UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1093
- Click on a sentence to show its analysis
- Keep the mouse pointer over a lemma to show its meanings.
muner vacanam aklībaṃ śrutvā naravarātmajaḥ / (1.1)
Par.?
rāghavaḥ prāñjalir bhūtvā pratyuvāca dṛḍhavrataḥ // (1.2)
Par.?
pitur vacananirdeśāt pitur vacanagauravāt / (2.1)
Par.?
vacanaṃ kauśikasyeti kartavyam aviśaṅkayā // (2.2)
Par.?
anuśiṣṭo 'smy ayodhyāyāṃ gurumadhye mahātmanā / (3.1)
Par.?
pitrā daśarathenāhaṃ nāvajñeyaṃ ca tad vacaḥ // (3.2)
Par.?
so 'haṃ pitur vacaḥ śrutvā śāsanād brahmavādinaḥ / (4.1)
Par.?
kariṣyāmi na saṃdehas tāṭakāvadham uttamam // (4.2)
Par.?
gobrāhmaṇahitārthāya deśasyāsya sukhāya ca / (5.1)
Par.?
tava caivāprameyasya vacanaṃ kartum udyataḥ // (5.2)
Par.?
evam uktvā dhanurmadhye baddhvā muṣṭim ariṃdamaḥ / (6.1)
Par.?
jyāśabdam akarot tīvraṃ diśaḥ śabdena pūrayan // (6.2)
Par.?
tena śabdena vitrastās tāṭakāvanavāsinaḥ / (7.1)
Par.?
tāṭakā ca susaṃkruddhā tena śabdena mohitā // (7.2)
Par.?
taṃ śabdam abhinidhyāya rākṣasī krodhamūrchitā / (8.1)
Par.?
śrutvā cābhyadravad vegād yataḥ śabdo viniḥsṛtaḥ // (8.2)
Par.?
tāṃ dṛṣṭvā rāghavaḥ kruddhāṃ vikṛtāṃ vikṛtānanām / (9.1)
Par.?
pramāṇenātivṛddhāṃ ca lakṣmaṇaṃ so 'bhyabhāṣata // (9.2)
Par.?
paśya lakṣmaṇa yakṣiṇyā bhairavaṃ dāruṇaṃ vapuḥ / (10.1)
Par.?
bhidyeran darśanād asyā bhīrūṇāṃ hṛdayāni ca // (10.2)
Par.?
enāṃ paśya durādharṣāṃ māyābalasamanvitām / (11.1)
Par.?
vinivṛttāṃ karomy adya hṛtakarṇāgranāsikām // (11.2)
Par.?
na hy enām utsahe hantuṃ strīsvabhāvena rakṣitām / (12.1)
Par.?
vīryaṃ cāsyā gatiṃ cāpi haniṣyāmīti me matiḥ // (12.2)
Par.?
evaṃ bruvāṇe rāme tu tāṭakā krodhamūrchitā / (13.1)
Par.?
udyamya bāhū garjantī rāmam evābhyadhāvata // (13.2) Par.?
tām āpatantīṃ vegena vikrāntām aśanīm iva / (14.1)
Par.?
śareṇorasi vivyādha sā papāta mamāra ca // (14.2)
Par.?
tāṃ hatāṃ bhīmasaṃkāśāṃ dṛṣṭvā surapatis tadā / (15.1)
Par.?
sādhu sādhv iti kākutsthaṃ surāś ca samapūjayan // (15.2)
Par.?
uvāca paramaprītaḥ sahasrākṣaḥ puraṃdaraḥ / (16.1)
Par.?
surāś ca sarve saṃhṛṣṭā viśvāmitram athābruvan // (16.2)
Par.?
mune kauśike bhadraṃ te sendrāḥ sarve marudgaṇāḥ / (17.1)
Par.?
toṣitāḥ karmaṇānena snehaṃ darśaya rāghave // (17.2)
Par.?
prajāpater bhṛśāśvasya putrān satyaparākramān / (18.1)
Par.?
tapobalabhṛtān brahman rāghavāya nivedaya // (18.2)
Par.?
pātrabhūtaś ca te brahmaṃs tavānugamane dhṛtaḥ / (19.1)
Par.?
kartavyaṃ ca mahat karma surāṇāṃ rājasūnunā // (19.2)
Par.?
evam uktvā surāḥ sarve hṛṣṭā jagmur yathāgatam / (20.1)
Par.?
viśvāmitraṃ pūjayitvā tataḥ saṃdhyā pravartate // (20.2)
Par.?
tato munivaraḥ prītas tāṭakāvadhatoṣitaḥ / (21.1)
Par.?
mūrdhni rāmam upāghrāya idaṃ vacanam abravīt // (21.2)
Par.?
ihādya rajanīṃ rāma vasema śubhadarśana / (22.1)
Par.?
śvaḥ prabhāte gamiṣyāmas tad āśramapadaṃ mama // (22.2)
Par.?
Duration=0.067197799682617 secs.