Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3284

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

kathayitvā tu tat sarvaṃ brāhmaṇebhyaḥ sa bhārata / (1.2) Par.?

prayayau himavatpārśvaṃ tato vajradharātmajaḥ // (1.3) Par.?

agastyavaṭam āsādya vasiṣṭhasya ca parvatam / (2.1) Par.?

bhṛgutuṅge ca kaunteyaḥ kṛtavāñ śaucam ātmanaḥ // (2.2) Par.?

pradadau gosahasrāṇi tīrtheṣvāyataneṣu ca / (3.1) Par.?

niveśāṃśca dvijātibhyaḥ so 'dadat kurusattamaḥ // (3.2) Par.?

hiraṇyabindostīrthe ca snātvā puruṣasattamaḥ / (4.1) Par.?

dṛṣṭavān parvataśreṣṭhaṃ puṇyānyāyatanāni ca // (4.2) Par.?

avatīrya naraśreṣṭho brāhmaṇaiḥ saha bhārata / (5.1) Par.?

prācīṃ diśam abhiprepsur jagāma bharatarṣabhaḥ // (5.2) Par.?

ānupūrvyeṇa tīrthāni dṛṣṭavān kurusattamaḥ / (6.1) Par.?

nadīṃ cotpalinīṃ ramyām araṇyaṃ naimiṣaṃ prati // (6.2) Par.?

nandām aparanandāṃ ca kauśikīṃ ca yaśasvinīm / (7.1) Par.?

mahānadīṃ gayāṃ caiva gaṅgām api ca bhārata // (7.2) Par.?

evaṃ sarvāṇi tīrthāni paśyamānastathāśramān / (8.1) Par.?

ātmanaḥ pāvanaṃ kurvan brāhmaṇebhyo dadau vasu // (8.2) Par.?

aṅgavaṅgakaliṅgeṣu yāni puṇyāni kānicit / (9.1) Par.?

jagāma tāni sarvāṇi tīrthānyāyatanāni ca / (9.2) Par.?

dṛṣṭvā ca vidhivat tāni dhanaṃ cāpi dadau tataḥ // (9.3) Par.?

kaliṅgarāṣṭradvāreṣu brāhmaṇāḥ pāṇḍavānugāḥ / (10.1) Par.?

abhyanujñāya kaunteyam upāvartanta bhārata // (10.2) Par.?

sa tu tair abhyanujñātaḥ kuntīputro dhanaṃjayaḥ / (11.1) Par.?

sahāyair alpakaiḥ śūraḥ prayayau yena sāgaram // (11.2) Par.?

sa kaliṅgān atikramya deśān āyatanāni ca / (12.1) Par.?

dharmyāṇi ramaṇīyāni prekṣamāṇo yayau prabhuḥ / (12.2) Par.?

*śūrpākāram athāplutya sāgarānūpam āśritaḥ // (12.3) Par.?

mahendraparvataṃ dṛṣṭvā tāpasair upaśobhitam / (13.1) Par.?

*godāvaryāṃ tataḥ snātvā tām atītya mahābalaḥ / (13.2) Par.?

*kāverīṃ tāṃ samāsādya saṃgame sāgarasya ha / (13.3) Par.?

*snātvā sampūjya devāṃśca pitṝṃśca ṛṣibhiḥ saha / (13.4) Par.?

samudratīreṇa śanair maṇalūraṃ jagāma ha // (13.5) Par.?

tatra sarvāṇi tīrthāni puṇyānyāyatanāni ca / (14.1) Par.?

*atha trayodaśe māse maṇalūreśvaraṃ prabhum / (14.2) Par.?

abhigamya mahābāhur abhyagacchan mahīpatim / (14.3) Par.?

maṇalūreśvaraṃ rājan dharmajñaṃ citravāhanam / (14.4) Par.?

*sarvaśāstreṣu netāraṃ sarvāstrajñam akalmaṣam / (14.5) Par.?

*dharme satye dame śauce śaurye caiva viśeṣataḥ / (14.6) Par.?

*dvijarājaṛṣīṇāṃ ca dhārmikāṇāṃ mahītale / (14.7) Par.?

*kīrtane copamābhūtaṃ kṣatradharmaviduttamam / (14.8) Par.?

*sa ca taṃ pratijagrāha vidhipūrveṇa pāṇḍavam // (14.9) Par.?

tasya citrāṅgadā nāma duhitā cārudarśanā / (15.1) Par.?

tāṃ dadarśa pure tasmin vicarantīṃ yadṛcchayā // (15.2) Par.?

dṛṣṭvā ca tāṃ varārohāṃ cakame caitravāhinīm / (16.1) Par.?

abhigamya ca rājānaṃ jñāpayat svaṃ prayojanam / (16.2) Par.?

*dehi me khalvimāṃ rājan kṣatriyāya mahātmane / (16.3) Par.?

*tacchrutvā tvabravīd rājā kasya putro 'si nāma kim / (16.4) Par.?

*uvāca taṃ pāṇḍavo 'haṃ kuntīputro dhanaṃjayaḥ / (16.5) Par.?

tam uvācātha rājā sa sāntvapūrvam idaṃ vacaḥ // (16.6) Par.?

rājā prabhaṃkaro nāma kule asmin babhūva ha / (17.1) Par.?

aputraḥ prasavenārthī tapastepe sa uttamam // (17.2) Par.?

ugreṇa tapasā tena praṇipātena śaṃkaraḥ / (18.1) Par.?

īśvarastoṣitastena mahādeva umāpatiḥ // (18.2) Par.?

sa tasmai bhagavān prādād ekaikaṃ prasavaṃ kule / (19.1) Par.?

ekaikaḥ prasavastasmād bhavatyasmin kule sadā // (19.2) Par.?

teṣāṃ kumārāḥ sarveṣāṃ pūrveṣāṃ mama jajñire / (20.1) Par.?

kanyā tu mama jāteyaṃ kulasyotpādanī dhruvam // (20.2) Par.?

putro mameyam iti me bhāvanā puruṣottama / (21.1) Par.?

putrikā hetuvidhinā saṃjñitā bharatarṣabha / (21.2) Par.?

*tasmād ekaḥ suto yo 'syāṃ jāyate bhārata tvayā // (21.3) Par.?

etacchulkaṃ bhavatvasyāḥ kulakṛjjāyatām iha / (22.1) Par.?

etena samayenemāṃ pratigṛhṇīṣva pāṇḍava // (22.2) Par.?

sa tatheti pratijñāya kanyāṃ tāṃ pratigṛhya ca / (23.1) Par.?

*māse trayodaśe pārthaḥ kṛtvā vaivāhikīṃ kriyām / (23.2) Par.?

uvāsa nagare tasmin kaunteyastrihimāḥ samāḥ / (23.3) Par.?

*tasyāṃ sute samutpanne pariṣvajya varāṅganām / (23.4) Par.?

*āmantrya nṛpatiṃ taṃ tu jagāma parivartitum // (23.5) Par.?

Duration=0.18152093887329 secs.