UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1572
- Click on a sentence to show its analysis
- Keep the mouse pointer over a lemma to show its meanings.
atha pañcavaṭīṃ gacchann antarā raghunandanaḥ / (1.1)
Par.?
āsasāda mahākāyaṃ gṛdhraṃ bhīmaparākramam // (1.2)
Par.?
taṃ dṛṣṭvā tau mahābhāgau vanasthaṃ rāmalakṣmaṇau / (2.1)
Par.?
menāte rākṣasaṃ pakṣiṃ bruvāṇau ko bhavān iti // (2.2)
Par.?
sa tau madhurayā vācā saumyayā prīṇayann iva / (3.1)
Par.?
uvāca vatsa māṃ viddhi vayasyaṃ pitur ātmanaḥ // (3.2)
Par.?
sa taṃ pitṛsakhaṃ buddhvā pūjayāmāsa rāghavaḥ / (4.1)
Par.?
sa tasya kulam avyagram atha papraccha nāma ca // (4.2)
Par.?
rāmasya vacanaṃ śrutvā kulam ātmānam eva ca / (5.1)
Par.?
ācacakṣe dvijas tasmai sarvabhūtasamudbhavam // (5.2)
Par.?
pūrvakāle mahābāho ye prajāpatayo 'bhavan / (6.1)
Par.?
tān me nigadataḥ sarvān āditaḥ śṛṇu rāghava // (6.2)
Par.?
kardamaḥ prathamas teṣāṃ vikṛtas tadanantaram / (7.1)
Par.?
śeṣaś ca saṃśrayaś caiva bahuputraś ca vīryavān // (7.2)
Par.?
sthāṇur marīcir atriś ca kratuś caiva mahābalaḥ / (8.1)
Par.?
pulastyaś cāṅgirāś caiva pracetāḥ pulahas tathā // (8.2)
Par.?
dakṣo vivasvān aparo 'riṣṭanemiś ca rāghava / (9.1)
Par.?
kaśyapaś ca mahātejās teṣām āsīc ca paścimaḥ // (9.2)
Par.?
prajāpates tu dakṣasya babhūvur iti naḥ śrutam / (10.1)
Par.?
ṣaṣṭir duhitaro rāma yaśasvinyo mahāyaśaḥ // (10.2)
Par.?
kaśyapaḥ pratijagrāha tāsām aṣṭau sumadhyamāḥ / (11.1)
Par.?
aditiṃ ca ditiṃ caiva danum api ca kālakām // (11.2)
Par.?
tāmrāṃ krodhavaśāṃ caiva manuṃ cāpy analām api / (12.1)
Par.?
tās tu kanyās tataḥ prītaḥ kaśyapaḥ punar abravīt // (12.2)
Par.?
putrāṃs trailokyabhartṝn vai janayiṣyatha matsamān / (13.1)
Par.?
aditis tanmanā rāma ditiś ca danur eva ca // (13.2)
Par.?
kālakā ca mahābāho śeṣās tv amanaso 'bhavan / (14.1)
Par.?
adityāṃ jajñire devās trayastriṃśad ariṃdama // (14.2)
Par.?
ādityā vasavo rudrā aśvinau ca paraṃtapa / (15.1)
Par.?
ditis tv ajanayat putrān daityāṃs tāta yaśasvinaḥ // (15.2)
Par.?
teṣām iyaṃ vasumatī purāsīt savanārṇavā / (16.1)
Par.?
danus tv ajanayat putram aśvagrīvam ariṃdama // (16.2)
Par.?
narakaṃ kālakaṃ caiva kālakāpi vyajāyata / (17.1)
Par.?
krauñcīṃ bhāsīṃ tathā śyenīṃ dhṛtarāṣṭrīṃ tathā śukīm // (17.2)
Par.?
tāmrāpi suṣuve kanyāḥ pañcaitā lokaviśrutāḥ / (18.1)
Par.?
ulūkāñ janayat krauñcī bhāsī bhāsān vyajāyata // (18.2) Par.?
śyenī śyenāṃś ca gṛdhrāṃś ca vyajāyata sutejasaḥ / (19.1)
Par.?
dhṛtarāṣṭrī tu haṃsāṃś ca kalahaṃsāṃś ca sarvaśaḥ // (19.2)
Par.?
cakravākāṃś ca bhadraṃ te vijajñe sāpi bhāminī / (20.1)
Par.?
śukī natāṃ vijajñe tu natāyā vinatā sutā // (20.2)
Par.?
daśa krodhavaśā rāma vijajñe 'py ātmasambhavāḥ / (21.1)
Par.?
mṛgīṃ ca mṛgamandāṃ ca harīṃ bhadramadām api // (21.2)
Par.?
mātaṃgīm atha śārdūlīṃ śvetāṃ ca surabhīṃ tathā / (22.1)
Par.?
sarvalakṣaṇasampannāṃ surasāṃ kadrukām api // (22.2)
Par.?
apatyaṃ tu mṛgāḥ sarve mṛgyā naravarottama / (23.1)
Par.?
ṛkṣāś ca mṛgamandāyāḥ sṛmarāś camarās tathā // (23.2)
Par.?
tatas tv irāvatīṃ nāma jajñe bhadramadā sutām / (24.1)
Par.?
tasyās tv airāvataḥ putro lokanātho mahāgajaḥ // (24.2)
Par.?
haryāś ca harayo 'patyaṃ vānarāś ca tapasvinaḥ / (25.1)
Par.?
golāṅgūlāṃś ca śārdūlī vyāghrāṃś cājanayat sutān // (25.2)
Par.?
mātaṃgyās tv atha mātaṃgā apatyaṃ manujarṣabha / (26.1)
Par.?
diśāgajaṃ tu śvetākṣaṃ śvetā vyajanayat sutam // (26.2)
Par.?
tato duhitarau rāma surabhir devy ajāyata / (27.1)
Par.?
rohiṇīṃ nāma bhadraṃ te gandharvīṃ ca yaśasvinīm // (27.2)
Par.?
rohiṇy ajanayad gā vai gandharvī vājinaḥ sutān / (28.1)
Par.?
surasājanayan nāgān rāma kadrūś ca pannagān // (28.2)
Par.?
origin of castes
manur manuṣyāñ janayat kaśyapasya mahātmanaḥ / (29.1)
Par.?
brāhmaṇān kṣatriyān vaiśyāñ śūdrāṃś ca manujarṣabha // (29.2)
Par.?
mukhato brāhmaṇā jātā urasaḥ kṣatriyās tathā / (30.1)
Par.?
ūrubhyāṃ jajñire vaiśyāḥ padbhyāṃ śūdrā iti śrutiḥ // (30.2)
Par.?
sarvān puṇyaphalān vṛkṣān analāpi vyajāyata / (31.1)
Par.?
vinatā ca śukī pautrī kadrūś ca surasā svasā // (31.2)
Par.?
kadrūr nāgaṃ sahasrāsyaṃ tu vijajñe dharaṇīdharam / (32.1)
Par.?
dvau putrau vinatāyās tu garuḍo 'ruṇa eva ca // (32.2)
Par.?
tasmāj jāto 'ham aruṇāt sampātiś ca mamāgrajaḥ / (33.1)
Par.?
jaṭāyur iti māṃ viddhi śyenīputram ariṃdama // (33.2)
Par.?
so 'haṃ vāsasahāyas te bhaviṣyāmi yadīcchasi / (34.1)
Par.?
sītāṃ ca tāta rakṣiṣye tvayi yāte salakṣmaṇe // (34.2)
Par.?
jaṭāyuṣaṃ tu pratipūjya rāghavo mudā pariṣvajya ca saṃnato 'bhavat / (35.1)
Par.?
pitur hi śuśrāva sakhitvam ātmavāñ jaṭāyuṣā saṃkathitaṃ punaḥ punaḥ // (35.2)
Par.?
sa tatra sītāṃ paridāya maithilīṃ sahaiva tenātibalena pakṣiṇā / (36.1)
Par.?
jagāma tāṃ pañcavaṭīṃ salakṣmaṇo ripūn didhakṣañ śalabhān ivānalaḥ // (36.2)
Par.?
Duration=0.15240907669067 secs.