Texts

tā nadena viharati // (1) Par.?

prāṇo vai nadas tasmāt prāṇo nadan sarvaḥ saṃnadatīva // (2) Par.?

nadaṃ va odatīnām itī3ṁ uṣṇig akṣarair bhavaty anuṣṭup pādair āyur vā uṣṇig vāg anuṣṭup // (3) Par.?

tad asminn āyuś ca vācaṃ ca dadhāti // (4) Par.?

tās triḥ prathamayā pañcaviṃśatir bhavanti pañcaviṃśa ātmā pañcaviṃśaḥ prajāpatir daśa hastyā aṅgulayo daśa pādyā dvā ūrū dvau bāhū ātmaiva pañcaviṃśas tam imam ātmānaṃ pañcaviṃśaṃ saṃskurute // (5) Par.?

atho pañcaviṃśaṃ vā etad ahaḥ pañcaviṃśa etasyāhna stomas tat samena samaṃ pratipadyate tasmād dve eva pañcaviṃśatir bhavanti // (6) Par.?

ity adhyātmaṃ pañcaviṃśaḥ // (7) Par.?

athādhidaivatam // (8) Par.?

cakṣuḥ śrotraṃ mano vāk prāṇaḥ tā etāḥ pañca devatā imaṃ viṣṭāḥ puruṣaṃ pañco haivaitā devatā ayaṃ viṣṭaḥ puruṣaḥ // (9) Par.?

so 'trā lomabhya ā nakhebhyaḥ sarvaḥ sāṅga āpyate tasmāt sarvāṇi bhūtāny ā pipīlikābhya āptāny eva jāyante // (10) Par.?

tad uktam ṛṣiṇā // (11) Par.?

sahasradhā pañcadaśāny uktheti pañca hi daśato bhavanti yāvad dyāvāpṛthivī tāvad it tad iti yāvatī vai dyāvāpṛthivī tāvān ātmā // (12) Par.?

sahasradhā mahimānaḥ sahasram ity ukthāny eva tad anumadati mahayati // (13) Par.?

yāvad brahma viṣṭhitaṃ tāvatī vāg iti yatra ha kva ca brahma tad vāg yatra vā vāk tad vā brahmety etat tad uktaṃ bhavati // (14) Par.?

eṣāṃ vā eṣāṃ sūktānāṃ navarcaṃ prathamaṃ nava vai prāṇāḥ prāṇānāṃ kﾱptyai // (15) Par.?

ṣaﾱṛcaṃ bhavati ṣaḍ vā ṛtava ṛtūnām āptyai // (16) Par.?

pañcarcaṃ bhavati pañcapadā paṅktiḥ paṅktir vā annam annādyasyāvaruddhyai // (17) Par.?

tṛco bhavati // (18) Par.?

trayo vā ime trivṛto lokā eṣām eva lokānām abhijityai // (19) Par.?

tā abhisaṃpadyante bṛhatīṃ chando 'mṛtaṃ devalokam eṣa ātmā // (20) Par.?

evam u haivaivaṃvid etayaiva saṃpadāmṛtam evātmānam abhisaṃbhavati sambhavati // (21) Par.?