Texts

tac chrutvā vacanaṃ tasya snehaparyākulākṣaram / (1.1) Par.?

samanyuḥ kauśiko vākyaṃ pratyuvāca mahīpatim // (1.2) Par.?

pūrvam arthaṃ pratiśrutya pratijñāṃ hātum icchasi / (2.1) Par.?

rāghavāṇām ayukto 'yaṃ kulasyāsya viparyayaḥ // (2.2) Par.?

yad idaṃ te kṣamaṃ rājan gamiṣyāmi yathāgatam / (3.1) Par.?

mithyāpratijñaḥ kākutstha sukhī bhava sabāndhavaḥ // (3.2) Par.?

tasya roṣaparītasya viśvāmitrasya dhīmataḥ / (4.1) Par.?

cacāla vasudhā kṛtsnā viveśa ca bhayaṃ surān // (4.2) Par.?

trastarūpaṃ tu vijñāya jagat sarvaṃ mahān ṛṣiḥ / (5.1) Par.?

nṛpatiṃ suvrato dhīro vasiṣṭho vākyam abravīt // (5.2) Par.?

ikṣvākūṇāṃ kule jātaḥ sākṣād dharma ivāparaḥ / (6.1) Par.?

dhṛtimānsuvrataḥ śrīmān na dharmaṃ hātum arhasi // (6.2) Par.?

triṣu lokeṣu vikhyāto dharmātmā iti rāghavaḥ / (7.1) Par.?

svadharmaṃ pratipadyasva nādharmaṃ voḍhum arhasi // (7.2) Par.?

saṃśrutyaivaṃ kariṣyāmīty akurvāṇasya rāghava / (8.1) Par.?

iṣṭāpūrtavadho bhūyāt tasmād rāmaṃ visarjaya // (8.2) Par.?

kṛtāstram akṛtāstraṃ vā nainaṃ śakṣyanti rākṣasāḥ / (9.1) Par.?

guptaṃ kuśikaputreṇa jvalanenāmṛtaṃ yathā // (9.2) Par.?

eṣa vigrahavān dharma eṣa vīryavatāṃ varaḥ / (10.1) Par.?

eṣa buddhyādhiko loke tapasaś ca parāyaṇam // (10.2) Par.?

eṣo 'strān vividhān vetti trailokye sacarācare / (11.1) Par.?

nainam anyaḥ pumān vetti na ca vetsyanti kecana // (11.2) Par.?

na devā narṣayaḥ kecin nāsurā na ca rākṣasāḥ / (12.1) Par.?

gandharvayakṣapravarāḥ sakiṃnaramahoragāḥ // (12.2) Par.?

sarvāstrāṇi kṛśāśvasya putrāḥ paramadhārmikāḥ / (13.1) Par.?

kauśikāya purā dattā yadā rājyaṃ praśāsati // (13.2) Par.?

te 'pi putrāḥ kṛśāśvasya prajāpatisutāsutāḥ / (14.1) Par.?

nakarūpā mahāvīryā dīptimanto jayāvahāḥ // (14.2) Par.?

jayā ca suprabhā caiva dakṣakanye sumadhyame / (15.1) Par.?

te suvāte 'straśastrāṇi śataṃ paramabhāsvaram // (15.2) Par.?

pañcāśataṃ sutāṃl lebhe jayā nāma varān purā / (16.1) Par.?

vadhāyāsurasainyānām ameyān kāmarūpiṇaḥ // (16.2) Par.?

suprabhājanayac cāpi putrān pañcāśataṃ punaḥ / (17.1) Par.?

saṃhārān nāma durdharṣān durākrāmān balīyasaḥ // (17.2) Par.?

tāni cāstrāṇi vetty eṣa yathāvat kuśikātmajaḥ / (18.1) Par.?

apūrvāṇāṃ ca janane śakto bhūyaś ca dharmavit // (18.2) Par.?

evaṃvīryo mahātejā viśvāmitro mahātapāḥ / (19.1) Par.?

na rāmagamane rājan saṃśayaṃ gantum arhasi // (19.2) Par.?