāṇyopyārdre gomaye nidhāyāśmanvatīty abhyaktam aśmānam agnim udapātraṃ ca saṃmṛśanti // (5) Par.?

adhaḥśayyā haviṣyabhakṣatā pratyūhanaṃ ca karmaṇāṃ vaitānavarjam ekarātraṃ trirātraṃ navarātraṃ vāvā saṃcayanād vratāni // (6) Par.?

nāghāhāni vardhayeyur iti ha smāha kauṣītakiḥ // (7) Par.?

aparapakṣe saṃcityāyujāsu rātriṣu / (8.1) Par.?

yaṃ tvam agna iti dvābhyāṃ sakṣīreṇodakenāsthīni nirvāpya / (8.2) Par.?

purāṇe kumbhe śarīrāṇyopya / (8.3) Par.?

ut te stabhnāmīti loṣṭenāpidhāya / (8.4) Par.?

ucchvañcasveti khāte nikhāya / (8.5) Par.?

ucchvañcamāneti parimite 'vadhāya / (8.6) Par.?

araṇye nikhananti // (8.7) Par.?

śarīreṣv adṛśyamāneṣu trīṇi ṣaṣṭiśatāni palāśavṛntāni // (9) Par.?

teṣām āvāpasthānam // (10) Par.?

catvāriṃśacchirasi // (11) Par.?

grīvāyāṃ daśa // (12) Par.?

aṃsānvaṃsayor bāhvoḥ śatam // (13) Par.?

urasi triṃśat // (14) Par.?

jaṭhare viṃśatiḥ // (15) Par.?

ṣaḍ vṛṣaṇayoḥ // (16) Par.?

śiśne catvāri // (17) Par.?

ūrvoḥ śatam // (18) Par.?

triṃśaj jānujaṅghāṣṭhīvatoḥ // (19) Par.?

pādāṅgulīṣu viṃśatiḥ // (20) Par.?

evaṃ trīṇi ṣaṣṭiśatāni bhavanti // (21) Par.?

puruṣākṛtim kṛtvorṇāsūtraiḥ pariveṣṭya yavacūrṇaiḥ pralipya sarpiṣābhyajyāgnibhiḥ saṃskurvanti // (22) Par.?

icchan patnīṃ pūrvamāriṇīm agnibhiḥ saṃskṛtya sāṃtapanena vānyām ānīya tataḥ punar ādadhīta // (23) Par.?