UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1109
- Click on a sentence to show its analysis
- Keep the mouse pointer over a lemma to show its meanings.
putrāṃś ciragatāñ jñātvā sagaro raghunandana / (1.1)
Par.?
naptāram abravīd rājā dīpyamānaṃ svatejasā // (1.2)
Par.?
śūraś ca kṛtavidyaś ca pūrvais tulyo 'si tejasā / (2.1)
Par.?
pitṝṇāṃ gatim anviccha yena cāśvo 'pahāritaḥ // (2.2)
Par.?
antarbhaumāni sattvāni vīryavanti mahānti ca / (3.1)
Par.?
teṣāṃ tvaṃ pratighātārthaṃ sāsiṃ gṛhṇīṣva kārmukam // (3.2)
Par.?
abhivādyābhivādyāṃs tvaṃ hatvā vighnakarān api / (4.1)
Par.?
siddhārthaḥ saṃnivartasva mama yajñasya pāragaḥ // (4.2)
Par.?
evam ukto 'ṃśumān samyak sagareṇa mahātmanā / (5.1)
Par.?
dhanur ādāya khaḍgaṃ ca jagāma laghuvikramaḥ // (5.2)
Par.?
sa khātaṃ pitṛbhir mārgam antarbhaumaṃ mahātmabhiḥ / (6.1)
Par.?
prāpadyata naraśreṣṭha tena rājñābhicoditaḥ // (6.2)
Par.?
daityadānavarakṣobhiḥ piśācapatagoragaiḥ / (7.1)
Par.?
pūjyamānaṃ mahātejā diśāgajam apaśyata // (7.2)
Par.?
sa taṃ pradakṣiṇaṃ kṛtvā pṛṣṭvā caiva nirāmayam / (8.1)
Par.?
pitṝn sa paripapraccha vājihartāram eva ca // (8.2)
Par.?
diśāgajas tu tac chrutvā prītyāhāṃśumato vacaḥ / (9.1)
Par.?
āsamañjakṛtārthas tvaṃ sahāśvaḥ śīghram eṣyasi // (9.2)
Par.?
tasya tad vacanaṃ śrutvā sarvān eva diśāgajān / (10.1)
Par.?
yathākramaṃ yathānyāyaṃ praṣṭuṃ samupacakrame // (10.2)
Par.?
taiś ca sarvair diśāpālair vākyajñair vākyakovidaiḥ / (11.1)
Par.?
pūjitaḥ sahayaś caiva gantāsīty abhicoditaḥ // (11.2)
Par.?
teṣāṃ tad vacanaṃ śrutvā jagāma laghuvikramaḥ / (12.1)
Par.?
bhasmarāśīkṛtā yatra pitaras tasya sāgarāḥ // (12.2)
Par.?
sa duḥkhavaśam āpannas tv asamañjasutas tadā / (13.1)
Par.?
cukrośa paramārtas tu vadhāt teṣāṃ suduḥkhitaḥ // (13.2)
Par.?
yajñiyaṃ ca hayaṃ tatra carantam avidūrataḥ / (14.1)
Par.?
dadarśa puruṣavyāghro duḥkhaśokasamanvitaḥ // (14.2)
Par.?
dadarśa puruṣavyāghraḥ kartukāmo jalakriyām / (15.1)
Par.?
salilārthī mahātejā na cāpaśyaj jalāśayam // (15.2)
Par.?
visārya nipuṇāṃ dṛṣṭiṃ tato 'paśyat khagādhipam / (16.1)
Par.?
pitṝṇāṃ mātulaṃ rāma suparṇam anilopamam // (16.2)
Par.?
sa cainam abravīd vākyaṃ vainateyo mahābalaḥ / (17.1)
Par.?
mā śucaḥ puruṣavyāghra vadho 'yaṃ lokasaṃmataḥ // (17.2)
Par.?
kapilenāprameyena dagdhā hīme mahābalāḥ / (18.1)
Par.?
salilaṃ nārhasi prājña dātum eṣāṃ hi laukikam // (18.2) Par.?
gaṅgā himavato jyeṣṭhā duhitā puruṣarṣabha / (19.1)
Par.?
bhasmarāśīkṛtān etān pāvayel lokapāvanī // (19.2)
Par.?
tayā klinnam idaṃ bhasma gaṅgayā lokakāntayā / (20.1)
Par.?
ṣaṣṭiṃ putrasahasrāṇi svargalokaṃ nayiṣyati // (20.2)
Par.?
gaccha cāśvaṃ mahābhāga saṃgṛhya puruṣarṣabha / (21.1)
Par.?
yajñaṃ paitāmahaṃ vīra nirvartayitum arhasi // (21.2)
Par.?
suparṇavacanaṃ śrutvā so 'ṃśumān ativīryavān / (22.1)
Par.?
tvaritaṃ hayam ādāya punar āyān mahāyaśāḥ // (22.2)
Par.?
tato rājānam āsādya dīkṣitaṃ raghunandana / (23.1)
Par.?
nyavedayad yathāvṛttaṃ suparṇavacanaṃ tathā // (23.2)
Par.?
tac chrutvā ghorasaṃkāśaṃ vākyam aṃśumato nṛpaḥ / (24.1)
Par.?
yajñaṃ nirvartayāmāsa yathākalpaṃ yathāvidhi // (24.2)
Par.?
svapuraṃ cāgamac chrīmān iṣṭayajño mahīpatiḥ / (25.1)
Par.?
gaṅgāyāś cāgame rājā niścayaṃ nādhyagacchata // (25.2)
Par.?
agatvā niścayaṃ rājā kālena mahatā mahān / (26.1)
Par.?
triṃśadvarṣasahasrāṇi rājyaṃ kṛtvā divaṃ gataḥ // (26.2)
Par.?
Duration=0.32451105117798 secs.