Texts

Help

Select a text:
Bibliography
Select a chapter:
 (no revisions)
Associated topic(s): Viṣṇu, Vishnuism

Show parallels  Show headlines
Use dependency labeler
Chapter id: 9295
  • Click on a sentence to show its analysis
  • Keep the mouse pointer over a lemma to show its meanings.
vaiśaṃpāyana uvāca / (1.1) Par.?
tato yudhiṣṭhiro rājā śiśupālam upādravat / (1.2) Par.?
uvāca cainaṃ madhuraṃ sāntvapūrvam idaṃ vacaḥ // (1.3) Par.?
nedaṃ yuktaṃ mahīpāla yādṛśaṃ vai tvam uktavān / (2.1) Par.?
adharmaśca paro rājan pāruṣyaṃ ca nirarthakam // (2.2) Par.?
na hi dharmaṃ paraṃ jātu nāvabudhyeta pārthiva / (3.1) Par.?
bhīṣmaḥ śāṃtanavastvenaṃ māvamaṃsthā ato 'nyathā // (3.2) Par.?
paśya cemānmahīpālāṃstvatto vṛddhatamān bahūn / (4.1) Par.?
mṛṣyante cārhaṇāṃ kṛṣṇe tadvat tvaṃ kṣantum arhasi // (4.2) Par.?
veda tattvena kṛṣṇaṃ hi bhīṣmaścedipate bhṛśam / (5.1) Par.?
na hyenaṃ tvaṃ tathā vettha yathainaṃ veda kauravaḥ // (5.2) Par.?
bhīṣma uvāca / (6.1) Par.?
nāsmā anunayo deyo nāyam arhati sāntvanam / (6.2) Par.?
lokavṛddhatame kṛṣṇe yo 'rhaṇāṃ nānumanyate // (6.3) Par.?
kṣatriyaḥ kṣatriyaṃ jitvā raṇe raṇakṛtāṃ varaḥ / (7.1) Par.?
yo muñcati vaśe kṛtvā gurur bhavati tasya saḥ // (7.2) Par.?
asyāṃ ca samitau rājñām ekam apyajitaṃ yudhi / (8.1) Par.?
na paśyāmi mahīpālaṃ sātvatīputratejasā // (8.2) Par.?
na hi kevalam asmākam ayam arcyatamo 'cyutaḥ / (9.1) Par.?
trayāṇām api lokānām arcanīyo janārdanaḥ // (9.2) Par.?
kṛṣṇena hi jitā yuddhe bahavaḥ kṣatriyarṣabhāḥ / (10.1) Par.?
jagat sarvaṃ ca vārṣṇeye nikhilena pratiṣṭhitam // (10.2) Par.?
tasmāt satsvapi vṛddheṣu kṛṣṇam arcāma netarān / (11.1) Par.?
evaṃ vaktuṃ na cārhastvaṃ mā bhūt te buddhir īdṛśī // (11.2) Par.?
jñānavṛddhā mayā rājan bahavaḥ paryupāsitāḥ / (12.1) Par.?
teṣāṃ kathayatāṃ śaurer ahaṃ guṇavato guṇān / (12.2) Par.?
samāgatānām aśrauṣaṃ bahūn bahumatān satām // (12.3) Par.?
karmāṇyapi ca yānyasya janmaprabhṛti dhīmataḥ / (13.1) Par.?
bahuśaḥ kathyamānāni narair bhūyaḥ śrutāni me // (13.2) Par.?
na kevalaṃ vayaṃ kāmāccedirāja janārdanam / (14.1) Par.?
na saṃbandhaṃ puraskṛtya kṛtārthaṃ vā kathaṃcana // (14.2) Par.?
arcāmahe 'rcitaṃ sadbhir bhuvi bhaumasukhāvaham / (15.1) Par.?
yaśaḥ śauryaṃ jayaṃ cāsya vijñāyārcāṃ prayujmahe // (15.2) Par.?
na hi kaścid ihāsmābhiḥ subālo 'pyaparīkṣitaḥ / (16.1) Par.?
guṇair vṛddhān atikramya harir arcyatamo mataḥ // (16.2) Par.?
jñānavṛddho dvijātīnāṃ kṣatriyāṇāṃ balādhikaḥ / (17.1) Par.?
pūjye tāviha govinde hetū dvāvapi saṃsthitau // (17.2) Par.?
vedavedāṅgavijñānaṃ balaṃ cāpyamitaṃ tathā / (18.1) Par.?
nṛṇāṃ hi loke kasyāsti viśiṣṭaṃ keśavād ṛte // (18.2) Par.?
dānaṃ dākṣyaṃ śrutaṃ śauryaṃ hrīḥ kīrtir buddhir uttamā / (19.1) Par.?
saṃnatiḥ śrīr dhṛtistuṣṭiḥ puṣṭiśca niyatācyute // (19.2) Par.?
tam imaṃ sarvasampannam ācāryaṃ pitaraṃ gurum / (20.1) Par.?
arcyam arcitam arcārhaṃ sarve saṃmantum arhatha // (20.2) Par.?
ṛtvig gurur vivāhyaśca snātako nṛpatiḥ priyaḥ / (21.1) Par.?
sarvam etaddhṛṣīkeśe tasmād abhyarcito 'cyutaḥ // (21.2) Par.?
kṛṣṇa eva hi lokānām utpattir api cāpyayaḥ / (22.1) Par.?
kṛṣṇasya hi kṛte bhūtam idaṃ viśvaṃ samarpitam // (22.2) Par.?
eṣa prakṛtir avyaktā kartā caiva sanātanaḥ / (23.1) Par.?
paraśca sarvabhūtebhyastasmād vṛddhatamo 'cyutaḥ // (23.2) Par.?
buddhir mano mahān vāyustejo 'mbhaḥ khaṃ mahī ca yā / (24.1) Par.?
caturvidhaṃ ca yad bhūtaṃ sarvaṃ kṛṣṇe pratiṣṭhitam // (24.2) Par.?
ādityaścandramāścaiva nakṣatrāṇi grahāśca ye / (25.1) Par.?
diśaścopadiśaścaiva sarvaṃ kṛṣṇe pratiṣṭhitam // (25.2) Par.?
ayaṃ tu puruṣo bālaḥ śiśupālo na budhyate / (26.1) Par.?
sarvatra sarvadā kṛṣṇaṃ tasmād evaṃ prabhāṣate // (26.2) Par.?
yo hi dharmaṃ vicinuyād utkṛṣṭaṃ matimānnaraḥ / (27.1) Par.?
sa vai paśyed yathādharmaṃ na tathā cedirāḍ ayam // (27.2) Par.?
savṛddhabāleṣvatha vā pārthiveṣu mahātmasu / (28.1) Par.?
ko nārhaṃ manyate kṛṣṇaṃ ko vāpyenaṃ na pūjayet // (28.2) Par.?
athemāṃ duṣkṛtāṃ pūjāṃ śiśupālo vyavasyati / (29.1) Par.?
duṣkṛtāyāṃ yathānyāyaṃ tathāyaṃ kartum arhati // (29.2) Par.?
Duration=0.15472006797791 secs.